Aggregator

Zoram chhim lama Autonomous District Council (ADC) 3 - Lai, Mara leh Chakma District Council-te sum hmuh tur, Mizoram sorkar kaltlang lova pek dan tur sorkar laipui chuan a ngaihtuah mek a. Hetih mek lai hian, heng ADC pathuma hruaitute chuan Aizawl-a India President lo zin tur chu hmua Rajya Sabha MP seat 1 lo dil an tum nia hriat a ni.

Lai Autonomous District Council Planning Board Chairman, Hmunhre-a sawi dan chuan ‘Direct Funding’ chungchangah hian Union Home Ministry chuan tunhnai khan Chief Secretary hnenah lehkha rawn thawnin, he ruahmanna siam chungchangah hian Mizoram state sorkarin sawi tur engnge a neih tih a zawt a, hemi rual hian District Council ten sawi tur an neih pawh a zawt tel nghal a ni, a ti.

Hemi chungchang hi Lai Autonomous District Council Chief Executive Member, C. Ngunlianchunga, Mara District Council CEM, S. Khipo leh Chakma Autonomous District Council CEM, Kalikumar Tongchogya bakah District Council 3-a hruaitu hlun ten Zirtawpni khan Lawngtlai-ah an sawi ho a ni.

He meeting-ah hian hun rei tak atanga an lo dil tawh, sorkar laipui atanga state sorkar kaltlang loa sum hmuh (direct funding) tihlawhtling tura hmalak mek a nih dan te, hemi chungchang ngaihtuahtu tur Home Ministry-a Joint Secretary, Naveen Verma kaihhruaia committee din chuan thui tak hma a lak tawh thu te, District Council 3-te chuan he hmalakna hi lawmawm an tih thu te tarlan a ni.

Lai Autonomous District Council-a Planning Board Vice Chairman Hmunhrea kaihhruai meeting-ah hian, September ni 23 leh 24-a Presi-dent of India, Aizawl-a lokal tur lo hmuh dan tur leh thil dil turte an sawiho bawk a. Chu’ng zingah chuan ADC 3-a hnam hrang hrang 3-te aiawhtu tur Rajya Sabha Member 1 siam rawtnate, Army, Navy leh Airforce-a District Council 3-a hnam hrang hrang 3 awmte tana seat hauhsak dilnate an tel niin thudawnna chuan a tarlang.

Heng dilnate hi District Council 3 aiawhte chuan President lokal hunah thehluh an tum dawn tih thu lakna chuan a tarlang bawk.��

Source: www.thezozamtimes.org aka The Zozam Times Date 6.9.2010�

He thlalak hi atirah chuan post tuma la pawh ka ni lo a, kan inluah tukverh atanga lang thei ah chuan thlalak tur awm awmchhun ani ve mai a. ka la ka la a, hei hun hrang hrang alo ni reng mai tih ka hmu chhuak a. Mi han share ve mai mai hi a nuam ve a, Ka rawn share ve leh thut ani e. (Ho ve viau mahse hun a duhrei ve zek ania)

Heihi engmah in a khawih buai loh a, a awm mai mai lai

Ruah tlemte a sur tan

Ruah sur nasa tak a do bawrh bawrh lai.

Rannung tamtakin an bawm mur mur lai (Hei hi chu ka edit ve deuh, mahse a dang hi chu engmah khawihloh)

Ka lakna camera, ka tripod te hi tha ve riau asin, ah bo daih theih a, hmun rualrem lo deuhah hian a angle hi a thlak ve zung zung thei a. Tin, mahni a inlak duh chang hian a handy reuh riau bakah, ti hian bang awngah hian a pakai mai thei a, laklawh vak aneilo a. a tha ve tlat.

1) Harsatna sawi sawi hi a sutkian dan emaw,a pumpelh dan emaw sawi telloh chuan sawi sawi hlawkna a awmlo.
2) Mifingin bul tan nana a hman thin chu,mi-a chuan a hmawr bawk nan a hmang thung
3) Mawhphurhna leh remchanna vuah zawm thiam hi hruaitute mawhphurhna ani
4) Dawt muhlum ai hian thudik chanve hian pawi a khawih nasa zawk
5) I chunga thil lawmawm thleng tura i duh chuan i huaisen thei tak tak lovang

6) I thusawi chauh i ngaihthlak thin chuan,thil tha tak i zir chhuak theilo ang

7) Ruahmanna ah hian thawhrimna a telloh chuan thil tum tha takah a chang ringawt
Harsatna hneh dan tha ber chu huaisen taka hma chhawn hi a ni
9) I ngaihdan i ti danglam theilo a nih chuan,mi nun i ti danglam theilo ang
10) Damrei ringawt hi a hlu ber lo a,dam chhung nun/hun hman that hi i tan leh ka tan leh an tan a hlu zawk..

Tunlai hian ka BroadBand internet hi darkar khat chhung ringawt pawhin signal hi vawi 5-10 a drop ziah mai a. Hetiang a signal bo hi in awm ve em ? Ka complaint a, modem min thlak tir a, a sawt chuang lo. LK ah rei lote ka rawn luh chhung ringawt pawh hian vawi 2 chu ka dc leh hman. BSNL ho hian ka rilru an tina . Hei hi tunge a chhan hria kan awm ?

Ka lawm lo.

Jai Hind !!

After a longgg time.. ti ve leh chhin.

Khawvela mihring damlai te zinga fing ber(the most intelligent man on earth) ti a an lo sawi thin science mithiam Stephen William Hawkings-a chuan tunhnaia a lehkhabu ziah thar ‘The Grand Design’ tihah chuan Pathianin universe hi a siam lova universe leh mihring te hi siamtu awm lova zawi zawia rawn indin chho kan ni tih thu a sawi. Khawvel mithiam te pawn Pathian an ringhlel zo ta, khawvel hian hun hnuhnung ber chu kan tawng mek zel zawng anih hi.

BIBLE a Genesis 1:1 ah chuan, “Atîrin Pathianin lei leh vân a siam a”, tih chiang takin a inziak a, hetih lai hian khawvel mithiam te leh Science lam zir mite chuan khawvel leh universe te hi siamtu awm lova amaha rawn indin tawp (evolution theory) ni a ngaiin khawvel leh kan awmna universe lo indin dan hi chhuichhuah tumin theihtawp an chhuah a. Stephen Hawkings a ngei pawh hian van thengreng chanchin a zirna lamah universe hi siamtu awm lova amah a rawn indin tawp niin a rawn tarlang ve ta a ni.

“Thil awmlo ata lo awm a zawi te te a amaha lo indin chhohna hi he universe lo awmdan leh keini ngei pawh kan lo awmdan chu a ni” tiin Stephen Hawkings a hian a lehkhabu tharah hian a ziak nghe nghe. “Universe kal zelna turah hian Pathian tanpuina a tul lova a kut a lo thlak ve kher a tul lo” tiin a la sawi ta deuh deuh.

