Lenkawl

Subscribe to Lenkawl feed
The first independent daily newspaper in Serchhip since 1981.Lalchhuansanga Pachuaunoreply@blogger.comBlogger1221125
Updated: 11 min 24 sec ago

MJA (SD) in thutkhawm nei

14 hours 12 min ago
 MJA Serchhip District chuan nimin Oct. 29, 2014 khan Executive Meeting neiin Sept. 10, 2014-a Chhingchhip khuaa NLUP \anpuina dawngtu zinga hma la \halo nia hriat mi 2 te hmalak dan an en \uma an thil hmuh te sawiin, heng mi 2 te \anpuina pe zui leh tura VC leh YMA in thuneitute an ngen sakna chu uluk zawka enzui nise an ti a. Hei bakah hian an member mi 2 te chu thla 6 aia rei Non-Working Journalist an ni tawh nia hriain MJA Dan Bu in a sawi angin insawifiah tura hriattir nise an tih bakah Serchhip Venglai-a Press Club hmun tur an dil chu a \ul anga bawh-zui zel nise an ti bawk.
- Published by Lenkawl, the first independent daily newspaper in Serchhip, since 1981.

Serchhip-ah Motor khu endik \an

14 hours 12 min ago
Mizoram Pollution Control Board (MPCB) hmalakna in Ser-chhip-a lirthei chi hrang hrang ten boruak chhia an pekchhuah dan enfiahna chu nimin a\ang khan Serchhip-a DTO Office-ah neih \an a ni. Lirthei chi hrang hrangte hi tunkar Zirtawpni thleng en tura rua-hman niin Dan in a phal baka aia tam boruak chhia pe te chu siam \hatna hun pein an siamzawh hnu ah Certificate pek zel an ni dawn a, Certificate neilo te chu vawikhat man ah Rs. 1000/- thleng chawitir theih an ni ang. Lirthei chi hrang hrang enfiah man hi a hranga bithliah niin Two Wheeler tan Rs. 50/-; Three Wheeler tan Rs. 70/-; LMV tan Rs. 100/-; MMV tan Rs. 120/- leh HMV tan Rs. 150/- a ni ang.

- Published by Lenkawl, the first independent daily newspaper in Serchhip, since 1981.

Sorkar laipui hmalakna puanzarna hun Mamit District-ah neih \an a ni.

14 hours 14 min ago
Sorkar laipui in thingtlang mipuite hmasawnna tura ruahmanna a siam chi hrang hrang mipuite hnena inhrilhhriatna hun, Bharat Nirman Public Information Campaign chu nimin (Oct. 29, 29014) khan Mamit District-a Tuidam khua ah neih \an a ni.  Sorkar laipui a Press Information Bureau (PIB) leh Mizoram sorkar \angkawp in an buatsaih Public Information Campaign hawnna hun hi Environment & Forest Minister, Pu Lalrinmawia Ralte chuan hmanpuiin sorkar laipui in hmasawnna tura hmachhawp a neihte mipuiten a kalhmang leh awmzia kan hriat loh chu sorkar in a duhlo tih sawiin, sorkar laipui leh State sorkar hmalakna leh dinhmun mipui vantlang ten kan hriat chuan hmasawnna a rualkhai anga, chu chuan eirukna tam tak pawh hi a ti bo thei dawn a ni, a ti a. Chung kan hriat theihna tur atan chuan Public Information Campaign chu buatsaih a ni tih sawiin, hmasawnna tur kawng hrang hrang sorkar laipuiin a duante kimchang taka ngaihvena zirchiang turin mipuite a chah bawk.
    Public Information Campaign hawnna hi PIC Co-Nodal Officer Pu MC. Lianmawia chuan kaihruaiin State leh Central Department hrang hrangten an hnathawh tarlanna Exhibition an neih bakah DAVP chuan Photo Exhibition an nei a, Pradhan Mantri Jan Dhan Yojana (PMJDY), Saansad Adarsh Gram Yojana (SAGY), Swachh Bharat Abhiyan/Clean India Campaign, Make in India leh a dang dangte mipuite hnenah hrilhhriatna hun leh zirtirna neih niin nak-tuk ah zawhfel tura ruahman a ni.

- Published by Lenkawl, the first independent daily newspaper in Serchhip, since 1981.

