Aggregator

Mizote  hian a tlangpui in kan Software hman te hi Pirate Software deuh vek an ni tih kan hria ang a. Kristian ram a tih atan chuan thil zahthlak tak a ni. Amaherawhchu kan mamawh software te hi lei vek dawn ila chuan kan lei vek seng in ka ringlo. Mi tam tak in kan sawisel thin a,  mahse a sawiseltu te ngei pawh hian kan lei vek theih a rinawm loh.

Chuvangin hemi chungchang ah hi chuan insawisel ngawt hi a theihloh na chen a awm.  A theih hram chuan lei theih a tha a ni mai. Tunlai ah chuan Freeware tha taktak a tam tawh a. hengte hi hmang ila a tha hle.

A tha ber chu ni hlawm lo mahse tha tak tak a tam hle.  Chuvangin  thalaite hian hma hruai in a theih chin chin ah FREEWARE  hi hmang hram hram ang u. Software chungchangah buaina i neih chuan tluangaoz@yahoo.com ah hian minlo contact mai dawn nia.

 
click image to enlarge

Post in schedule sa inkarah heihi ka rawn zep lawks mai. Vawiin (Sept 4) hian Aizawl ah marathon a awm dawn a mi? Mizo website leh news site dangah ka chhiar awm ka hre si lova (nge ka lo chhiar hmaih zawk?), heihi nichin lawk khan Google Alerts atangin ka dawng sia, in hriat zawk tak in ka rawn zawt a che u…

——————

Say No To Tobacco – Aizawl Half Marathon

Aizawl: The State level Half Marathon will be organized on 4th September to generate awareness amongst the youth about ‘the ill effects of tobacco and the importance of physical fitness’. The marathon is jointly organized in celebration of the Platinum Jubilee of CYMA and the Golden Jubilee of Mizoram Range Assam Rifles. The participants will be flagged off from AR Ground at 5:30 am by Tourism Minister S. Hiato in the presence of CYMA President Lalchungnunga and Mizoram Range Assam Rifles DIG Brig SK Verma.

The marathon will start from AR ground to Sikulpuikawn, then to Bawngkawn and back to AR Ground via Chanmari. A shorter 5 km route will be followed by the other categories like women, senior citizens, children and those involved in spreading awareness for the cause. The CYMA had brought to Aizawl over 150 selected participants from District level marathons which were conducted by CYMA and Assam Rifles.

The Assam Rifles stated that over 1000 runners had registered for the 5 km run as well as for the half marathon. “The YMA deserves special credit for the smooth coordination of the entire event” an Assam Rifles official said.

Ziaka dah that atan tiin ka han thai kur ve nguai a. Mahse hunte lo in her ve bek bekin Vaiho dawn aia ropui daih mai Mizote’n talent kan dawng a ni tih leh heti mai maia awm reng tur kan lo ni lo tawp mai tihte keima experience atanga ka hmuhchhuah ve te chu mi tam tak chhiar loha thulkhung mai atan chuan ka phal ta ngang lova, tlai khawhnuah ka han phawrh mualpho ve leh hnuhnawh a ni e.

Vanneihthlak takin Hrangbana College NSS aiawhin zirlai pathum – H.Zorempuia, Nelson C.Vanlalnghaka leh James Ramdinmawia te chu ‘All India Youth Camp for National Integration,’ Pondicherry hmuna January ni 3-11, 2005 chhunga neiha tel ve turin Krismas ruaitheh ni, mipui riltam zik huai huai lai khan kan inchhawmchhuak ve a.

La zin chhuak ngai lo ta na fam chu, Vairengte piah lam zawng chu kan tan thil thar a ni ta vek mai. Bagha-ah kan chawl a, Zorema pek chuan, “Silchar chu a va pui lo si ve!” a’n ti nghal pang a. Guwahati kan han thleng thla chu Nelson-a’n, “Mizoramah vai an tam tih te chu tih mai mai a ni, helamah an lo tam zawk daih a nih hi!” a’n ti ngawt pek a, an thiamawm tho e.

Guwahati atang chuan Rel-in Chennai thleng kan kal a. Mizo zirlai Chennai-a awm, Hruaithanga, Kawlkulh khua (ka tet laia Pathian thu ka vahvaih pui ve hrep laia ka thianpa) chuan min lo hmuak a. A thiante Tekoka, Isaac-a leh Damte te nena an in luahah chuan innghatin kumtharte kan han hmang ve te te a, tichuan Bus-in Pondicherry chu January ni 2 khan kan pan ta.

Pondicherry, Feren-ho sulhnu: British ho thuhnuaia India ram a kun lai khan Pondicherry-ah chuan Feren (French) hovin ro an lo rel ve mek a. Independence kan neih hnuah chuan India rama Union Territory pasarih zinga pakhat a lo ni ve ta a ni. Tuifinriat kama awm a nih avangin sik leh sa ah a nuam tawk viau a. Tin, a khawpui reng reng plan fel thlap tih hriat reng rengin kawngpui leh kawtthler leh in reng reng te chu a in parallel thlap mai a.

French ho influence a nasat em avangin an sulhnu pawh a tam hle mai; an kawtthler hming zawng zawng deuhthaw leh an restaurant hming te chu French hming a ni deuh vek mai. Kan thlenna thler hming pawh Rue Suffren a ni a, Rue Surcouf te, Rue Dumas te, Rue Victor Simonel leh Rue Mahe De Labourdonnais ten min hual vel a ni. Kan awmna chu Beach kiang maia awm a ni a, seaside Beach Road an tih mai, Gandhiji-a lim te, 19th Century Light House te, French Governor hmingthang ber mai Dupleix-a lim te leh tleirawl huaisen Joan of Arc lim te awmna ah chuan zing leh tlai leh zanah te tuifinriat thlifim dawng turin mi tam tak an lo kalkhawm thin a, keini pawhin kan hunawl hnawhkhah nan ber kan hmang a ni.

Hemi beach-ah hian kawngpui zau leh fai em em mai a awm a, Weekend leh holiday leh tlai lam ah te chuan chuti lai kawng chu kea kal te tan chauha hawn a ni thin. A kiang lawkah Chief Secretary Office te, sorkar hmun pawimawh a intlar tuar mai bawk. A mi chengte Tamil an ni tlangpui a, an nelawmin saptawngin an biak theih deuh vek mai. hetiang thleng thleng te kan han kal ve ta mai chu kan vannei hle a ni.