“Ni hnuhnungahte chuan hun khirh takte a lo awm ang. Mi, mahni inhmangaihtu te, tangka ngainatu te, intivei te, chapo te, Pathian sawichhetu te, nu leh pa thu awih lo te, lawm nachang hre lo te, thianghlim lo te, hmangaihna pianpui nei lo te, huaikawmbawl te, hektu te, insum thei lo te, mi kawlhsen te, tha duh hauh lo te, vervek te, thuhnudawn lo te, inngaihlu te, Pathian hmangaih aia mahni lawmna mai hmangaih zawktu te an ni dawn si; Pathian ngaihsak anna an nei ang a, nimahsela a thiltihtheihna chu an awih lo vang; chung ang chu hawisan rawh.” (II Timothea 3:1-5)

chhiar belh duh tan…

http://edition.cnn.com/2010/WORLD/europe/09/03/hawking.god.universe.criticisms/index.html?hpt=C1#fbid=8xVT5KNLDGr&wom=false

http://edition.cnn.com/2010/WORLD/europe/09/02/hawking.god.universe/index.html

http://news.yahoo.com/nphotos/God-no-longer-has-any-place-theories-creation-Universe-due/photo/100902/photos_wl_uk_afp/0fd87ea7184d424ff47d104b8e2549a8/s:/nm/20100902/lf_nm_life/us_britain_hawking

Chung lam Part 2 kan ti mai dawn ‘miang?Hei hi Tlawng lui niin ka hria a,Tut emaw ni zawk dawn aw te ka ti leh deuh.

Hei hi Tlawng chu a nih hmel leh bawk si.

Hei hi chu Tuivai a ni in ka hria.

Hei hi Loktak dil a ni awm e, duh angin ka lo la hman lo deuh a, pawi khawp mai. A pilot lah chu han kual nawn tir chi a ni mang bawk si lo.

Hei hi chu Bangladesh lui lian 3 zing a pakhat a ni a, mi ka zawt a, Meghna lui a ni e an ti.

Mr. Mozart

I hnenah ngaihdam dil ka duh e.

hei thlalaka ka rawn tarlan ang hian kumin may ni 17-a i message rawn thawn hi vawiin, September ni 5 hian ka lo hmuhsak ve chiah che a, thil pawi em em chu a thleng lo turah ka ngai a, pawi i tih vak pawh ka ring lem hlei law, post siamna atan ka han tlangzarh ve duh mai mai pakhat a ni e, ngaihdam dilna pawh hi a hming mai mai a ni pakhat bawk e.

Khawvel changkang zelah Mizote pawh hnukhawi mai bik lo in kan thang ve zel a. A mimir pawh kan hrisel chho ve zel a ni. Khawtlang kan hrisel poh leh kan chhungkua leh khawtlangah tar leh upate an tam tial tial dawn tihna a ni. A thufing leh tawngtam dam thluam maiin a min hualvel tur chu a thlamuanthlak dawn hle a ni. Amaherawhchu……

Kan thupuiah lut dawn ta ila. Khawtlanga upa an tam poh leh upat lam natnain a tlakbuak theih “susceptible population” an tam a, chutiang natna pawh chu a tam dawn tihna a ni. Heng natna tamtak te hi a benvawn tlangpui thin. Hun a lo rei phei chuan a tuartu tan hrehawm nasa tak a siam thin. Natna reng reng hi tihdam ai chuan inven a tha kan ti thin; amaherawhchu inven theih lohna chin a awm thin. Medical science chuan hmuhchhuah hma hi invenna kawng chikhat angin a hrilhfiah mauh mai. Chuti anih chuan kan chenpui tar leh upate, an kum mila natna an vei theih ang te hriatpui a tha hle; chu ai mah chuan hmuhchhuah hma pui a tha hle ang.

Nang misual khan chenpui Tar leh upate i nei mial em? An tan thil tamtak i ti ngei ang. I lo tih hmaih emaw, hriatloh palh emaw, hman loh palh hlauh chuan natna tamtak zing a thenkhat, a hma lama i hmangaihte taksaa i hmuhchhuah theih nana hma i lak theih dan hi lo hmelhriat ve ta che. A tul dan ang zelin hma i lo la mai dawn nia. Chutiang lam hawi chu lemte chauh i han sawi teh ang.

Thisen sang: Tar leh upa tamtak te hi inthlahrung leh mi tihbuai hlau a ni fo thin. Chuvang chuan thisen sang nghawng ni awm te kha an sawi an sawichhuak kher lo maithei a ni. A theih hram chuan kum khatah vawikhat tal chu mumal takin an BP kha check sak dan ngaihtuah a tha hle ang. A lo sang palh hlauh a nih chuan Mithiamte mumal zawka rawn tawh mai tur a ni. Chumi hnua lamah chuan damdawi leh ei leh in leh nunphung thlak danglam ngaih dan ang zelin i enkawlchho tawh mai dawn a ni. A pawimawh ber chu, a tlai hmaa hmalak zawk hi a ni.

Zunthlum: hei pawh hi taksaah a langchhuak mai lo thei. Kan khawsak a nuam ve ta a, ei leh in te kan hnianghnar ta bawk nen, upa lo deuhah pawh a awm thei a ni. Kumkhatah vawikhat na na na chu Blood sugar profile en kha a finthlak hle a ni. Doctor chawh pawh ni kher lo in mahni ruahmanna in a tih theih a ni. Laboratory tha leh rintlakah Blood sugar in en duh thu hrilh ula, Fasting leh Post prandial ni thei se, Thawktu ten a tihdan phung an lo hrilh mai dawn che a ni. Reportah felhlel a lo awm a nih chuan a hma lamin a enkawl theitu tur mithiam hnenah inentir tawh mai tur a ni. Hriatchhuah hma emaw fihlim nih inhriatna khan nasa takin upa rilru kha a insanmar tir thei a ni.

Hnute cancer: Hmeichhe tan mahni leh mahni induhsak hmasak a finthlak hle ang. Tin mahni anpuite chutiang bawkin hma inlakpui tur a ni. Kum 30 chinah chuan a thiambik doctor te kumtin in exam tir kha a pawi lo reng reng tih hai loh tur, i fin hma leh i rilru a hah lo a ni mai. Tichuan mithiamten hmalam huna inentirzel dan tur te pawh chipchiar zawkin an kamkeu thei zel dawn che a ni. Khawthlang lama family doctor an nei thin ang deuh hian, mizote pawh hian rawn deuhbik, inthlahrung hauh lo a duh duh ang zawh theih doctor te hi neih a hun tan ta hle. Tar leh upate phei chuan a titi leh insawiselna inangkhata ngaihthlaksak peih leh hman te hi an ngaina hle thin tih kan hai awm lo e.