Remna zawnga inbiak duhloh YMA in pawi an ti

Wed, 10/29/2014 - 10:11
Central YMA chuan ZRA ten remna zawnga inbiak an duhlo chu vanduai-thlak an tih thu leh hriatthiam harsa an ti takzet tih an sawi. Hemi chung-changa nimin a thuchhuah an siamah Central YMA chuan Churachandpur, Manipur-a ZRA ten kan Mizote hnena tukluih chhiah an khawn leh chhiah khawn avanga kut tuar leh harsatna tawk an awm chu Central YMA chuan \ha a ti lo tih sawiin, hei vang hian Remna palai tira hma an lak thu an tarlang a. Amaherawhchu, ZRA ten remna zawnga inbiak an duhlo chu vanduaithlak an tih thu leh hriatthiam harsa an tih thu tarlangin, ‘Khawvel history-ah remna palai inbiakpui duhlo an la awm ngai lova, hun kal tawhah pawh kan unaute mai bakah hnamdang (Non Tribal) zawkte lakah pawh remna thilah chuan Central YMA chuan inbiakpui theih loh a nei ngai lo a ni,’ an ti a.
    Hei vang hian inbiakremna a awm lo chunga kan Mizote chunga tuk-luih chhiah khawn chu engtik lai mahin Central YMA chuan a hrethiam ngai dawn lo tih tarlangin, he harsatna sutkian nan hian tha thlah lovin hma a la zui zel dawn tih an tarlang a. Mizo hnam peng hrang hrangte inpumkhatna a awm zel theih nan Central YMA chuan hma a la zel dawn tih an tarlang bawk.

- Published by Lenkawl, the first independent daily newspaper in Serchhip, since 1981.

Hrem loha chhuah tumlo

Wed, 10/29/2014 - 10:11
Home Minister Pu R. Lalzirliana chuan sorkar hnathawk leh mipui pawi-sawilo te vau beta chhiah tuklui \hin helpawl te khawsak dan chu sorkarin a huat takzet thu sawiin, heng kawh-mawh bawl hmang te hi zawnchhuaha hrem an nih tur thu a sawi. He thu hi Oct. 27, 2014-a Saitual-a Badminton Indoor Stadium leh Keifang-a Forest Rest House te a hawnna ah sawiin Home Minister chuan hetianga vauna tawk \hin sorkar hnathawk leh mipuite chu hel thil phut hrang hrang te huaisen taka ti hlawhchham sak \hin tur leh an thlavang hauh thei tu, sorkar hnenah a rang lama chanchin hriattir nghal \hin turin a chah bawk. Hei bakah hian Home Minister chuan sorkar hmalakna hrang hrangah a tak a thawktu sorkar hnathawkte an rinawma, an taihmak phawt chuan mipui nen thawhhonna \ha awmtirin ram in hma a sawn bakah ram hruaitute hming pawh a \ha \hin tih a sawi a, sorkar hnathawkte chu eiru thei leh eiru lo thei, hmalakna sum tlem deuh zawkte pawh an tum phawt chuan \angkai taka hmang thei leh thawktu indaihlohna tam zawk pawh remhriatna leh taihmakna ching-fel thei an ni tih a sawi bawk.

- Published by Lenkawl, the first independent daily newspaper in Serchhip, since 1981.

Kumin ah TB hrik pai 1562 hmuhchhuah an ni tawh.

Wed, 10/29/2014 - 10:11
Kumin January a\anga September thla thleng khan Mizoram-ah TB vei nia rinhlelh mi 7344 te enfiah ah TB vei mi 1562 hmuhchhuah niin TB vanga boral mi 11 an awm bawk. He thu hi Ni hnih awh TB (Tuberculosis) enkawlna chungchanga thlirletna Review Meeting nimin a Aizawl-a neih ah tarlan a ni a, he huna tarlan a nih dan chuan kumin January a\anga September thla thleng khan Mizoram-ah mi 7344 enfiah zingah TB hrik pai mi 1562 hmuhchhuah niin TB vei hmuhchhuah a\anga 91% chu enkawl dam an ni a, TB leh HIV vei kawp 42 hmuhchhuah an ni bawk a, kumin July-September thla chhung khan MDR-TB vei hmuhchhuah mi 10 an awm bawk. MDR-TB vei te hian he natna hi an thehdarh theih avangin TB damdawi ei te chuan MDR-TB an vei loh nan regular taka TB damdawi an ei a ngai tih he hunah hian tarlan a ni a, mipuite pawhin damlo an tlawhin awlsam taka kaichhawn theih a nih avangin fimkhur a ngai bik hle tih tarlan a ni bawk.

- Published by Lenkawl, the first independent daily newspaper in Serchhip, since 1981.

FCI-ah Mizoram sorkar in rawtna hrang hrang a thlen.