Youth Camp chu:

State hrang hrang atanga kalkhawm kan ni a. Doctor zirlai, Engineer zirlai, Master Degree nei tawh, Company-a hna nei tawh, thenkhat erawh I BA/B.Sc. zirlai, III BA/B.Com. zirlai te kan ni nawk hlawm a. State hrang hrang atanga kan kal dan chu hetiang hi a ni; Andra Pradesh-12, Bihar-1, Gujarat-9, Jammu & Kashmir-2, Jharkhand-1, kerela-3, Madhya pradesh-3, Mizoram-3, New Delhi-9, Orissa-3, Rajasthan-2, Pondicherry-3, Tamil Nadu-2, Uttaranchal-4, West Bengal-3. Kan vaiin 60, hmeichhia-22 leh mipa-38 kan ni. North East pumpui atangin keini pathum chauh kha kan ni.

Zing khawvar hma atangin “Introduction to Nature”-in hun kan han hmang tan nghal pang a. Sanskrit te kan zir a, hnam inpumkhatna lam hla (Hindi) te kan zir a.Tlaiah Physical Education te kan nei bawk. Nitin ‘Study & Project Work’ kan nei ziah a. Group li(4) ah inthenin group hrang hrang topic chu- 1) Why Sanskrit, 2) Self-discovery, 3) Dealing with one’s fearness leh 4) To appreciate Indian Art and Architecture tih te a ni hlawm.

Mizo kan ni kan hmel a tha!!

Awihawm loh khawpin Mizo kan che tha a, pathum lek kan ni na in kan camp leh kan chetvelna hmunte chu kan al hneh rem rem hle. Kan chet that dan zawng zawng hi kan haw hunah sawi vek dawn ila, a chanve takngial pawh mi an awih sak duh lovang, te kan ti vel hial.

Mipa room-a Arm Wrestling kan neih tuma Nelson-a han ter pha tur tumah an awm loh thu te, ‘Asanas(Yoga)’kan neih tuma kan hotu pa-in a laia min awm tir a, ka tih ang ang zawm ve tura midang a hrilh tak thu te, ‘Origami’ kan zir tuma ka thlalakna (camera) lem siam mak an tih zia te, Faculty Development kan tih tuma tiang(stick) hmanga plate balance chunga inkal chak siaka Zorema pakhatna nih thu te, Tennis ball hmanga ralkhata um tun din vawm thluk-a a vawmthlu hmasa ber ka nih thu te, T.T. bat hmanga Tennis ball chawikang chunga inkal/tlan chak siaka pakhatna ka nih thu te, tlai tin Physical Education neia mel khat vel lek lek te kan tlan thin laia Speed ngai renga tlan thleng thei tlemte zinga Mizo kan ban loh thu te, ‘stretching’ leh ‘exercise’ step ho te tea a thei ber ber leh a kawnghmang hre ber kan nih zel thu te, ‘long jump’-a Nelson-a aia zuang thui leh amah han ter pha tur an awm loh thu te zawng zawng chu ni danga sawiah khek ta rih ila. Mizo nih chu nuam ving veng tak a ni, tih-ah hian i duhtawk phawt ang!

Hei erawh ka hmaih phal hauh lo thung; kan haw hnu 2nd February, 2005 khan Indrajit Raj, Gujarat hnen atangin lehkha ka dawng a. Mi a rawn ngai der ve hle a. A thuziah thenkhat chu a ngai ngaiin, “…So how is your schedule there? Everything is O.K. There in Pondy, I’ve learnt many things from you & I’m ready to learn another remaining. U will try to teach me by letter, ……………and teach me, James, your secret of success!” ‘In thiltihtheihna thuruk eng nge?’ tih hi kan cham chhunga zawhna kan dawn tam ber pawl ni tain ka hria. Chutiang hunah chuan, “E le! Keini te chu Kristian kan ni a lawm!” kan ti mai zel.

Mizoram Governor la ni tur chu:

A tawp ni-ah kan thlenna Guest House-ah chuan Raj Nivas (an Raj Bhavan ve) atangin kan phone lo kalin, “Mizoram atanga zirlai lo kal pathum te kha kan be duh e” an rawn ti a. Guest House enkawltute leh camp-a tel ve dangte chuan an lo hlauthawng nasa mai a. Eng emaw tihsual palh kan nei ang a thu zawhfiahah min rawn man an tum a nihte an ring hial a. Tin kan hotupa Kaivalyabhai-a cell phone-ah phone call a lo kal bawk a. Mahse an hlauhthawn ang a lo ni awzawng lo mai a, Mizo zirlai pathum te’n Lt. Governor kan hmuhna tura appointment min pek thu hi a lo ni a! A tu mai pawh chuan mak an tiin mi an ngaisang leh ta em em mai!

Chiang deuh zawkin ka han sawi ang e. Nitina kan chet velna kiang lawkah Raj Nivas a awm a, Raj Nivas hi French ho hunlaia an Governor General te chenna a ni. A compound a mawiin an phaitual hnim leh thingkung, Tumkau leh Coconut kunga mawi taka thuam a ni a. “Thlalak a va chakawm ve!” tia ka han sawi hian Vaiho hian, “In chak thlawn mai mai a nih chu, thlalak phal lohna hmun a nih hi” an lo ti khanglang zel a. ‘Kan va han la dawn rua em, lo ngawi tak rawh u,’ ka ti rilru ta nauh nauh a.

Tichuan thlalak chak vang em em pawh ni lem lovin kan chet velna kiang a ni bawk a, “Helai thleng thleng zin ve ta chu sawi ve reng rengah Lt. Governor hi i hmu teh ang u,” tiin ka rawt a, Nelson-a chuan kan hmuh theih a beisei vak lo a, mahse Zorema nen chuan an remti ve ta tho a. Tichuan Camp-a kan hotu te pawh tumah rawn lem lovin appointment kan va dil a, kan dil lai chuan Lt. Governor chu a lo zin bo daih mai a, mahse tlaia lo haw tur a nih tho avangin, “In hmuh theih dawn len dawn loh chu naktukah kan rawn phone mai dawn nia,” an ti a. Hmuh duh chhanah an strict em em a, mahse hmuh dilna thlum takin kan han ziak a, Guest House phone number leh Kaivalya cell phone number kan ziak tel a.