Chhul cancer: Hmeichhe lampang thatlohna hian chhungkua nasa takin a nghawng thei a ni tih hi hail oh a tha. Zonu tamtakte hi chu inthlahrung leh tuarchhel tak an ni a, an nawmsam lohna tamtakte hi an sawichhuak meuh lo. Hei hian hriatlohna atzia a tilang kan ti thei awm e. Chhul cancer tamtak hi hmuhchhuah hma chuan hmalak dan kawng a la tam hle a, damchhuahpui hi thil theih a ni. Chuvang chuan hmuhchhuah hma kha i tihtur hmasaber a ni. Kum 30-35 hnu lam tan chuan PAP smear tih mai tur a ni. PAP smear hi hospital lama Gynaec dept lama tihchi a ni (privateah te pawh ti an awm mahna) hospital hrang hrangin kalphung an nei thin. Mahni infinchhuahin hmeichiate chuan hmalak a tha. Result a zirin a tih leh hun tur leh a kalpui zel dantur pawh hrilh i ni tawh mai ang. A bul erawh i tan angai a nih chu.

Osteoporosis: Hei hi Mizo tawngin ruhmawih/Ruhduap ka han ti mai a kan hrethiam turah ka ngai mai. Hmeichhe thihul chinah hian a intan hma in a hluar zual bik thin. Hei vang hian ruhtliak ilo a tam phah hle, heng ang rualpuiah phei chuan, natna tlanglawn dang zawng zawng belhkhawm aia phurrit nasa daih zawk a ni. Kan ramah a enna khawl kan la nei lo a ni thei, kan tih theih erawh a awm. Calcium ei tir mai tur a ni. Kum 50 aia upa kan chenpui anih chuan Calcium eitir kha a finthlak bakah kan hmangaihna lantirna kawng khata i ngai mai ang u (natna dang avanga ei thei lo an nih ngawt loh chuan). Chu chuan ruh mawih vanga ruhtliak awlsam taka thleng thei leh a hnulam harsatna thlengthei lakah nasa takin a veng ang. Tul i ti a nih chuan Doctorte pawh vawikhat na na na chu rawn ve mai rawh.

Heng ka han sawi tak te hi natna tamtak zinga tlanglawn leh awlsam te a hma kan lak theih na tur te an ni. Kan tette atanga min enkawl leh min hmangaihtu kan nu leh pa leh pi leh pute, kan kawppui kan hmangaihte lakah kawng tinrengah bat nasa tak kan nei thin, chung zinga thil tlemte te chu ka han sawi mai a ni. Lo ti tawh reng pawh kan awm nual ngei ang. La ti lo leh a nachang hre lo te kan lo la awm palh a nih chuan tun hi hun tha tak a ni ngei ang. Tin heng ang te hi an birthday, anniversary-ah te pawh abik takin a buatsaih theih a ni; khati lam kha chu a ruahmantu duhdan ni tawh sela.

Aw nang mi{5ual} he thuziak tawite hi chhiar la, a tha lai te zawm la, a tul lo lai te erawh i hnuchhawn hmiah mai dawn nia. Nangmah hmangaihtute tan i tihtheih tihturte erawh ngaihthah lul suh ang che. Mi hrisel chu a hlim a, a nun a nuam thin; Ram leh hnam tan pawh a mi tangkai tak a ni bawk thin!
Ka lawm e.

(A sei ta hle mai, min lo hrethiam mai dawn nia. A mamawhtu tana tangkai a lo nih takah tiin ka rawn mi{5ual} pui ve leh rawih a ni e. Rawtna dang chu midang in han thawh ve tawh rawh se.)

Mipa ho hian ngun takin lo chhiar u la, in zawm thei dawn lo a nih chuan, Lengtar turin in buatsaih nghal mai rawh u. Hmeichhia te pawn, kan tangkai pui leh zual theih nan, comment na lamah in ngaihdan i rawn thawh ve ka beisei.

1. Ka tah hun in, ka thiam leh thiam loh thu sawi hmasa lovin, patling takin min rawn thlem hmasa phawt mai rawh.

2. Second tiniin nang ka ngai bik lo che, Min ngaih zat chiah in ka ngai che tih lo hre leh bawk la,

3. Mipa tuak leh hmeltha ka hmuh changin ka en duh ve tho tih lo hre ve la,

4. Ka pangchanga ka tibuai lui thin che kha, lo lawm hle ang che, min ngaihsak ka phut vang che tih lo hria la.

5. Mi hausa leh mi hlawhtling i nih loh pawn a pawi lo. Mahse, hausak leh hlawhtlin tumna rilru nei tur chuan, ka phut tlat che a ni.

6. Pawn ka chhuah chang chuan, nalh leh itawm taka inchei chu ka duh ve tho tih lo hre bawk la,

7. Hmeltha, piannalh leh duhawm ber ka ni lo tih chu ka hai bik love. Mahse, "I va nalh ve, i va hmeltha ve, i inthuam dan chu i va inhmeh ve" tia fakna aw erawh ka hre duh ve tho.

8. Ka sam design ka thlak danglam te, ka mit ka chei dan te, ka sam ka colour te le sleeper (pheikhawk) ka neih tharte nen a ka inchei changin, thilthar dawnglamin ka inchei tih sawi kher ngai lova i hriat ngei ka beisei bawk a ni.

9. Ka ni chhinchhiah tlak leh ka tana ni hlu (eg. ka Birth Day) i hre reng tur a ni.

10. Thil engkim mai hi, hrilh che ka duh a ni, a chang chuan ka incheinate, ka thil duh zawng tam tak te, pawh a ni mai thei. Hmeichhe thil a nih avangin i hrethiam vek lo mai thei. Mahse, ngun taka mi ngaihthlak sawk erawh ka phut tlat che a ni.

11. Ka mut dawnin rei min biak theih loh pawn, Miss call tal emaw, SMS in "Mangtha" tih tal emaw min rawn ti ziah ang che. Chuchuan, hlimna sawi sen loh min thlen a, ka mumang leh suangtuahna thleng pawh in a ti hlim thin a sin.

12. I hmel a that loh pawn a pawi lo. Mahse, thianghlim leh mi kara zahawm taka i in thuam erawh ka phut tlat che a ni.

13. Thinrim ve reng thei tho ka nih a vangin, i ngaihdamna nitin chuan ka dil lo che. Mahse, thla khat ah vawi 3 tal chu i hriatthiamna ka beisei a ni.