Wed, 10/29/2014 - 10:09
Food Corporation of India (FCI) hnathawh leh kalphung her danglam tura India sorkar in a din thar, High Level Committee on Restructuring of Food Corporation of India-a Chiarman chuan nimin khan Aizawl-ah India hmarchhak state 6 a Food & Civil Supplies Department Secretary-te leh Official-te a kawm. He inkawmna hi High Level Committee on Restructuring of Food Corporation of India-a Chairman Pu Shanta Kumar, MP (Lok Sabha) hova neih niin FCI tihdanglam tumna kawng hrang hrangte ngaihthlak niin Hmar-chhak State Official-te hnen a\angin an harsatna, ngenna leh rawtna te ngaihthlak a ni a. He hunah hian Mizoram aiawha tel te pawhin mamawh hrang hrang lo thlenin heng zingah hian FCI Depot (Godown) tam zawk sak a \ul thu te, Tanhril FCI FSD (Kudam) thlakna turin Sihhmui-ah 20,000 MT Godown sakna tur a Mizoram sorkar in ram ruak a ruatfel tawh FCI hnena proposal a thawn tawh chu hma la chak a \ul thu te, National Food Security Act, 2013 hman hun a NFS Act 2013 in a huam ve loh te tan buhfai ruahman sak tura ngenna te, Hill State Transport Subsidy (HSTS) bill tam tham tak FCI hnena la tangkhang chu a rang lam a pechhuak tur te, HSTS Bill awlsam zawka pek dan ruahmanna te, Mizoram chhung (Aizawl)-a FCI Regional Office leh Aizawl leh Lunglei-a FCI District Office dah tur chungchang te leh FCI FSD/Godown hawn belh tur chungchang te a tel a. Heng bakah hian Mizoram in Central a\anga normal TPDS buhfai thlatin-a a dawn 52210.00 Qtls chu 80000.00 Qtls a tihsan sak tura ngenna te, Mizoram Godown hrang hrang HSTS bill theihloh te bill theih tur a ruahman siam remtih sak tura ngenna te a tel a ni.

- Published by Lenkawl, the first independent daily newspaper in Serchhip, since 1981.

NE State zingah Mizoram in Power dawng \ha ber niin sawi.

Wed, 10/29/2014 - 10:09
Minister of State Pu Lal Thanzara chuan India hmarchhak ah Mizoram chu Power supply dawng \ha ber kan ni, a ti. He thu hi nimin Oct ni 28, 2014 (Thawhlehni)-a Chhiahtlang Community Centre-a Tuikum bial Congress party Political Training a hmanpuina ah Pu Lal Thanzara chuan a sawi a. He inkhawm Tuikum Block Congress President Pu Lalrawna kaihhruaiah hian Pu Lal Thanzara chuan Imphal-a dawr tin deuhthawin Generator an neih thu leh Aizawl a dawr hrang hrang ah chutiang neih mamawh an awm mang loh thu a sawi a. Mizoram sorkar chuan power-a intodelh turin hma a la mek nia sawiin, Tuirial Hydel Project pawh nakuma hman theih beisei a nih thu leh kawlphetha MW 200 pechhuak thei tur Tuivai Hydel Project pawh siam bul \an thuai a beiseiawm thu a sawi a. Inkalpawhna kawng neihah pawh Mizoram chu India hmarchhakah a \ha pawl nia sawiin, ‘Thingtlang khawimaw laia kawng chhia kan neih chu a lar mai mai a ni,’ a ti a. Serchhip to Buarpui kawng siam\hat tur pawh tun |hal chhung hian hna \an hman beisei a nih thu a sawi a. Congress sorkar hmasak \umah Airport leh Rel kawng te siam a nih thu leh, rangva sem te leh mi retheite hnena Rs. 30,000/- sem te chu a langsar zual a nih thu sawiin, MNF term hnih sorkar hunah khan hmasawnna hnathawh sawi tham a awm lo niin a sawi bawk.
    A sawi zelnaah Pu Lal Thanzara chuan Tuikum bialah Congress party chhungkua inlungrual taka kal pawimawh a tih thu leh Party lam a\anga a bial nena Tuikum hmui tura tih a nih angin Tuikum bial khaw tin tlawhchhuah a tum thu te, VC inthlan lo awm turah mahni awm inti aiin khawtlang mipui leh party in awm a tih, khawtlang leh Kohhran a mi \angkai thlanchhuah thiam \ul a tih thu te sawiin, an bialtu MLA hmasa Pu K .Lianzuala thu leh hla chu ngaih pawimawh reng a la nih thu a sawi bawk. He hunah hian Aizawl District Congress Committee Gen. Secretary, Pu PB. Lala pawhin thu a sawi bawk.

- Published by Lenkawl, the first independent daily newspaper in Serchhip, since 1981.