Tichuan a tuka phone kan dawng ka tih kha appointment min pek thu a lo ni ta ni. Kaivalya-a’n Raj Nivas atanga phone a dawn tirh chuan, “Raj Nivas atang kher kher chuan phone call ka dawn hi ka lo ring pha ngai lo va, ka phu zawk nghe nghe a ni” a ti ve hial a, mi a ngaihsan phah hle a ni.

Tlai dar 4-a hmu tur kan ni a. Kan han hmu mai tur chu Gujarat tlangval Rakesh-a chuan mak a ti khawp a, “Kan hmu ve thei ang em le?” a han ti he haw a, “E! James, in hmu tak tak dawn a nih chuan Gujarat zirlaite pawhin an hmu ve duh che, ti u la, min lo dil sak ve u la,” a’n ti phawng mai a, kan nui ringawt, thil zawng zawng ti thei leh tihsak theiah min ngai a ni chek ang chu. Mizo nih a va nuam em!

Tlai dar 3:30 ah kan thleng a, kan nghah lai chuan Secretary to the Lt. Governor hian ama Office-a leng hmasa turin min rawn koh tir a. Kan han lut chu Mizo tawng ngatin, “Dam maw? Thingpui?” te hi a lo ti vei roh a. Kan hamhaih hle! Amah chu Chetan B.Sanghi IAS, Mizorama kum 1993-95 vela Joint Secretary lo ni thin a ni a, Aizawl DC te pawh a lo ni tawh nghe nghe. Pa valai tak, hmel ‘sir’ vuah mai hi a ni a, a han in sawi pawp takah chuan kan in nel ta phian a.

Kan titi ta luam a, Mizorama a awm lai kha a pathlawi lai niin amah a la senior lovin a hmel a chhe lem lo bawk a, “Chhass lamah te i ‘luck’ viau lo maw?” tihte thleng thlengin kan inzawt ta. UT sorkar-a Secretary lian, IAS Officer meuh han titi pui na’n chuan duh aiin kan ngam lu deuh niin a lang. Mahse amah khan nuam a ti phian a, “Ka luck lutuk, Mizo nula zingah chhass ka ngah hman a lawm!” a han tih chuan he ka Mizo rilru hi a lo na hman pek.

Zorema’n AGMUT Cadre a ni em tih a han zawt chu fing leh hawizau a ti em em a. Keiin IAS a zawm kum ka zawh chu, “Ring chhin rawh,” min ti a. 1993 vela Joint Secretary chu ka han ngaihtuah vang vang a, “1988” ka han ti a, a lo dik tak tak a, mak ti deuh maiin, “Intelligent Service lamah Central sorkarin la che u sela a tha ang,” a ti ta ngawt a. Chutih lai chuan pa pakhat hi a lo lut ve a, Mizoram atanga zin kan nih thu chu Pu Sanghi-a chuan a han hrilh chuan “Valpui” a rawn ti ve leh ringawt a.

Mak kan ti khawp mai. Chu pa chu Pondicherry IGP a lo ni a, a hming kan lo zawh theihnghilh daih mai a, Mizoramah kum 1978-79 vel khan a lo awm ve tawh hi a lo ni a. A Mizo tawng thiam chhun a rawn hmang thei chuan min ti tlangnel zual hle a ni.

Lieutenant Governor chu kan hmu ta. Amah chu Lt.Gen.(Rtd.) M.M.Lakhera a lo ni a, tuna Mizoram Governor hi. Hemi tuma Pu Lakhera kan hmuh hian Mizoram Governor a ni ang tih kan ring pha lo teh asin! Hei hi kan intawn vawikhatna a ni; kan intawn vawihnihna chu Pondicherry Lt. Governor a nihna ang ni lovin, Mizoram Governor a nihna pawh ni hek lovin thiantha angin Mizoramah ngei a ni ta zawk a, hei pawh ni danga sawiah i khek ang.

A pa lianin a hmel pawh a ‘man’ khawp mai. Fuihna thu tha tak tak min fah a, ama thuziak ‘Philosophy of Life’ tih chu min pe theuh va. Amah pawh thingtlanga piang leh seilian, sap tawng pawh ama thiam thiama thiam, a tumruh hrim hrim avanga hlawhtling a nih thu te a sawi a, chu chuan chona nasa tak min pe a ni. Pondicherry Lt. Governor nih chu administration-ah a buaithlakna chen a awm niin a sawi a. A chhan chu a ram bung thenkhat Yanam (950 km) te, Mahe (720 km) leh Karaikal (140 km) te chu a hlat em avang leh state dang chhunga awm an nih hlawm avangin awp khawm a buaithlak ve hle dawn a lo ni.

Present chi hrang hrang kan pathum chuan min pe theuh a. Heng kan present dawn te hi Sri Aurobindo Society ho ta, Cottage Industry leh Hand-made Paper Mill chhuak vek a lo ni a. Keini chuan Thangchhuah diar kan pe ve a, a awmzia kan han hrilhfiah chuan a lawm thiam hle mai. Tin, Mizoram Tourism information brochure leh I&PR booklet te chu kan pe bawk. Tichuan thlalak phal lohna hmunah ngei chuan lak kan han dil a. Kan la ta a. Thlalak print man a tlawm bawk a, kan print nghal vek a, Vaiho-in an han en mai chu Mizo an ngaihsanna a zual zel, a zual zel a ni ber!

Pondicherry hian Minister paruk(6) an nei a, mahse Union Territory a nih avangin Lt. Governor hian hna a ngahin a tul em em mai a, keini’n minute 40 lai mai kan han titi pui thei mai hi vannei kan inti tak zet a ni.