14. Kei chuan, Electrict lam thil leh in chhung bungrua te chu i siam thiam turin ka ring che. I lo thiam lo a nih pawn, a va siamna hmun i hriat leh, a chhiat ve leh a sawi ngai lova i siam tir erawh ka phut thung che a ni. Tawngkam danga ka sawi chuan, "Nangmaha rinna ka nghah vang zawk a ni e"

15. Inchhung bungrua thil engemawzat chu ka siam thiam ve tho. Mahse, i mi siam sak ka beisei (ngainat) vang zawk a ni.

16. Khawilai hmun i kal pawn "Chutah ka awm, chumi te nen kan ni" tih talin phone in min rawn hriattir thin la, thuneih leh lal duh vang erawh a ni hauh lo. I kalna a pianga ka ngaihtuahna leh suangtuahna thlarau nena ka lo tel ve theih nan. Mi dang tawngkam a tanga thil kan hriatchhawn hian, hmeichhia ti takah kan lungchhe hma bik em em a, chutiang a thlen loh nan pawh a ni bawk.

17. Ka miss call i hmuh emaw, thinrim tih hriat fahrama phone ka off chuan min rawn call back leh ngei ngei ang che. I chunga ka rinna a pun leh zual theih nan.

18. I thau viau pawn i dul chu kiar lo se, chuan kei aiin cher bawk lo la.

19. Pa satha, chah hmel, pian nalh le sek hi hmeichhiate hian kan ngai sang vek chuang lo.

20. Thian fel lo, leh nungchang tlaran tak ho nen in inkawm ka duh lo. Anmahni ang i lo nih ka phal loh vang a ni e.

21. Ka thian kawm te pawh i hriatthiam hlawm ka beisei hle bawk.

22. Chaw ka chhum sak che in, ei ringawt mai lovin, "I va thiam ve, a va tui em em ve" tih tal in min fak ka beisei hle ang.

23. Ziak emaw, chhiar emaw, in fiamna lamah emaw, zai lamah emaw, IT lamah emaw, heng zinga pakhat tal chu, phurna i neih a, i thiam ve ngai ka beisei. Pakhat tal chu thiam em em i neih a, a dang chu, i hriat ve nual a ngai ang. Mahse, Game khelh lam pang erawh ka duh lo.

24. Hna ka thawh reng reng in min ngaihsakin min ngaihsan pui bawk ang.

25. Gentle Man tih a vanga in laksan leh, intih hawiher san vu mai hi ka ngaisang lo hle bawk.

26. In ngaitlawm tih a vanga, thu pawtchat thiam lo, rorel kawnga qualify lo lutuk pawh ka duh lo.

27. Kei in chaw ka chhum zawh in, thleng sil turin i lo inring dawn nia. Hmun ka phiah zawhin chhuat nawt turin i lo inring bawk dawn nia.

28. I hna thawhna a i phur hle chuan ka lawm pui hle bawk ang che, mahse ka bula awm theihnghilh nan leh, min thlahdah nan i hman chu ka phal bik lo.

29. "Khawnge i kal dawn?" tia ka zawh che in, "Ka duh duh na ka kal ang chu" tiin min chhang suh ang che. A chhan chu, in kalna hi kan tan hriat ve a tha a sin.

30. Kan inneih hnu a ka rawn thau emaw a nih hun a, "ka thau tawh em mai eiin ka han insum deuh a nge" ka tih pawn, "In sum duh suh, hrisel lohna dangin a tlak buak palh ang che, I thau pawn ka nupi i ni a, ka hmangaihber pawh i ni bawk" tiin min ti ang che.

Kan Henry-a hian haire hai a ti ziah a, eng tihna nge?

Via RobertHaokip

Haire Hai - Lalsanglien Zote & Mary Jone, sikpui ruoi, muolhoi, 2006, Mary tau

Aw Lalpa..

Khawvêl mite hmuhsitna avânga ka vui dâwn ai chuan chhelna mi pêk zawng zawng kha lakiang la,

Tuarna phêna malsâwmna awm ka haider luih dâwn ai chuan ka thinlung mit hi tikeu suh ang che;

Lâwmna châng hre lo mai ka ni si a.

Vânduai bîka inhriatna avânga ka dem dâwn che ai chuan ka vânneih bîkna zawng zawng paihbo la,

Keimaha i thil dah ka tihpuitlin theih dâwn loh ai chuan ka chan tur ai midang pe ang che;

Mâlsâwmna hi mi zawng zawng tâna i tih a ni si a.

Midangte tâna ka pârchhuah theih dâwn loh ai chuan ka malsâwmna dâwn tur zawng zawng hnûkkir la,

I malsâwmna ka dawnte avânga ka theihnghilh dâwn che ai chuan chhuanchhamin mi awmtîr ang che;

Keimah hian chakna ka nei si lo.

Ka chapo dâwn ai chuan mi hnûkhniam la,

Ka theihnghilh dâwn che ai chuan mi phetthla ang che;

Mihring mai ka ni si a.

Thawhrimna tel lo hausakna ka hmuh-taih dâwn ai chuan thinlung mitdelin min siam la,

Ka chantâwk i ruata ka vui dâwn ai chuan mite hmaah min tuktlâwm ang che;

Awhnaa khat ka ni si a.

Aw ka Lalpa, i thilsiam ka nih hi min theihnghilhtîr lul suh ang che.

Zankhat chu ka muhil thei lo hi ka lehkha chhiarna pindanah chuan ka hun kal tawh te ka chhui kir mai mai a. High sikul ka kal ve lai khan ka u te nen in kan luah thin a. Thingtlanga awm kan nih avangin zirna run tha zawk bel turin khawpui lamah hian kan awm thla a ni. A kum leh ni te chu he thu ah hian a pawimawh ber a nih loh avangin ka thailang tel ta lo mai.

Hmeltha-i nen:
Ka mitah zawng sakruang-kimtlangmawii, lengzawngte khumtu a va tlingzo tehlul em! Hmuihnawih hmang miah si lo va a heh sen chek mai te leh a vun paw no phek mai te; A nungchang mawina leh rilru thatna, inngaihtlawmna in a char belhbawm tlat mai te chu a hmelthatna tizualtu ting an ni mai si…

A hmel, pawisawilo lutuk tak mai te kha ka tan chuan hahchhawk thli a tling thlawt a. Mi kar atanga mawi fahran tak maia min rawn ’seih’ mawlh mai thin te kha vala tan hian tawrh a har thin. Mi fate angin kan tawngkam thiamna ten daih ve in sawichhuak ve thiam i lang zawng, a hmelthatna kha pentui daih loh thleng sawitur ka hre tur.