UD&PA Deptt. hnuaia Serchhip-a hnathawh te UD&PA Director in a hmunah a tlawh.

Wed, 10/29/2014 - 10:08
Urban Development & Poverty Alleviation Department (UD&PA) Director, Pu Zorammuana, MCS chuan nimin (Oct. 28, 2014) tlai khan Serchhip khawpui chhunga UD&PA Department in hmasawnna hna an thawh hrang hrangte a hmuna kalchilhin a enfiah. UD&PA Department Director, Pu Zorammuana hian nimin tlai khan New Serchhip-a Community Hall, Boxing Hall, P&E Veng Community Centre, Serchhip Town Hall leh Serchhip Auditorium sak lai mek te a hmunah kalin an hnathawh dan te a enfiah a. New Serchhip Community Hall hi zawhfel \ep tawh niin November thla chhung hian mipuite hman theih tura peihfel an inhuam thu Hall sak hna thawktu ten an lo hrilh a, Hall-a hman tur ruahtui dah\hatna a awm mumal lo chu a ngaimawh thu sawiin, hemi atan hian ruahmanna siamthar a ngai dawn a a hriat thu Director hian a sawi bawk. Hemi hnu hian New Serchhip a Boxing Hall sak mek a tlawhin he Hall hi Nov. 18, 2014 a\anga Mizoram pum huap Boxing intihsiakna hmun atan hman tum anih thu leh hemi atan hian theihtawp chhuaha hna an thawk chung pawha an inpeihfel hman an rin loh thu Director hi hnathawktu ten an lo hrilh a, kumin chhung erawh chuan an sak zawhfel theih an inbeisei thu a sawi a ni.
    Hei bakah hian UD&PA Director hian P&E Veng-a Community Centre sak chu tlawhin he hna hi zawhfel vek tawh niin mipui tana hman theih tura hawn thuai anih tur thu sawi a ni a, Director pawhin hna a \ha thawkhata a hriat thu leh lawmawm a tih thu a sawi bawk. Hemi hnu hian Serchhip Town Hall sak mek a tlawhna ah a satu ten harsatna an tawh chi hrang hrang an sawi te chu ngaithla in Director chuan hna \ha taka thawh chhunzawm anih theih nan ruahmanna thar siam ngai dawn a a hriat thu leh bawhzui a tum thu a sawi a ni. UD&PA Department Director hian chuan heng hna thawktu Contractor NBCC aiawh te chu an hna \ha taka thawk tura a duh thu leh an hnathawha harsatna hrang hrang awm chu anmahni mai bakah Minister hova sawiho a ngaih thu te, Chief Minister in hmalakna chaklo lutuk chu a vei hle ani tih te a hrilh a ni.

- Published by Lenkawl, the first independent daily newspaper in Serchhip, since 1981.

Mizoram-a Oil Palm Mill hmasa ber hawng

Wed, 10/29/2014 - 10:07
India hmarchhak a a hmasa ber turin Bukvannei, Kolasib Distict-a Godrej Agrovet Ltd, Mumbai ina a bun, Oil Palm Mill chu nimin khan Chief Minister, Pu Lal Thanhawla chuan a hawng. Nimin a Oil Palm Mill hawnna hunah hian Chief Minister chuan Industry la awm lohna state Mizoram-ah industry tia sawi theih tur a hmasa ber hawn a ni ta chu lawmawm a tih thu sawiin, Oil Palm Mill hawn tak hian India ina a hriak a mamawh engemawzah chu a phuhruk ngei a beiseiawm tih a sawi a, Oil Palm hriak herna khawl hawn tak hian Mizoram economy a chawikan ngei a beisei thu a sawi bawk. Nimin a hawn tak Oil Palm herna khawl hi ram hectare 27.88 a zau ah bun niin he khawl hian darkar khatah hriak metric tonne 5 a herchhuak thei dawn a, he khawl bunna atan hian Godrej Agrovet in cheng vbc. 17 vel tumin Mizoram sorkar in cheng vbc. 2.5 vel a seng bawk a, Oct. 2014 thleng khan Oil hi Metric Tonne 912.50 vel her a ni tawh a ni. He khawl thar hawnna hun hi Pu Lalram Thanga, Principal Secretary, Agriculture chuan kaihruaiin Agriculture Minister Pu R. Lalzirliana leh Godrej Agrovet Ltd. a Chairman, Nadir B.Godrej bakah  Addl Commissioner (Oil seeds)Govt of India te pawhin thu an sawi bawk.

- Published by Lenkawl, the first independent daily newspaper in Serchhip, since 1981.