(Admin Note: He post hi a sei deuh hlek a, hmun hnih ah kan then ta mai)

Mifco hnathawk ten hlawh thla sarih zet an lak tawh lo thu leh September ni 1 atanga office an kai dawnloh thu te leh an kai tak loh dan te kan chhiar a.C hutiang bawkin MIFCO chuan Rs vaibelchhe engemaw zat an hloh thu te kan chhiar tel bawk a, sorkarin planning board lam a tang a Rs nuai 50 zet thawktute hlawh a tan an sawi chhuah thu te, mahse a taka an hmuh phawtloh chuan thawktu ten office kai an tum loh thu te kan chhiar leh a, mifco hian engvanga loss nge an nih tihte leh thil dang tam tak ka ngaihtuah mai mai a:-

1) Mifco hi sumdawng a ni em, a thawk te hian hlawh chauh hmuh tumin office an kai em ni?
2) Heti tak a loss nasa an nih si chuan hna an thawk tawk lo tihna em ni?
3) An loss nasa viau a an thil siam chhuah te a market a that tawk loh chuan ngaihtuahna thar hmang a market tha zawk ngaihtuah an thiamlo a mi? hlawh hmuhnan an thawk ve mai mai a ni lo maw?
4) Mizoram pawn lam thleng a an thil siam chhuahte hralh tla a nih theihnan hma an la tha tawk em hlawhtling tlak an ni reng em?
5) An thil siam chhuahte hralh tla a nih theihnan man tlawm zawk leh mipui mimir ten an lei theih nan ngaihtuahna an hmang lo em ni?

THAWK LO CHUAN EI PAWH EI SUH SE

Nipui a lo thaw a, khiang zik a rawn chawrno leh tan a. Keipawh chu school lut tur chuan khawpui lamah ka awm ta a. Ka rilruah chuan kha lasi note-i kha a la awm renga, theihngilh ni ka nei ngai lo. Sikul chu kan kal tan a, kan class-ah chuan khawpui mi hmeltha leh vun nalh tak tak pawh an awm nual. Mahse, ka lasi note-i tluk an awm hian ka hre ngai lo. Mahni chauhin lungleng takin ka awm thin.

Kan sikulah chuan hostel a awm nghala, kan sikul bul velah chuan sikul dang a awm ve nuala, hostel neiin zirna pawh a tha hlawm hle a ni. Kan sikul thlangah chuan kawngpui awmin kawngpuia mi lo kal chu thlir pahin tlai ni tla mai tur chu kan chhaih thin. Khang mihring zozai zingah khan ka lasi note-i han tluk pha tur pakhatmah ka hmu lo. Ka lasi note-i kha chu mi bik a ni tlat.

Tlaikhat chu ni tla tur thlira khawhar taka ka thu chu ka rilruah thil pakhat a lo lut zawk a. Hmana ka lasi note-i ka kawmlai khan Aizawlah lehkhazira a awmthu min hrilh kha ka hrechhuak ta zawk mai a. Engtikah emaw chuan ka hmuhleh theih ka ring tlat a. A rukin ka zawng ru nasa hle a, mahse a ni telin a vang tulh tulh bawk si. Bei a dawng ru viau naa, engtikah emaw chuan ka la kawm leh awm e mai tihna rilru erawh a lian hle.

Kan awmna bula vela sikul te pawh chu an kal tan ve ta a. Khang zingah khan ka lasi note-i kha a awm ve angem aw? Awm hlauh sela a nawmtur zia chu ka rilru min hriatpuitute chuan an hrethiam awm e.

Tlaikhat chu pawnah ka thiante an nui leh hak hak thin a. Kei erawh dormitory-ah lehkhabu chhiarin ka awma. Ka rilruah lasi note-i bawk kha a lo lang leh thin. Ka khawhar lutuk chu ka thiante bula awmtur chuan ka thil chhiarlai chu dahin pawnah chuan ka va chhuak ve a.

Ka thiante chuan engnge maw an tih le tia ka ngaihtuah chu- kan hostel bula awm hostel dang hmeichhe ho chu an lo chhaih chu niin. An lo hlim hle mai a.

An hmeichhe chhaih ho chu an hmelthat leh hmelthatloh te kan en ve a. Chutia ka thlir reng lai chuan thil danglam tak lo thleng dawn tlatin ka hriaa. Ka han en kual vel a. Hmeichhe ho pawh chu an lo hmeltha ve hlawm khawpa, ka thiante pawh chu an lo fiam ve bawk a.

Ka thlir renga, ka thiante nen chuan an infiam renga, zaizirin an inbiak kual vela. Kil khata lehlam hawia hmeichhe ding, ze zawi hmel tak. A sam lah ngil siau mai. A pian lah hmanlai Greek thawnthua pathiante fa an tehkhin ang maia dik thlap a ni a. Ka mit a la riau a. A hmelhmuh pawh ka chak khawp mai. Rawn hawi se ka ti em em a, mahse ka rilruah chuan lasi note-i bawk kha a rawn lang lehzel tho.

Chutia tlumtea thlir taka ka thlir lai chuan ka thiante uang chuan a kil bera ding, lehlam hawi tlat, ka hmuhchak em em chu hmeichhe ho bulah chuan zaizirin lo biak turin an han ti a. Keichu ka nui mai a, a pian a dik em avang chuan a hmelchhiat ka ring lova, min han biak der pawh chu pawi tihna ka nei vak lo.

Ni a tla dawn suar suar tawh a, thli a thaw heuh heuh a, chu nu, ka thlir reng Pianthiami sam pawh a chhem leng heuh heuh a. Ka thianten min biak tura an tih vang chuan Pianthiami chu an han kheuh a, muangchangin a rawn inhera. Chutihlaia a rawn inher kim hun nghahhlehawm zia mai chu. Thli a rawn thaw vaka, a sam chuan a rawn inher kim tep tihah a hmel a rawn hliah leh ta tlat mai- het shala! A va hun lo em. A sam chu a han siamtha mawlh mawlha,a thiante chu a han en hmasa te te a, a rawn hawithla ta- ka rei ka Lasi note-i..!!

Ka thianpa hian windows 7 a install ve a. A PC configuration hi ka hriat dan chuan Intel Pentium Dualcore 945GEC chipset family,RAM 1.5 GB vel niin ka hria. A install zawh hnu ah a Crack leh thlap ani awm e. Mahse, a motherboard driver disc ami a install zawh hma khan 'This operating System is not supported. Setup will exit' a ti zel mai a. Sound lah a awm hek lo, Video pawh a ri lovin a en tawp mai a ni awm e.. :) A ngaihna hre lovin min han rawn ve bawk a. Ka thiam a lo tlem ve ang reng si a. Ka pui thei ta bawk si lo. LK lamah an hria ang ka lo zawh sak dawn che nia ka ti a. In puih theih hlauh chuan ka lawm ngat ang.