Kan intawn/ngaihzawn tan dan chu a kipkawiin sawi vek ka tum hran lo. Kan inluah bul lawka awm an ni a, in lo chhuizawn ve tawh mai dawn nia. Kan inngaihzawn lai hi pawl sawm ka nih kum a ni a. Chhun zan zawm deuhthaw in kan inhmu thin. Kan titi dun nasa thei thin hle a. Eng eng nge kan sawi erawh ka hrechhuak zo tawh lo. Ka hmuhphaka a awm ringawt pawh kha thu tam tak kan sawite ai khan a pawimawh zawk miau si a.

Ka thinphu ti muang theitu leh ti rang theitu, ti tawp hial theitu chu amah hmeltha-i chauh kha a ni. Ka tan chuan khawvela lunghlu tha mi zawng zawng ai pawh hian a hlu chungchuang a ni. ‘Precious’ tiin ka ko thin a; Min hmangaih in ka hria a, keipawhin ka hmangaih em em a ni.

Duhthlanna sang-
Chuti khawpa inzui nasa ta na na chu ka zirna pawhin a tawrh chin a lo thleng ta. Term exam ah chuan ka fail ta dawm mai le. Ka nu leh pate chuan min zilhhau a. Ka tana pawimawh tur thu tha zawng zawng hi min hrilh ni maiin ka hria. Ka mizia bikah ngaihzawng neih leh zirna hi ka ti kawp thiamlo a nih min rinpui thu an sawi bawk a. Tin, tuna ngaihzawng neih chu nakin hunah ka nih tur ang min nihtir thei lo tu a nih theih dan te min hrilhfiah a. Duhthlanna erawh keima siamtur in min pe a. Tichuan duhthlanna chu ka siam ta a ni.

Kan inngaizawng chhunzawm ta zel a, lehkha erawh theih ang angin ka zir nasa ve ta deuh. Mahse ka nu leh pate khan an sawidik khawp mai, a lehpek exam ah pawh chuan a hma aimaha chiangin ka fail leh ta tlat mai a ni.

Precious nen chuan kan sawi dun a. Ani pawh chu ngaihzawng nei lo turin a nu leh paten an lo hrilh ve bawk hi a lo ni a. Tichuan a tan leh ka tana tha ber tur ni a kan hriat remruatna, siam ngai reng reng tur pawha kan lo dah ngai loh chu harsa ti takin kan siam ta a. Ka hmangaih, ka Precious-i nen chuan tap chungin kan inthen ta a ni.

A tirah chuan a harsa khawp mai. Ka mu thei lova, ka ril a tam thei hek lo. Ani lah chuti bawk. Ka duhthlannaah khan ka lung hi a awi thei lo. Nu leh pate thuawih avanga Khawvela ka hmangaih ber, (ni a ka hriat.) Precious-i ka kalsan kha a dik thei hian ka hre mawlh lo a ni.

Chuti teh hrepa rilru buaia awm chu hrehawm ka tih em avangin kan inluah chu sawn mai ka rawt ta a. Ka nu leh pate min fuihna hrerengin tihtakzetin lehkha chu ka zir ta a ni. Kum tawp result a lo chhuah meuh chuan ka lo pass ve ta hlauh mai a. Ka thil zir duh ang te zir pha turin ka tling ve ta a ni.

Tun hunah-
Chutia ka hmanlai hun kal tawh te ka ngaihtuah mek lai chuan khawvela aw ngaihthlak nuam ka tih ber mai chuan, ‘Kha thingpui ka rawn lumsak che, i in dun teh ang,’ a rawn ti a. Ka ngaihtuahna khawvel atang chuan ka harh zawk a, ka va hawi phei a, ka nupui duhtak precious-i ngei mai chuan min lo nuih ver ver a. A thingpui lum tui tak chu kan indun ta a.

-Nu leh pate hian kan tana tha tur hi an va’n lo hre tak em! An mi zilhhauna te hi a hunlaiin hriatthiam harsa ti thin mah ila khuareiah hian “kan tana tha tur, min ‘hmangaihna aw-ka’ a lo ni reng” tih hi kan zirchhuak chho zel si.

Happy Teacher’s Day to Teachers

Sikul ka luhtirhin ka pawl min siamsak A, Ka hming an han lam chuan ‘Aw’ ka han ti a… tih ni ta in ka hria, Pawl 1 Physical Education Or Mizo- ah khan kan zir thin. Pu Seletthanga phuah, A AW B hla a ni. Zirtirtute hi khawvelah min hringtu kan Nu leh Pa te tihlohvah chuan an ropui berin ka ngai. Chuvang chuan naktuk September 5th, Teacher’s Day denchhen hian an pualin he thu hi ka han ziak ve a ni.

La reilo hle mahse, kan hunlai khan thingtlang lamah chuan Zirtirtute khan zah leh ngaih ropui an la hlawh a. Tunah pawh an la hlawh mek zel bawk. Chutiang bawkin khawpui zawk Aizawl lamahte pawh ngaih ropui leh ngaihsan an ni. Mahse, kan hnulam pangah hian, (han ti kher teh ang) Zirtirtute zahna hi a nep tawh hlein ka hmuin, ka hria. A chhan chu, keimah ngeiin ka tawn ve vang a ni.

Zirtirtute chu kan Nu leh Pa te tihlohvah chuan kan damchhunga nuamsa- a kan khawsak theihna tura thiamna leh finna min pe tute an ni. Kei chuan tunhma- a Primary School vela kan Zirtirtute thleng khan ka la ngaisang a, zah pawh ka la zah. Mahni infakthu ni lo se, khawlaiah pawh han inhmu ila, ka la ‘wish’ ve lauh lauh zel a ni. College lamah pawh, Guest Lecturere an ni emaw, Contract Lecturer an ni emaw, kan Zirtirtu- a an lo tan ve tawh avang khan ka zahna lantir nan ka ‘wish’ thin a ni. Min zirtir thei tura thiamna an neih kha ka la neipha ve miau lova! Ka neih phak hnuah pawh ka hmusit chuang lova, ka la zah zel chu a nih hi!

Tunlai Mizoram Zirtirtute hi an vanduai ka ti. A chhan chu, anmahni tana Rights awm ve si lovin, naupangte tan Educational Rights te kan la ti ta deuh deuh lehnghal! School naupangin an Zirtirtute zahna chang an hre tawh lova, an awm awmin an awm mawl tawp hlawm zawng a nih hi! Thuawihna an tlachham ta. Zirtirtu ‘Wish’ nachang pawh an hretawh lo! Mi hrang inenkawlna- ah hian Rights hran ve ve a awm tulin ka hria. Zirtirtute hamthatnan Mizoramah hian Teacher’s Rights awm ve rawh se.

Mihring chu kan damchhung hian inzir reng kan ni a. Kan tette atanga kan thihni thleng hian nitin thilthar kan zirbelh zel a ni. Chu kan thilzir thenkhatte chu keini aia a hmangchang hria leh thiamzawkten min tihpui a, min hrilh chuan midangte ang mai ni lovin, an aia sangah pawh kan va invawrh daih thei a ni. Chu chu a zirmeka Zirtirtu pawimawhna a ni.