ABC khawmpui \iak

Mon, 10/27/2014 - 09:27
Nimin Pathianni hmang khan Baptist Church of Mizoram (BCM) chuan Mizoram hmun hrang hrang ah BCM rorelna sang ber dawttu Area Baptist Council (ABC) khawmpui an nei a. Serchhip ABC pawhin BCM New Serchhip Biak In-ah ABC khawmpui hi neiin nizan khan an \iak a ni. Serchhip ABC ah hian Pastor bial 5 an awm a, nimin Pathianni zing inkhawm ah khan Upa thlanthar te nemnghehna hun hman niin Upa 6 nemngheh an ni a, heti hian Serchhip ABC huam-chhung ah hian Upa 165 an awm ta a ni. Nimin a hmun hrang hranga ABC inkhawmpui ah hian Upa 127 nemngheh an ni a, heti hian BCM-ah hian Upa 2864 an awm ta bawk a ni.
- Published by Lenkawl, the first independent daily newspaper in Serchhip, since 1981.

Session-a hun hman dan tur duan fel a ni

Mon, 10/27/2014 - 09:26
Nov. 11, 2014 a\anga Mizoram Legislative Assembly \hutkhawm neih tur chu Nov. 26 thleng neih tura rua-hman a ni. Zirtawpni khan Speaker, Pu Hiphei hovin Business Advisory Committee chu \hukhawmin he Session neih tura hun hman dan tur hi an sawiho a. Ruahman dan chuan session \anni (November ni 11) ah Finance Minister Lalsawta'n kum 2014-2015 Mizoram budget a pharh anga, Nov. 12&13 ah zawhna leh chhanna bakah sorkar thil pawimawh ngaihtuah a ni ang. Zirtawpni (Nov.14) ah Private Member Resolution sawiho a ni ang a, Inrinni leh Pathianni chawlin Nov. 17 & 18 ah budget sawihona (General discussion) neiin ni 19 a\anga ni 26 thleng Minister hrang hrangte demand sawiho a pass tum a ni ang.
    Session a ngaihtuah tur hian sorkar a\angin Bill 2 a luh beisei a ni a, paper lay tur 3 a lut tawh bawk. Zirtawpni thleng khan session a chhan tur hian zawhna (Starred question) 35 leh ziak chhan chi zawhna (unstarred question) 6 a lut tawh bawk a ni.

- Published by Lenkawl, the first independent daily newspaper in Serchhip, since 1981.

Rukbo mi 2 rubotute kut a\angin an chhuak.

Mon, 10/27/2014 - 09:25
Kar kalta Thawh\anni-a Bilkhawthlir dai a\anga misualten an rukbo Bagha khaw mi hnamdang 2 chu Inrinni khan him takin an chhuak. Cachar-a Bagha khaw mi Prabot Das leh a \hianpa Moruddin Laskar te hi tunthla ni 20 zan khan Bikhawthlir leh Buhchangphai inkar a\angin misual tu tih hriat lohte’n an rubo a, hemi chungchang hi rukbo chhungte’n Bilkhawthlir Police Outpost an hriattir hnuah Mizoram Police ten rukbote zawn hna hi ngawrh takin an kalpui a. Inrinni khan Kolasib SP, Pu RP. Meena hovin CID Special Branch Addl. SP Pu Thangzuala leh a hoten Assam hmun hrang hrang an dap laiin, rukbo zinga pakhat zawk Moruddin Lasker chu chawhma dar 10 vel khan an mahni rubotute kut a\anga tlanchhuakin Bilaipur Police Station, Hailakandi-ah a in report-a, hei hi Mizoram Police te chuan lachhawngin misualte chu an umzui nghal a ni. Hemi hnu chawhnu dar 2 vel khan rubo pakhat zawk Prabot Das chu Bilkhawthlir leh Vairengte inkarah misualte chuan an chhuah ve leh a, ani hi Dholai Police Station-ah in report-in heta \ang hian Mizoram Police te chuan an zuk la ve leh a ni. Police hotute chuan he pawikhawihna hi hel pawlte thiltih ni lovin mi awm \ha duhlo te tih a nih rin a ni. Heng mite 2 hi thu zawtfiaha an hriselna dinhmun enfiah a nih hnuah nizan khan haw tir tura ruahman a ni.

- Published by Lenkawl, the first independent daily newspaper in Serchhip, since 1981.