Sap-ho khan Vailen vawihnihna-ah  khan min awp hlen ta kha a ni a, Aizawl mei mit lova luah tan kum kha 25th February 1890 niin record a ni a (Aizawl Centenary pawh hemi based hian chhut a ni).  Aizawl-a kulh an siam chinah Aizawl Bawrhsap hnuaiah Mizo tlemte, hna hnuai hnung (chaprasi) thawkin an awm bawk a. Heng hunlai hian tlang hrang hrang atangin Bawrsap be turin, Mizo lal ho hi Aizawlah an in sul pel zut zut reng a ni awm e, zu leh sa pawh a luang viau ni tur a ni.

Pu R.Vanlawma khan a article, Aizawl hming phuah chhanah khan heng hun lai a nawhchizuar ti tih lar em em pahnih (Laiawrhi leh Bawki) a ziah lan kha ka chhiar fuh hlauh mai a, Mizo chanchin ziahna hrim hrimah ka vawikhat hmuhna a ni hial mai awm e te ka ti a;  Misual thiante ka rawn share ve duh che u a ni e.

Tin, nawhchizuar ni meuh lo Domangi te kha an hmel a tha viau ni tur a ni Mizo lal ho khan an ngaizawng hlawm viau a ni ngei ang, hlaah pawh ti hian an phuah a ni awm e.

“Thiana, duhthu sam ta vekah chuan,
Laikhum thlehnem hnuaiah Mangngovi tangah,
Mu aw leng leng tih ka nuam mange”

P.S: Sawi ho tur points thenkhat te :-

1) Heng hun lai hi Kristian kan nih hma kha a ni a, nawhchizuarte hi lo awm ta pawh nise, a awm tho kan ti em?

2) Parry Sap khan nawhchizuarho kha Aizawl atangin a hnawtchhuak vek tih thawmte a lo awm leh a, khawi lamah chuan pem zel hlawm maw?

3) Kristian kan nih hnu hian engtik lai khan nge an lo inlar chhuah leh tak? Rambuai atang khan em ni?  Nge a hma deuhin ?

4) Nawhchizawrh hi kan ramah hian khuahkhirh nge tha khap reng?

Post ho taka lo ngai in awm pawn a awm tho ve, kei pawh hian ka post ang nge, post lovang tih ka inkhap rei fu a. Mizo History lama thil tangkai a la nih beiseina avangin ka rawn post hram a ni e.

He thu hi hria in awm tawh mai thei, a la hre ve lo tan ka han post ang e, post thar a awm lo em mai

Central Service ni lo, Mizoram sorkar hnuaia hnathawkah chuan Director-te hi Head of Department an nih angin sang ber awm tak an ni a. Mahse a lo ni hauh lo. Anni aia sang hi an lo awm fur mai.

1. Mizoram Civil Service (MCS), Mizoram Engineering Service (MES), leh Mizoram Judicial Service (MJS)ah te hian Director aia sang category hnih(2) heuh an awm.

2. Mizoram Ministerial Service (MMS), Mizoram Police Service (MPS), Mizoram Finance and Account Service (MFAS)ah te hian Director aia sang category khat (1) theuh an awm.

Tunhnaia Mizoram Police leh Mizo Panhnah Zuar Assn tangdunin Mizoram a dan lova sumdawng a panhnah zuar an man te chu court ah hruai an ni a, Mizo Panhnah zuar assn te chu thu hre tu ah tangin Court ah hian an member te an kal tha hle. August ni 20 zing dar 7 atanga dar 8:30 vel khan Mizoram Police leh Mizo Panhnah Zuar Assn. MPZA tangkawp chuan dan lova hnamdang sumdawng panga MD Abdul Qaiuyyuon S/o MD Sufi (L), Masli, Karimganj Dist. Fakrul Islam S/o Nisar Ali, Masli, Karimganj Dist, Taj Uddin S/o Noor Ali, Masli, Karimganj Dist., Nikonta Das S/o N. Das, Tegharia, Karimganj Dist. ami te chu panhnah an zuar lai ngei man an ni.

August ni 30 zing khan hnamdang hmeichhia Jahana Begum Kum 27, D/o Jamal Uddin, Silchar, ILP nei lo chuan, panhnah rawn tawlh lutin arawn zuar lai chu Police ah report in man ani bawk a, Heng zinga pahnihte chu ILP nei lo annih angin thawn let anni tawh a, midang pali te chu an permit an hman dik loh avangin court ah hruai niin Central Jail ah dahluh anni a, atuk ah bail a, chhuah leh anni a, vawiin Sept ni 3 hian Mizo Panhnah Zuar Assn. chu sorkar tan witness an nih angin member zawng zawng te court ah an kal ani.

Mizo Panhnah zuar assn. chuan hnamdang Dan lo a, panhnah zuar a, sumdawng te hnen ah hian mizo hming hawh a panhnah an zawrh thin chu bansan tawh turin hriattirna leh ngenna an pe tawh a, mahse an zawm loh avangin police nena tangkawp in man anni ta ani. Mizoram ah eizawnna aharsat tawh avangin MPZA chuan panhnah zawrh sumdawnna hi Mizo te tan na takin an hauh tlat tawh dawn tih an sawi a, heng dan lo a, sumdawng te hi khawtin ah kalin, veng kilkhawr ber thlengin panhnah zuarin an vak kual a, a ram neitu zawk te tana eizawn har khawp in an tam tawh a, mizo panhnah zuarte an mangang thu an sawi ani.

Hetiang a hma an lakna ah hian hnamdang hum duhtu an awm thin nia sawiin pawi an tih thu an sawi a. Heng dan lova sumdawng te hi mizo behchhan lovin an sumdawng thei lova, chuvangin hnamdang tana mahni hming hawh tir lo tur leh an dawr hmun ah te lo thutsak lo turin an ngen tih an sawi bawk.