Tunah hian Zirtirtu ni ve tho thahnem takin he thu hi inlo chhiar ka ring a. In theihna senga thahnem ngai taka inhrilh thin naupangten an hmuhsit viau che u emaw, inthu an awih lohva han hrem mai chakawm zek zek, mahse hrem takloh pawh innei ve fo thin ang tih ka ring. Khang avangte khan in hun hmante kha lo nawmloh phah lohse, hlimtakin lo hmang fo tawh zawk ang che u. Khatiang hun intawn ni khan khang naupangte khan an hmalam hun turah Meiling an chhem vam mai mai zawk si a!

Thahnem ngai taka zirtir a, hrawk thip themthum a au va, chau hnep khawpa nilenga hun hman chang ngahtak hi Mizoram Zirtirtute ang an awm ka hre lo.

Thiamna min pe a, tun dinhmun min thlentu, Pawl 1 atanga tun thlenga min zirtirtute- he ni hi hlim taka lo hmang a, in hun kaltawha hreawm tamtakte theihnghilh a, hmalam pan a, ke pen zel turin ka duhsakna ka hlan a che u. Min Zirtirtu ni ve kher lo Zirtirtu dangte pawh, he Ni pual hian, ‘Happy Teacher’s Day’…

Chutih rual chuan, Zirtirtu chatuan ram pan ta te, an nupui fanaute Lapan thlamuanin hualhim zel rawh se. Zirtirtu nuamsam lo te pawhin chaktharna leh hriselna thar lo nei ula, Zirtirtu pawimawhna hre phalo khawpa nunchau leh nun bawlhhlawh awm theih a ni, chung mi te chuan in nihna lo hrechhuak bawk tawh ang che u…

- Jonathan Lianhmingthanga Sailo,
Govt. Republic Higher Secondary School, Aizawl

In duhleh a hlui ah pawh khan a revert leh theih. A tha in tih tak leh heihi kan hmang hlen anga.

Chuan bug etc in hmuh chuan rawn comment mai o.

Saturday, 04 September 2010 21:04:�August ni 31, 2010-a hman tan tak, motor dahna nei lote tana registration pek khapna dan Mizoram Motor Vehicle (Amendment) Act chuan sawi zui a hlawh hle a, India rama chanchinbu darhzau ber leh chanchinbu lar tak pakhat chuan Mizoram sorkar hmalak dan hi fakna lam hawiin an ziak lang.

The Hindustan Times chuan transport department, Mizoram hmalakna chu tha a ti hle. Nitina lirthei thar 600 chuang neih belh ziah Delhi tan Mizoram hmalakna chu ‘chhanna a ni thei ang em?’ tiin a ziak a. “Car i lei dawn maw? Garage a ngai hmasa,” tih thupui hmangin “North East a state pakhat chuan heti hian hma lain a bik takin a car lawm tak khawpui ni bawk Aizawl kawng ki kawi tak maiah chuan he dan hi August ni 31 atangin an hmang tan a ni” tia tarlan a ni. Aizawl atanga tanin hmun dangah pawh hman zel tum a nih thu leh traffic tawt lutuk tur tihziaawm nana a hman a nih thu an thailang bawk a ni.

The Times of India chuan August ni 26 chhuakah, “Kalphung fuh tak a ni” tih thupuia hmangin Mizoram transport department hmalakna chu India ram pumpuiah hman tha a tih thu a ziak bawk.“Motor dahna chungchang hi rampum ang pawha khel a ni fo tawh thin a, eng sorkar mahin motor tha zawk neih leh a dahna tur lamah hma a la ngai lova, heti ang ang rawtna hi hun rei tak a lo awm tawh a ni. India ram hian kan lirthei neih (sorkar ta) ram dang angin kan hlut lova, New York-a taxi an chhawr tangkai ang leh London a bus chhawng an chhuanna ang rilru khu kan pu pha lo a. Supply leh demand buk tawk a ngai a, chu chu Mizoram sorkarin tih a tum tak chu a ni reng a ni,” tiin Times of India chuan a ziak bawk a ni.

Times of India chuan Mizoram hmalakna a fak rualin motor dah thatna tur sorkar vek chuan a ruahman that a ngaih thu a ziak bawk a. “Motor atchilhna ram ‘traffic’ tihthawl nana kailawn hmasa ber atan chuan dan khauh tak a ngai a ni,” tiin a tawp a khar a ni.

-    James Ramdinmawia

Khawvel thiamna leh hriatna thang zelah kan khaw hawi a zau tawh em em a. Zirlai naupangte pawh a thilhriat te hi kan naupan laia kan hriat nen chuan inthlau tak a ni. Zirtirtute hian kum eng emaw zah kal taa kan zirthiamna atang khan naupangte kan zirtir ve leh chhawng a ni a. Khang kan zir hun laia thiamna leh hriatna te kha tun hun atan chuan ‘relevant’ tawh lo tam tak a awm ang.

Chuvangin naupang te zah tlak leh ngaihsan tlaka zirtirtute pawhin a hlui ring reng lova kan hriatna leh thiamna te kan tuai thar a, kan inzir thar ve reng a tul a ni. Ka knowledge aia ka zirlaite knowledge a zau zawk a nih vaih chuan ka zirlaite chu min ngaisang tur leh ka thu leh hla te bengkhawn turin ka phut thei tawh lovang.

Naupangte’n hnehsawh taka computer an khawih zet zet laia zirtirtu zawk an kiangah Tiddim sakawr thleng hlim an sawi ang maia a hawi a heu mai chuan naupang chuan pawn lamah tilang lo mah se a rilru chhungril tak chuan a zirtirtu chu a nuih tet tet ang. Tunlai chanchin thar, current affairs leh sports, etc. te zirtirtu aia a hriat zawk tlat chuan a zirtirtu chu amah aia hniamah a dah mai ang.

Chuvangin finna te, hriatna leh thiamna kawngah, kawng engkimah chawimawi leh zah phur tur chuan zirtirtu chu a zirlaite aiin a advance ngei ngei tur a ni. Computer thiam a tul, internet te pawh khawih ve fo a tul, news update ber ber a hriat a tul, technology thar ang mil zela amah a in adjust theih a tul.

University of Cambridge hnuaia Consultant-a ka awm lai khan Zirtirtute training ka pe ve thin a. English leh Teaching Methodology-ah te training kan pe ber a, kei tak chuan Teaching Methodology-ah training ka pe a ni. Zirtirtu thenkhat an hriatna tuihriama tuai thar zel duhin, ‘kan naupang te leh kan ram future atan hian kei pawh ka intuaithar a ngai a ni’ tia thahnem ngai taka training an zawm laiin thenkhat chu thiam tawkah an inngai a, hre tawkah an inngai bawk a, “Training training a ngai lo, B.Ed.-a kan zir hnu te pawh a tam” ti tawk te an awm a.