Rampumah RTI Week hman \an a ni

Mon, 10/27/2014 - 09:25
Right to Information (RTI) Week chu nimin a\ang khan hman \an a ni a, Mizoram-ah chuan Vawiin a\ang hian hman a ni ang. Mipuite’n an thil hriat duh an hriat theihna chanvo petu, Right to Information Act hi kum 2006 a\ang khan Mizoram-ah Information Commission dinin hman \an ve a ni a. Mizorama Right to Information (RTI) Act hman a nih a\angin mi 6,571 in zawhna (application) an thehlut tawh a, kumtinin RTI Act hmangtu hi pung zelin nikum (2012-2013) aia kumin kum kal mek (2013-2014) September thla tawp thlenga hmangtu chu 33% in an pung a ni. Right to Information Act hi May 11, 2005-ah Parliament chuan pawmin June 15,2005 ah India President in hming ziah hnanin Oct. 12,2005 a\angin hman \an a ni a. Mizoram Information Commission hi June 29, 2006 ah din a ni a, Robert Hrangdawla chu Chief Information Commissioner hmasa ber a ni. Oct. 5-12,2012 inkar khan Mizorama a hmasa ber atan RTI Week hman a ni. Commonwealth Human Rights Initiative in July 2014 a report an tihchhuah ah Gujarat, Karnataka leh Mizoram Information Commission te chauh India ram puma annual report kum tin tichhuak leh website a dah awm chhun niin a tarlang a ni.

- Published by Lenkawl, the first independent daily newspaper in Serchhip, since 1981.

YMA Volleyball Tournament khelh zawh takah Chhim Veng leh New Serchhip Bazar an champion.

Mon, 10/27/2014 - 09:24
YMA Sub-Hqrs. Serchhip buatsaih C. Laltea Memorial Inter-Branch YMA Volleyball Tournament chu Inrinni khan khelh zawn a ni a, Serchhip Chhim Veng Branch YMA leh New Serchhip Bazar Branch YMA te an champion. YMA Sub-Hqrs. Serchhip buatsaih he Tournament kharna inkhawm hi Inrinni kalta Oct. 25, 2014 khan Leisekawt Field, Serchhip-ah neih a ni a, he hun hi Pu R. Sanghmingthanga, Secretary, YMA Sub-Hqrs. Serchhip chuan kaihruaiin he intihsiakna a lawmman tumtu, Pu C. Laltea (L) te chhungkaw aiawhin Dr. Lalawmpuia Chhangte chuan thu a sawi a. Hetianga an pu hriatrengna tura Tournament hlawhtling tak YMA Sub-Hqrs. Serchhip in an buatsaih chu lawmawm an tih thu sawiin, he Tournament a tel zawng zawngte chungah lawmthu a sawi a, hun lokal zel turah pawh hlawhtling taka an buatsaih zel a beisei thu sawiin, he huna tel infiammi te chu an hriselna uluk taka enkawl turin a chah nghal bawk.
    Oct. 21, 2014 a\anga khelh C. Laltea Memorial Inter-Branch YMA Volleyball Tournament-ah hian Mipa ah YMA Branch 28 leh Hmeichhia ah YMA Branch 20, an vaiin YMA Branch 30 an tel thei a, Mipa Final-ah Serchhip Chhim Veng Branch YMA chuan Hriangtlang Branch YMA chu 3-1 a hnehin an champion a, pathumna inchuh ah Thentlang Branch YMA in Serchhip Vengchung Branch YMA chu an hneh bawk a ni. Hmeichhia ah New Serchhip Bazar Branch YMA chuan Serchhip Chanmari Veng Branch YMA chu 3-1 bawka hnehin an champion a, pathumna inchuh ah Serchhip IOC Veng Branch YMA chuan Darnam Branch YMA an hneh bawk. He intihsiakna a Mipa leh Hmeichhia a champion hian Trophy leh Rs. 10,000/- ve ve dawngin pahnihna in Trophy leh Rs. 7000/- an dawng a, pathumna te hian Rs. 5000/- ve ve dawngin a tel zawng zawng Branch 30 te hi thingpui in No 40 \heuh pek an ni bawk. Ruahman lawk ang chuan he Tournament hi kum 1 danah neih \hin tur niin kum 10 chhungin \um 5 neih a ni ang.

- Published by Lenkawl, the first independent daily newspaper in Serchhip, since 1981.

Pawikhawihtu chhuichhuah awlsamna turin pawikhawihna hmun venhim lamah \an lak \ul ti.