Hmanni chu wedding anniversary lawmnaah ka kal ve a, an 25th anniversary a ni lehnghal. Chaw ei dawn khan a changtupa ber khan min ti nau bawk a, min rawn hrilh ru sar sar a, a special room lamah min hruai phei ta a. Ka va lut chu leh min shock chiang ngei mai! Pa un tak tak rual hian a senchi (a tha chi ngat!) an lo dawm a, an lo titi laih laih mai a. An zinga pakhat chuan min lo ko vat a, ka pa hre tu em em mai a lo ni lehnghal a, kan inkawm ta bawrh bawrh a. Kar tluanin hna kan thawk tawh a, weekend te a ni bawk a, sawm hran pawh ka ngai lo, min lo thlit sak chu ka han dawm ve nghal mai a.

Mak ka tih lai tak zawk chu chung lo tawm ho zinga a naupang ber pawh kum 58 mi a ni a, a upa ber chu kum 83 a ni bawk a, an awmna veng theuha mi zahkai tak tak an ni hlawm bawk nia (an hming chu sawi ila hre mual mual chu in awm ang mawle!). Mahse ka lakah chuan a tu a mah chu an inthlahrung lem hlei lo. Rei vak lo ka awm hnu chuan an zinga 3 lai chuan chaw ei an duh thu an sawi a, an hmanhmawh deuh nachhan pawh inkhawm an duh vang a lo ni. Pakhat chuan ka bulah “inkhawm kan ngai si a, a rim nam lo deuh tura in tlem a ngai, kan ei san mai ang che u” a la rawn ti ta deuh deuh.

A changtupa ber lah chuan “hetiang te chu hahdam nan a hman tur a ni a, rui khawp khan in awih loh ania” min rawn ti leh bawk a. Kan THIL dawm chu engteh ualah an ngai lo anih hmel khawp mai (tute emaw ang deuhva an ngaihdan min tuh tum tlat chu an nih loh hmel ); an hriselna lah chu a tha phian hlawm lehnghal! Patling rual inkawm khawm ka tel ve tawhnaah chuan nuam ka tih ber pawl anih ka ring. An hriatna a tha bawk a, thil hlui tak tak ruah tham loh min fah teuh mai…

He THIL, mi(sual) ho pawhin a vawi duai lo kan lo khel tawh hi thu inchuh ni reng mahse engah maha ngai lo leh an nunphung leh khawsak buai phah nana hmang lo tan chuan a lo va han HO em ve aw…..tiin mi(sual) thian ho ka han threh ve mai mai che u a ni e! In ngaihdan sawhsawn erawh ka tum ve hauh lo ania !

Saitual Biakin hmasa ber len zawng hi in rin thu han sawi ve teh u. Saituala in pakhata sitting room banga intar a nih hi. A inziah dan chuan  an biakin len zawng hi “A dung tlangkhuma hlamthum. A vang a hlam hnih, ” a chiang em?

Chrome nge chak Internet Explorer 8? Nge, anni ai hian Safari? A nih loh leh Firefox? Nge Opera?

Khimi chhanna khi keima ngaihdan ka han ziak teh ang: Dt. 30th Aug, 2010 atang khan Safari khi ka hmang ve tan a. A hma chuan Firefox te, Chrome te ka hmang thin. Tunhma deuh kha chuan Internet Explorer 7 ka hmang thin.

Firefox: Mozilla Firefox hi Version 4.0 Beta 4 a awm tawh a. Ka hmang pah nghe nghe. A hman nawmna chu Facebook Add-ons a neih te avang hi a ni pakhat a. Tin, a han Crash deuh chuan Webpage a restore leh theih bawk hi

Chrome: Google ho siam, Chrome hi tunah hian Version 7.0.503.0 Beta a awm tawh a. Internet Explorer aiin hman a nuam zawk mahin ka hria.

Safari: Apple Company siam Browser hi tunah hian a hnuaia ka han tarlan ang hi a nihphung a ni:

Current Version : 5.0.1

Release Date : 2010-07-28

License : Freeware

 

Ka hman chhung reilote ah pawh a chak that em avangin ka fak a. Midang ka Blog tlawh tute pawhin hmang ve ula, hman a nawm ziate in hrechho zel turah ka ngai a ni. A bik takin Photon i hmang a nih chuan i duhthusam a nih ka ring.

 

Opera: Version 10 a awm tawh a. Speed Dial a neih te leh a Widget kentelte hi mi tamtak chuan hman a nawmna- ah an ngai.

 

Internet Explorer: Version 8 a awm tawh a, XP nen a inmil lo.

Sorkar kum kal taa Treasury-in a pass hman loh vanga Mizoram sum hman loha kîr (lapse) cheng vbc. 70 vel zinga cheng vbc. 42 vel chu hmuh kir theih a ni dawn lo.
Finance leh Planning aanga thudawn danin, Mizoram sum cheng vbc. 70 vel lapse zingah centrally Sponsored Scheme (CSS) sum vbc. 14 zinga henkhat, Plan sum earmarked cheng vbc. 10 vel leh Onetime ACA sum cheng vbc. 6 vel aanga henkhat chu hmu let leh theih a beisei a ni a; a bak cheng vbc. 42 vel erawh chu hmuh lêt theih a rinawm loh a ni.
Plan sum cheng vbc. 42 chu hmuhkir leh theih a rinawm loh avang hian, sorkar ang pawhin hmu lêt leh tura hmalakna a awm lo niin thudawnna chuan a sawi. Cheng vbc. 42 bakah hian CSS leh Onetime ACA sum henkhat chu hmuh kir theih pawh ni se, September Assembly Session-a pharh hman a nih loh chuan a hman theih hun tur hriat a ni lo.
Finance department chuan CSS sum cheng vbc. 14 vel zingah sorkar laipuiin a rawn sanction tlai avanga budget-a dah hman loh leh, department-in Treasury aanga an lak chhuah hman lohte chu an hmu kir leh thei dawn a; September 20-a Assembly Session-ah hman theih tura pass turin pharh tum a ni.
Hetih lai hian, September 20 aanga Assembly Session-ah hian CSS leh Onetime ACA sum inrelbawlna, hlawh leh office ul atana hman tur sum pharh hman a beiseiawm lo a; hemi chungchangah hian a sum neitu department leh Accountant General, Shillong-te an inbe mek.
Budget-a earmarked sum vbc. 10 vel chu a neitu department-te'n Finance-ah an thehlut ang a, Finance lamin an pawmsak chuan an budget-ah telhsak nghal an ni ang.
Mizoram sum lapse zinga hmuh kir leh theih turte hi September 20-a Assembly Session-ah hman phalna dil ni ang a, an pawmpui chuan a neitu department-te'n an hmang leh thei dawn a ni.
Hetih lai hian, Chief Minister Lal Thanhawla chuan, kumin May 6-a Mizoram Government Doctors' Association, Annual General Conference a hmanpui umin, sum lapse zinga vbc. 60 vel hmuh kîr leh theih a beiseiawm thu a lo sawi tawh a ni.