Tawng mawi lo ni suh se, tuna sikula zirtirtu hna thawkte aia thiam zawk daih, khawvela thiamna vawr tawp Ph.D meuh pawh nei tawh University-a thawk Lecturer, Reader leh Professor te meuh pawh hi an intuai thar reng a, Library an thutchilh a, Internet-ah an subject concern thilthar an zawng a, Seminar te an buatsaihin an chhim reng bawk a, kum tin Refresher Course te an la kal asin.

Mihring, mahni thiam tawk leh hre tawka inngai reng reng hi midangte hian hre tawk leh thiam tawkah an lo ngai lo tlangpui nia! Mahni zir sanna leh thiamna emaw, mahni dinhmun chelh mekte uanpui hauh lova mahni hriatna te tuaithara intuai hriam leh zel thinte hi a ni mite ngaihsan leh mi te’n an rawn thin chu.

Tin, thiam tawk leh hre tawka inngaih vang ni lem lova tul dang avanga hman lo inti tam tak an awm bawk. Kan hlawh hmuhna leh eizawnna ber ngai pawimawha chumi atana intuaihriam zel chu Kristian te tihtur a ni dawn lo’m ni ka ti deuh a, a aia pawimawh hi kan ngah lutuk deuh ni te-in ka hre thin.

Zirtirtu ka nih chuan Pathian leh Ram tana ka rawngbawlna pawimawh ber chu ka zirlai naupang te mi puitling, hman tlak, Pathian tihmi leh ram tana mi chhenfakawm ni tura chher hi a ni a, chuvangin a behbawm dang te hi chu ka tan chuan a pawimawh ber lo a ni, ka zirlaite hi ka missionary field an ni a, an tana ka hun tam zawk, sikul-ah leh in lamah pawh ni se ka pek a tul a, zirnain hma a sawn theih nan ka hlawh chungchang ringawta buai buai lo hian education policy thar te duangchhuakin chumi atan chuan sorkar hi a huhova kan nawr zawk te pawh hi ram leh hnam, khawtlang leh kan Pathian rawng kan bawlna tur chu a ni dawn lo’m ni tiin inngaihtuah harh ta hlawm ila kan zirna kalphung chuan hma a sawn zawt ang le.

Champhai atanga 20 KM vela hla Melbuk leh Mualkawi atang te pawhin thahnemngai takin Zirtirtute an mahni senso-in nitin deuh thaw training-ah an rawn kal a, an naute leh an khawtlang, an ram tana malsawmna ni tura an inpekna hi a fakawm ngawt mai. A zinga a thente phei chuan English Course leh Teaching Methodology-ah te training an kal kawp ngat a, hmasawn tum tak leh an naute hnena chu an thiamna leh hriatna hlanchhawn tur chu phur takin an zir ngat ngat a ni.

Hetiang mite hi kei chuan “The Unsung Hero” ka ti a ni. Anni ang bawka thahnem ngai hi khawpui chhungah pawh tam tak an awm a, amaherawhchu anni bik hi an rawn kalna a hlat avang leh petrol man te senso an inhuam em avangin ka han chawimawi duh a ni.

Mizorama kan zirna kalphung hrim hrim hi a veiawm a, kan zirna quality a san loh dan te, lehkhatiam inti si mahni subject-a Master tak tak lo kan tam zia te, mahni subject kher lovah pawh mi hmantlak leh hmasawnna thlen thei khawpa mi intuaihriam kan tlem zia te, chumi-in a ken tel tlat “Communicative Skill” kan tlakchham dan te hi chipchiar deuh zawka la sawiah dah ta ila.

Tunah rih chuan Teachers’ Day pualin Zirtirtute zawng zawng Chawimawina leh zahna ka hlan a che u.

************

–    James Ramdinmawia

Thlasik anga khel lova kan lawm thin zirtirtu ropui, Dr. S. Radhakrishnan-a piancham “Teachers’ Day” kan tih a hun a lo thleng leh dawn ta reng mai. He Ni-ah hian zirtirtute ropuina leh zahawmna inhrilh hriat thar nan hun kan hmang thin a, kan zirtirtute kan chawimawi thin. Teachers’ Day hi a Ni-a a lawmna Programme-ah hian kan duhtawk mai thin hi a pamhmai deuhin ka hre thin a, zirtirtute zahawmna leh ropuina te, chutih ruala an mawhphurhna san si zia te hi Teachers’ day lai chauh ni lo, nitina kan inhrilh hriat thar fo hi a ngai a ni.

Khawvel mihring tung chho-a kal reng reng te hi zirtirtu kutchhuak vek kan ni ti ila kan sawi sual tam lovang. A chhan chu nitina sikul kal thei lo, formal education dawng lo te pawhin non-formal education tal chu an dawng thin a ni. Chuvangin Zirna (Education) kan tih hian a huam zau em em a, a huam chin pawh “Cradle to Grave (Nausen kan nih atanga Thihni thleng)” a ni tawp mai a ni. Amaherawhchu tun tum atan chuan Sikula zirtirtu te lam kan hawi rih ang.

Zirlai te u, in zirtirtute hi zahin chawimawi ang che u. Mi hausa chhungkuaa seilian niin in zirtirtute chu nangni aiin an lo rethei deuh a, i lo zah lo ru deuh a ni mai thei, mahse hei hi hria ang che, nang ai chuan in zirtirtupa kha a zir sang zawk daih, he khawvela i cham chhunga i thil hriat let eng emaw zah kha in zirtirtupa kha chuan a tawnhriat atang leh a inzirna atangin a lo hre daih tawh asin. Hmusita ngainep thei i ni reng em?

I nu leh pa, nangmah chawi liana i mamawh tinreng pe chea sum leh pai pawh i mamawh ai tam mah mah pai thintu che kha zirtirtute kutchhuak vek an ni asin. I ngaihsan em em IAS Officer te, Engineer te, Doctor te hi zirtirtu tel lova piantirh atanga mahni thiamna liau liaua IAS emaw, Engineer emaw, Doctor emaw lo ni ta an awm i hre ngai em? Kan Chief Minister te leh kan Minister rual te pawh hi Zirtirtu kutchhuak vek an ni asin. Chuvangin zirtirtute chawimawi hi kan tih makmawh a ni.