Fri, 10/24/2014 - 08:22
Kumin chhungin Serchhip Police Station-ah Case chi hrang hrang 57 ziahluh a ni tawh a, Police te chuan pawikhawihna a thlenin hnu chhui a awlsam theihna turin sulhnu awm te venhim a pawimawh thu an sawi bawk. Serchhip Police Station-a Office In-Charge, Pu H. Biakchhuma chuan nimin Oct. 23, 2014 khan a Office-a tualchhunga thuthar thehdarhtute lengah sawmin pawikhawihna a thlena pawikhawihtu awlsam zawka chhuichhuah a nih theih dan tur chungchang a sawipui a. Kumin January thla a\anga nimin thleng khan Serchhip Police Station-ah hian thubuai 57 lai ziahluh ni tawhin heng zingah hian rukru case tam berin case 23 ziahluh a ni a, In rawk case 10, Motor accident \um 4, mi In-a buaina siam case 4, pawngsual case 3 leh tualthah case 2 te chu thubuai ziahluh zinga tam deuh te an ni. He hunah hian Police thuneitute chuan Mizote chu in\anpui leh inpuibawm \hin Hnam kan ni tih sawiin, amaherawh chu hetianga kan inpuihbawm hian pawikhawihna thlengah pawikhawihtu chhuichhuahna ah harsatna a thlen phah \hin tih an sawi a. Pawikhawihna alo thlen in mihring nunna chhan chu thil pawimawh hmasa ber a ni tih sawiin, amaherawh chu mihring nunna chhan theih tawhloh thil ah chuan pawikhawihtu chhui-chhuah an nih theih nan pawikhawihna thlenna hmunhma vel zawng zawng chu enfiah a pawimawh avangin thil ho te nia kan ngaih thlengin khawih danglam lova thuneitu ten an enfiah theih tura kan lo venhim a pawimawh tih an sawi.
    Hei bakah hian Police thuneitute chuan pawikhawihna a thlenlohna turin mipui lam pawhin tihtur hrang hrang an nei tih sawiin, a bikin zan lama pawn-a eng chhit chu thil pawi-mawh tak a ni tih an sawi a. Kan hma lawka hunpui lo thleng tur atan kawng hrang hranga an inbuatsaih chhoh mek thu sawiin, tlawmngai pawl te nen kumdang ang bawka thawhhona \ha tak an neih leh an beisei thu leh tun a\anga anni lam pawhin ruahmanna an siam an beisei thu a sawi bawk. Serchhip Police Station-a thawktute chuan tunah hian SI 4, ASI 1, Holder 4 leh Constable 18 vel chauh an awm tih sawiin, hei vang hian harsatna an tawk tih an sawi a, lirthei pawh duh anga hman tur an neihloh avangin harsatna an tawk \hin tih an sawi bawk. Nimin a inkawmhona hunah hian Serchhip SDPO, Pu Lalchhuanawma Chhangte leh 2nd OC, Pu Robert L. Hnamte te pawh an tel bawk a ni.

- Published by Lenkawl, the first independent daily newspaper in Serchhip, since 1981.

Home hrang hrang dinhmun enfiah

Fri, 10/24/2014 - 08:22
Social Welfare Department Director Pi Vanlaldini chuan niminpiah Oct. 22, 2014 khan Serchhip-a Home hrang hrang tlawhin an dinhmun a enfiah. SWD Director Pi Vanlaldini hian Chhiahtlang-a ruihhlo ngaite enkawlna Adult Rehabilitation Centre (ARC) te, New Serchhip-a kum upa te enkawlna Old Age Home te, Hnuchham enkawlna Serchhip Hmar Veng ami Orphanage Home leh Dinthar Veng ami Zoar Deprived Childrens Home te tlawhin District Child Protection Office leh Serchhip  ICDS Project Office te pawh a tlawh bawk a. Heng Home hrang hrang a tlawh ah te hian Home-a enkawl mek te dinhmun leh thawktu awmdan te enfiahin an mamawh hrang hrangte a enfiah nghal bawk a, Old Age Home-ah hian Dekchi 1, Thleng leh no, Silpouline leh lehkhabu engemaw zat a pe nghal bawk. Pi Vanlaldini hi Dy. Director Pu Vanlalnghaka Zote leh Serchhip-a ICDS leh DCPO Staff ten an \awiawm a ni.

- Published by Lenkawl, the first independent daily newspaper in Serchhip, since 1981.

Congress Party beih tlak ni tawh dawnlo niin sawi.