Sorkar Signboard ve meuh...

Thil pawimawh deuhhhhhh…. !!!!!

SNSD (Girls’ Generation) nge Wonder Girls ho hi in duh zawk? Korean lam ngaisang ho (gothica etc) te tan he post hi ka rawn submit e. Friday a ni bawka, relax pah hian an music ngaithla i la, i lam bur bur mai ang u auh! A hmasa berin, SNSD “So Nyu Shi Dae” (Girls’ Generation) ho.

1. SNSD – Run Devil Run

2. SNSD – Chocolate Love

3. SNSD – Gee

Tunah Wonder Girls ve thung:

1. Wonder Girls – Nobody (US debut)

2. Wonder Girls – So hot

3. Wonder Girls – 2 Different Tears

————————-

BONUS TRACK:

After School – Because of you (He mi te pawh hi an thiam khawp mai, an music video hi a “artistic” na riau a awm.)

Pangkai hi kan ei fova, mahse a kung hi ka lo la hmu miah lo chu a lo ni a. Tunah chuan ka hmu ta e. Eng vang kher chuan nge Pangkai an tih le... ka ti mai mai.. a kung/a panga bet ang maia a awm a vang hi a ni mahna..

“Mual hla kar dan a i liam ta a” tih hla hi tun  hma lam deuh khan Radio lamah thiam takin an sak  ka lo ngaithla tawh a, hla ngaihnawm leh lungkuai tak niin ka lo hre thin a. Chung hun lai chuan (a hnu deuh pawh a ni mai thei) he hla hi hre thin mah ila inhmel bel dan erawh ka thiam chiah lo thin a.

Mahse, tun hnaia (Mizo Idol-ah) an rawn sak lar thar leh hnu hian  lunga ti leng thar in, mahni a thawnthu hlui lo neih ve te  min rawn phawrh chhuah sak teh mial a. Ka lunglen pui dan hian a phuahtu phuah dan nen chuan a in ang hauh lovang tih chu ka hria,  mahse a hla tih chingpenna lamah min lo ngaihsak lo se la, ka lung a ti len dan kan tarlang ve ang e.

Mual hla kar ‘D’ ka neih hi ka ngaihzawn ni chiah lova, tun lai tawngkam takin ka arsi (star) a nih ber chu. Ka thiante tawngkam chuan kha nula kha “paitawih theih loh nula” a ni ber ang chu, Hmun danga lehkha zir turin a kal ta daih a, min ngai ve hauh lo ang tih hre reng mah ila rilruah a cham reng a, tun hnu a he hla han ngaithlak leh hian khang hun lai kha mitthla mi hmuh tir ve thin a……

Chang khatna :

“Mual hla kar danah i liam ta a. Aw ka van ngai thin che em” A hla chang leh tlar hmasa berah hi  chuan a hla phuahtu hi ka tawm ve thei a, he thuah na na na  hi chuan lungrualna tlangah kan leng dun thei tlat. Kha nula, oh…tleirawl chhuak hlim te kha hmun dang a zirna chhunzawm tura kal dawn khan ka lung a leng in, ka ngai ve tak meuh a. A nihna takah chuan kei lo pawh ngaitu a nei ngei ang a, ngaih pawh tam tak a nei ngei ang. A ngaitu thenkhat zingah tel mah ila, a ngaih zingah chuan ka tel ve kher lo mai thei lai tak hi a  buaithlak in a run thlak ta ber chu a ni awm e.

“Nang nen a kan lenlai ni kha, thinlai a’n lo thar leh thin” Kha nula (nula ti tawh mai ang) te nen khan tual  khatah  chuan kan leng ngei a. Mahse, zep nak emaw, a ni nen a kan hlimlai ni kha sawi tur ka nei tam lo kher mai. Han  sawi dawn ila, Good Friday bawr vel a,lehkhawm bana Biak in hall bul step a ring deuha ka tawng laia a lo nui te kha ka mitthlaah chuan a cham  reng a,  chung hun te chu kei chuan ka hlim pui viau a, mahse a ni kha chuan a hlim nui aiin min nuih (mak ti a nui) ni ber in ka hria mahse ka haw lo, nuam ka ti zawk fe. Tin, a exam dawn a KTP hnatlanga an in a  thil zuara kan kal bak kha chu sawi vak chi pawh ni lo.

A liam hnu khan thinlaiah chuan kan lenlaini ai mahin  a lenna, lenna  khuaa a awm dan tur kha rilru suangtuahna nen a lo lang thin zawk mah a. Tin, ka hlimlai ni te a ni ber zawk ang chu hi kha chu ka mittla atang hian a nawh reh thei tawh biklo a ni. Hmun dang a lehkha zir tur hian ka kal ve tawh ngei a, mahse ka kal ve tum hian he hla duh deuh a lo sa hi awm ve ang maw ?.

“Mahten i awm khawhar chang ni hian, I dawn ve hian ka ring thin e” Khawhar tih lai tak hi chu a khawhar ve thin ngei ang, vai ramah vai ho zingah khan lunglen khat zawnga nei ve ngei ang maw le, mahse a zui tu chiah lai hi chu kei atan chuan a buaithlak leh tlat.  He lai chang hi chu ka sa thei hauh lo mai. A liam hnu khan min vei zui kher lo ang a, ka awm ve a ni tih pawh hi a hre zui kher  ang em mawle ? I dawn lo hian ka ring thin e ti ila a dik mah zawk dawn a nih chu.  Min vei ve a nih vaih chuan a veng pum pui, a kohhran mi leh sa nihna ang in a vei a ni chuan ka tel ve hram ang chu.