Vawi khat chu pa pakhat hian Prime Minister Motor hi kawng a lo kian tha duh lova. Prime Minister chuan chu pa hnenah chuan thinrim zetin, “Eng nge nia i inhriat a, he ram ropui taka Prime Minister hi ka ni tih hi i hre na nge, engah nge ka kawng dala i awm?” tiin a zawt a. Chu pa chuan “Chutiang ni thei tura zirtirtu chu ka ni!” a ti ta a. Chu veleh Prime Minister chu a ngawi ta vang vang a, “Ni tak maw, kei pawh hi kan zirtirtu te khan min lo enkawl thin ta lo se chuan Prime Minister hi ka ni thei awm si lova….” tiin a ngaihtuah ta a. Tichuan “Good Morning Sir, min ngaidam ang che aw?” tiin chibai a buk ta hial a ni. Hemi ka han sawi lan nachhan chu he chanchin tawi te atang hian Zirtirtute zahawmna hi hre thar lehin i chawimawi theuh ang u tih hi ka sawi duh vang a ni.

Zirtirna hna chu heti hian kan sawi thin; “Teaching is a Noble Profession” tiin. Chumi awmzia chu zirtirna hna hi hna zahawm chungchuang bik a ni tihna a ni awm e. Chuvangin zirtirtute pawh ‘Noble Professional’ an ni. Professional kan tih chuan eizawnna tlak thiamna neih a ni ber ang a, Football-ah te, Tennis-ah te, Zai leh Rimawi tum lamah te Professional kan tih ho reng reng hi chu eizawnna tlak tak taka thiam an ni thin. Amaherawhchu zirtirtu tih loh, a dang zawng te khi chu ‘Noble Professional’ an ni ve ngai lo a ni.

A chhan eng nge kan tih chuan anmahni line theuhah khawvel-in a hriat khawpin an thawkrim a, chumi azarah hlawhtlinna pawh an chang thin, mahse mihring enkawl puitlinna lamah an thiamna chu hman a ni ve lo, chutih laiin zirtirtute ve thung chuan professional dangte tih ve theih loh “Mihring puitling chherchhuah” chu an hna a nih miau avangin “Noble Professional” an ni ta bik thin a ni. Chumi avang tak chuan zirtirtu te lakah kan beiseina a sang a, an lakah kan thikthu pawh a chhe bik thin a ni.

Zirtirtute laka kan lo phun peih deuh a nih pawhin kan tu leh fate mi puitlinga chherchhuak tura kan innghahna an nih miau avangin zirtitute pawhin ‘Department danga thawk te pawh an chuti khati ve tho, anni aiin kan thawk tha, kan eiru lo zawk, zirtirtute hi min sawisel min sawisel bik mai!” tia midangte nena inkhaikhin mai lovin thin nel leh zaidam taka an zahawmna an humhim a ngai a ni.

Maradona te, Elvis Presley te, Roger Federer te chuan an tum ram (professional goal) an thleng tawh. Professional player nih a, tournament lian khelh ve ringawt kha an professional goal a ni lova, an professional goal chu anmahni line theuha mi bik leh champion nih chu a ni. Zirtirtute tan chuan Zirtirtu hna va thawh ngawr ngawr kha an Professional goal a ni lo, an professional goal chu mi puitling leh hmantlak, khua leh tui tha ni tur mi chherchhuah a ni. A nih kan professional goal chu kan achieve reng em?

Kum sawm chuang emaw, kum sawmhnih chuang emaw zirtirtu hna i lo thawk tawh a, kum tam tak experience i lo neih tawh chu chhuan tham pawh a ni viau mai, a nih leh i zirtir chhuah te zingah mi hmantlak, nang pawhin i inchhuanpui theih eng zat nge awm tawh le?

Kum sawm emaw sawmhnih kal taa i zirlai ni thin te kha tunah eng nge an nih tak, khaw nge an awm tak, IAS an ni ta em, MLA an ni ta em, Pastor em ni zawk, nge khawtlang tana mi hnawksak, Drugs Addict an ni ta nual em, nu leh pa ti lungngaitu nge an nih nu leh pa hlimna thlentu?

A nih leh tuna zirtirna hna i thawh laia zirlaite tana i inpekna leh i thahnem ngaihna te, i hlawh tam dan te chhut khan ‘Noble Professional’ nih chu phu i inti reng em le? Heng te mai mai hi ziritirtu te hian mahni leh mahni inzawt fo ta ila, tun aia nasa fe hian kan zirna hian hma a sawn ang a, ‘Noble’ nih pawh kan phu tawh ang.

‘Kan zirlaite hi kum hnih / kum thum chhung lek lek kan enkawl te an ni a, kan enkawl tawh loh hnua an nungchang leh rilru puthmang te eng tin nge ka ven zui vak ang, kum sawm/sawmhnih kal taa ka enkawl thin te kha chu kum hnih/thum vel lek lek ka enkawl a, a hnu lam leh tuna an awm danah tih vak theih ka nei tawh hlei nem’ tiin i lo pha deuh a ni mai thei.

Mahse maw, kum sawm kal taa kan zirtirtute’n thu tha min fah thin kha a zawng a za chu hre vek tawh lo mah ila tun thlengin ka bengah a la cham reng a, ka nun kawng hruaitu pawimawh tak a la ni reng asin! Chuvangin i enkawl chhung reilotea fuihna tha tak tak leh hmangaihna nena i enkawlna khan a dam chhunga a nun vawng reng tawh tur thu nung a thinlungah i hnutchhiah thei a, chu tak chu a ni Zirtirtu ropuina leh ‘Noble’ a nih theih bikna chu. Experience aiin Achievement dah pawimawh zawk fo tur a ni.

-contd/-

1. Hla duhzawng deuh TV-a hmehchhuah palh hlauh.
2. Dulthuar na urh a nuih.
3. Ruah sur cherh cherh laia tihtur nei lova mut mai mai.
4. Dam viah.
5. Thiante nena pawt mai mai.
6. Tu emaw hmuha laih deuh chaih chaih.
7. Inkhawm ban chiah leh inbual zawh hlim.
8. Zing han thanharh a, mutna hun kan la ngah tih hriat.
9. Hla, tu emaw min hriatchhuahtirtu ngaihthlak veng veng.
10. Thlasik laia inbual zawh hlima towel lum thar thar a inhruk.
11. Kan duh ve rilruk deuhin min duh ve in.
12. First Kiss !!!
13. Chaw ei tui (chawhmeh tha vak lo mahse)
14. Hman em em a Mi(sual).com

A tam zawk khi chu Lei Hringnun Magazine (?) atanga lak a ni.

In duh duh sawizawm ve ru le…

Thlalak print nan hian eng printer hi nge tha ang? Mahni in-a hman turin, Color Printer thenkhat hi chu photopaper-a print hian a pherh duh riau a, thlalak print-na paper-a print theihna, mahni ina hman mai mai tur atan enge tha ang?

A hria te khan min han pui teh u. A4 a print theih chuan a tawk mai.