Thu, 10/23/2014 - 08:34
MNF President, Pu Zoramthanga chuan Assembly inthlan leh hunah Congress party chu beih tlak an ni tawh dawn lo niin a sawi. He thu hi MNF din champha lawmna, nimin Oct. 22, 2014-a Aizawl-a an party Office, Mizo Hnam Run-a neih ah sawiin Pu Zoramthanga chuan, inthlan a tam poh leh Congress party chu an tla tam a ni mai tih sawiin, sorkar laipui ah an tlak bakah an \hatna state ah pawh an tla a, zu zawrh an tum te, sakhaw dang serh leh sang an khawih nasat dan enin inthlan leh hunah chuan beih tlak loh khawpin an awm tawh dawn niin a sawi. MNF President chuan, “Kum 1986 June ni 30-a ziah kha Pathian min pek remna a ni a, kha remna thutlung kha a ziaktu pahnihte duhthusam ni lo mahse, Pathian in Mizo Hnam tana \ha ber tur a tih angin an ziak a, hei hi tun thlengin remna ziah hlawhtling ber niin Mizoram leh Mizo Hnam tan pawh a \ha a, sawi nep tum awm mahse, mipui leh Kohhran mite \awng\ai rah, Pathian min pek a nih avangin a nep thei lo a, a ropui hle a ni,” a ti bawk. Hei bakah hian Pu Zoramthanga chuan hnam thinglung put chu vai huat a ni lo tih sawiin, ‘Mizo Nationalism chu Mizo hnam, sakhua leh ram parchhuahna tur a ni a, Pathianin ti tura a tih angin an kal zel dawn a ni,’ a ti bawk. Nimin a MNF din champha lawmna hi MNF party Sr. Vice President, Pu Tawnluia'n a kaihruai a, MNF din tirha hruaitu pahnih, Pu Isaak Zoliana leh Pu Jessie DH. Thanga ten thu an sawi bawk a ni.

- Published by Lenkawl, the first independent daily newspaper in Serchhip, since 1981.

Mizoram sorkar in State dang a\anga buhfai lalut tur thlang.

Thu, 10/23/2014 - 08:34
Mizoram mamawh buhfai Myanmar a\anga chawlut tura FCI-in hma a lak mek laiin Mizoram sorkar chuan ramchhung hmun dang a\anga Mizoram mamawh buhfai quintal 30,000 chuang supply turin Aizawl Zarkawt-a Pu Lalrindika a thlang a, ani hian quintal khat zelah Rs. 2,575/- rate-in a supply dawn a, a buhfai supply tur hi Zuangtui-a Supply Kudam-ah a thlen dawn a ni. Food, Civil Supplies & Consumer Affairs Department hotute sawi danin Pu Lalrindika hi buhfai supply order pek a ni tawh a, hei hi thil enchhinna a ni anga, amah baka tender chhangtu dangte chhanna pawh thil awm dan a zirin enzui a ni ang. Hetihlai hian, FCI-in Metals & Minerals Trading Corporation of India Ltd. hmanga khawvel pum huapa tender a chhuahah chuan a chhangtu ten US Dollar hmanga chhanna rate an thehluh chu India tangka hlutna a\anga chhutin quintal khatah Rs. 5,500/- vel lai a nih avangin FCI chuan harsatna a tawk a, chhangtu dangin Myanmar a\anga Zokhawthar thlenga man tlawm zawka buhfai an pek theih chuan Zokhawthar a\anga Mizoram chhung kudam-a phurhluh chu Mizoram sorkarin a tih theih chuan tender hi chhuah nawn leh theih a ni dawn niin an sawi a, hemi chungchangah hian Mizoram sorkar chuan a ngaihdan FCI hotute hnenah a thlen thuai dawn a ni. Hetihlai hian Guwahati a\anga Mizoram-a Motor hmanga buhfai phurhluh hna chu tluang taka kalpui mek zel a ni a, FCI Area Manager, Pu A. Oza chuan Mizoram a FCI kudam 6-a tuna buhfai chhek khawl chu quintal 2,02,440 a nih thu leh Maida quintal 600 a awm bawk niin a sawi a ni.

- Published by Lenkawl, the first independent daily newspaper in Serchhip, since 1981.

SDO (C) ah IAS dah

Thu, 10/23/2014 - 08:33
North Vanlaiphai SDO(C), Pu Ngulsangvela, MCS chu Disaster Management & Rehabilitation Department-ah Under Secretary hna chelh tura sawn a nih hnuah North Vanlaiphai SDO (C) atana ruat, Pu Abhijit Vijay Chaudhari, IAS hnenah nimin khan mawhphurhna a hlan a. Pu Abhijit hian nimin khan Serchhip DC Office tlawhin DC leh Officer dangte nen inhmelhriatna hun an hman hnuah North Vanlai-phai hi a pan a ni. Pu Abhijit Vijay Chaudhari hi 2012 Batch IAS niin Jan 20, 1986 a piang a ni a, thiamna lamah BAMS (Bachelor of Ayurvedic Medicine and Surgery) niin Sanskrit ah Bachelor degree a nei bawk.
- Published by Lenkawl, the first independent daily newspaper in Serchhip, since 1981.

Pages