Chang hnihna :

Ngui ten tuan zai i rel ni khan, Aw ka thinlai a van zing em” He lai hi a dik deuh a, ka sa ve thei mai chuan ka hria. A ngaih chu ka ngai reuh khawp mai a, amaherawhchu, a dik famkim thei hauh lo. Ka arsite khan a tum ram a pan dawn khan a ngui leh ngui poh chu ka hre hauh lova. Hre tur pawh in ka va bel chiang tlat lova. A kal dawn ni chuan ka pute inah hna kan thawka, tlai chaw kan ei tih zawng ka chiang ngang mai a. A thiante leh a chhungte a ngaih avang erawh kha chuan a lung chu a leng ve ngei ang. A ngui te pawh a ngui ve hial mahna le, mahse kei mah a vanga ngui a ni miau silo va. Mahse, Aw ka thinlai a van zing em tih tak hi chu ka zawm ve thei a. Thinlai chu a zing ru deuh chu a ni. Lung a leng lawk ve veng veng a ni….

Awm dan pawh ka thiam dawn nem maw, Lenrual zaleng zawng zingah hian tih em hi chu ka sa ngam bik lo. Awm dan thiam lohna em em tur chuan ka tuar  hran lo va, ka ngai hran lo. A nihna tak chuan a lenrual zinga a tel ve thin ta lo erawh chuan engemaw ti tak chuan mi a ti khing bai hu hian a hriat a. A tel ve tuma thil tih phuisui leh nuam ta riau a ka hriat na hi eng rau nge maw ni ta ang le? A mah kha hmeltha lar leh hausa hmingthang a ni bawk silo, Mizoram chu sawi loh Aizawlah pawh veng thla bir lama veng khat tlangval sawi hat pawh ni hlei lo kha tleirawlte kha eng ti tak hian nge maw a zunah ka lo uai tlat mai le. Kohhran lam  thleng thleng hian a awm hian nuam ta riau leh kim ta riaua ka in hriatna hi thlarau lam thil pek chu nise zawng sawt puina mual mual  chu a awm ngei ang le?

“Tlai ni eng mawi tuan zai i relna, aw ka thinlai  a’n a cham reng” Khang hun lai khan vai ramah a tlai ni eng a mawi loh dan tur kha ka ngaihruat thiam lo. Tun hnu hian vai ramah hian  thlasik lai lo hian ni eng a mawi tak tak thei lo tih ka hre chiang ve ta. Tin, a mawi ai mahin thlasik hi chuan a uihawm zawk mahin ka hria. Nipui lai chuan ni pawh lang lo mahse a lum huam huam a, ni a lan lek phei chuan a mawi ti a han sawi chhuah chi teh vak a ni emaw ni dawn le? He hla phuahtu hi chuan tlai ni tla turin a lung a ti leng in a mawi a ti a ni ngei ang. Mizoram ni tla tur lungleng thlak dan nen han khaikhin chuan a mak love, mahse kei ka arsi lenna vai ramah hian ni tla tur a mawi ve ngai lo.

Ka thawnthu hluiah hian ka thinlai a cham reng thil pathum erawh a awm a, vawk chaw zawn, thlawhna tlawk leh a mah te kha. Ka rem khawm thiam chiah tawh lova, ka vawk chaw zawn lai in thlawhna a lo thawk vu vu a, a amah te kha ka hre chhuak a, a ni thlawhna a thlawk (a kal hmasak ni ber ani lo a niang) tura suangtuah a vawk chaw lo zawn kurh kurh kha erawh chu a nuam bik fahran lo. Vawk chaw zawn thu lah hi hla phuahtu hian a tarlang tel tawh der silo. Mahse he thil pathum hi ka hriatrengna hian chiang takin a lo chhinchiah ve miau si a.

Chang thumna :

Chawlh tui ning zu ka han dawn thin a, Kar a  ngaih reh nan tiin. Hla phuahtu hian  kar hla a ‘D’ ngaih reh nan khan chawlh tui ning zu a dawn  ni ngei tur a ni. Kei zawng chawlh tui ning zu ka dawn hauh lo mai le. Tuisik leh thingpui bak chu Kawlthei zu tak ngial pawh ka in lo. Tun lai anga Grape Wine vel lar ve hek lo, zu lam chi reng reng chu lunglen reh nan ka in aih lo a ni. Mahse, kar hla ‘D’ ngai reh nan chuan ka awm mai mai bik hauh lo.  TV ka en thin a. Ka arsi te ang deuha ka hriat channa (star actress a nihna) hi Star Plus-ah hian film pakhatah hian  lo chhuak thin a. Chu film chu a hmuhnawm ka tih avang a en pawh ka ni lo, ka arsi te ang a awm ve vang a ni reng si a. Hla phuahtu hian lunglen hnem nan TV en ve tak maw ?

“Mahse a rei lo a lo zual zel thin, chhun nileng mahten hman chang hian” TV en khan a mah ngaihna lunglen  kha a reh lo, a dik tak chuan reh se pawh ka ti phal meuh lo.  Khang hun lai ka chuan tu min hrilh leh min sawi pui ni hlei lo hian rilruah a lo lang leh zut zut thin. Mahni a awm chang leh mal deuh tum phei chuan suangtuahna mit in a thlir thin a, beiseina deidawn tlak tak bak erawh kawm tur ka nei hran lo.“Lenna tlang dang tang hian i  maw, tawn leh ni awm leh tak ang maw” A her leh ngei a, a her fo thin a.

A lo haw tur thawm ka hriat ve te khan eng vang kher nge ka lo hlim ve em em thin a. An zirna an chawlh tum a lo chhuah chang te hian a chhungte leh midang mai ni lo hian  kei ve te pawh hi ka hlim thin a sin.  Zorama a lo chuanchhuah tum a, Krismas lai a lenkhawmna a a kawr hak te kha ka la hre vek a sin. Vai ramah kal leh dawn tum, Kum thar tiak tir te a Biak in bula ka hmuh thut laia  ka awm dan te kha ka thinlung hian eng tikah tak nawt reh ang maw?

hei, pagemaker 6.5 ka hmang a, rupee symbol chhutna tur hawrawp (dolian..) kha ka download a, ka install a, mahse, ka hmang thei miah lo mai. Pagemaker ka hawng a, control palette-ah hian a lang thei miah lova, he hawrawp hi a hmu miah lo mai. Enge a awm zia hria in awm ka ring tlat. Min han hrilh vat teh u. RS tih kulh reng hi ka duh tawh bik miah lo a nia aw.