Aggregator

Download duh tan Hetah PS : Kan mizo artist lar thin an cassettee pawh hmuh mai tur vang tawh..an thamral mai tur dawn ngam loh vangin thangtharte zingah a tam thei ang a tih lar leh tum vang a download theih a dah a ni e. Tarlan a remchan loh chuan n3hru@rediffmail.com ah biak theih ka ni e

Zin dawn manah Aw Kross tih hi kan post leh hram teh ang.. Sunday pual ah.. :)

 

Rul chuk enkawl dan

Tunlai hian rul chuk vanga thi sawi tur a tam hle a. A pawi tak zet. A lo hmang tangkai kan awm tak mialin tiin a enkawl dan ka rawn thai lang a ni e.

1. Rul chukna hmuamhma chu zai thi hleka a rang thei ang bera duli/siki bel tur. A tûr a fawhchhuah kim hma chuan a bet ang.
2. Rul chukna hmuamhma atanga taksa lam, thisen lo kalna tur lam atangin sawhthing densawmin a hmuamhma lam hawi zawnga zût tur a ni. A hmuamhma-ah chuan bel loh tur.
3. Tuibur al lem a tha. Tuibur al-in a tûr a tihchhuah hma chuan a ruih theih loh va, a ruih theih chinah chuan a tûr a chhuak zo tawh tihna a ni.
4. A hmuamhma-ah Gramaphone keh them mehdip bel a tha.
5. Rul chukna hmuamhma atanga taksa lam hnaih zawkah berul hnah hnawih hian taksa lama rul tûr kal tur a dang thei. Berul rah tanbun hmawka a hmuamhma hnektir a tha bawk.

6. Changel tui ina a kawra a hmuamhma tuamhnan tur. An pum a nat chuan thiin an luak a, an dam mai. An pum a nat lem loh chuan Ailaidum eitir a tha tho.Tin, changel chhawk hmawka a chhawkna hmawr chu rul chukna hmuamhmaa hnektirin a tha bawk.
7. A chuktu a thah hman chuan a lu chhut sawpa a tui chhuak chu a chukna hmuamhmaa hnawih a tha. A mît hnawih pawh a tha bawk.
8. Rultuha chuk bikah chuan a hmuamhma zai pem belha zunkhum hian a dam huai.
9. A chukna hmuamhmaa khaini bel a tha bawk.
10. Tengtere mu, a kawr kheha a laimu phel phawk hi rul chukna hmuamhmaa bel a tha. A dang bel leh zel tur a ni. A tûr awm tawh loh hnuah a bet thei lo vang.

11. Rul chuk haw lo chil hnawih hi a tha an ti tlat.
12. Khianghnah chhutsawm hnawiha eitir a tha.
13. Artê, a mawng phu ziap ziap hi fawhtir ila, a tha. Artê a thi thung.
14. Bawnbawn te, bahkhawr hel ei te a tha.
15. Phelphek hrui zikno hnai hnawih a ngeih hle. (Pu C. Rokhuma’n a prove tawh).

16. Tumbu kawr tui sawr hnawih a tha.
17. Kel hnute in a tha.
18. Maipawl hnah sawr sawma zût a tha. A hnah a awm loh chuan a rah pawh a tha tho.

A damdawi siam dan:

Caustic Soda – Cheng khat bûk.
Chingal fir – Ounce khat.
Tuisik – Ounce thum.
Purunsen – Duli buk.

Hengte hi tihsawma chawhpawlh tur a ni.

A hman dan: Kut hmawra a chuk chuan a damdawi chu banbul atang hnawih tana a chukna hmuamhma lama hnawih zawm tur. (Taksa dangah pawh chutiang zelin) Tûr awmna lai kha a hit chem chem ang a, a hitna lai kha bakcheh hriama zai thi tur. Ni hnih hnuah hnawih leha a hit lai a awm chuan zai thi leh tur. A vawi thumnaah chuan a tûr a chhuak zo deuh vek tawh thin. He a damdawi hi a dahthat reng theih.

Thu lakna te:
Zoram Upa Pawl thurawn bu (by Zoram Upa Pawl, 1984)
Mizoram Nungchate (by Lalnunmawia, 1992)

Tun   hnu   a   ka   han   chhut   vel   mai   mai   hian,   kan   pi  leh   pu   te   kha   ‘phakar’   riauna   an   nei   tlat  in   ka  hria.  In  lo  chhut   ve  thin  emaw,   ka  hre  lo  a.

1. Chaw kang ei chu vangvat in a zuk duh. (tunhma kha chuan lo a buh thar, vaibuh pawlh miah lo, buh tui tak kha ei a ni thin a. Chawkang, ut chhe lutuk ni si lo, te kha chu tui tak a ni ringawt. Naupang ei ve phal lo in, anmahniin an ei tan tan thin )

2. Ar-thial/ar-ngum ei chu phunchiarna. (ar-thial/ar-ngum pawh anmahniin an ei hmak hmak mai )

3. Sakhi thangawk ruk chu sakeiin a seh duh. (hei hi chu insawithaihna tawngkam a ni awm e)

Han sawi zel ka tum lai in ka bo deuh tak duak chu a. Rawn thawhbelh tur in nei ngei in ka ring.

Click here to view the embedded video.

Don’t be angry if I seem blue each time we meet
Someone that you once knew, that you say used to be so close to you
its just that I’m so afraid someone might steel away I’d loose my mind
that I can’t help my self the way I feel sometimes I’m the jealous kind.

It was alright when I first met you I didn’t mind
But now things have changed I’m not the same and now I ffind
I want you all to myself
I don’t want to share you with nobody else
You must forgive me, for the way I act sometimes
Yes, I’m the jealous kind

If you only knew how much it hurts to hear you say
How you can’t forget
That before we met, those were the good old days
Why must you hurt me so
I can’t take it no more
And i really tried
and I can’t help myself, the way I act sometimes
I’m the jealous kind

Don’t be angry if I seem blue each time we meet
Someone that you once knew, that you say used to be so close to you
its just that I’m so afraid someone might steel away I’d loose my mind
that I can’t help myself the way I feel sometimes I’m the jealous kind.

( lyrics hi dik nge dik lo pawh ka check chiang lo)

#Make Me Pure

Click here to view the embedded video.

I know I’m gonna die so my revenge is living well….
….. i’m not perfect but you don’t mind that, do you?
i know you’re there to pull me through, aren’t you? …. eh!!!
You can’t lie to a liar because of all lies
Oh Lord, please make me pure

(sei dawn em a thu duh lai rawn dah mai)

Inrinni zing a ni a, ka pa chu a ni leh ni lo angin Inrinni bazar ah a kal a. Ar puahsa hi a rawn lei a, fridge ah chuan a dah a. A mak ka ti angreng.

“Mi chawei ah i sawm emi a, Pa?”
“Sawm lo e. Naktuk zana in thiante ho nen in kan atan ka ti mawle. I putea pawh a rawn chhuk leh ngei dawn sia,” ka pa chuan a ti a.
“Ni dawn tak. Naktuk zan hi World Cup final a ni tak. Wai Wai te kan lo chhum leh mai mai ang chu ka lo ti a.”
“I nu sawm la, in pahnihin in kang dawn nia.”

Nau hmeichhia pahnih ka nei a, ka nu chu sawm ka tum lem lo, nula leh tlangval ho tana ar kang ruk ruk atan chuan ka khawngaih ve. Eli chu mahse ka sawm lo ang, a ni hi chu inleng ho kawmtu ah a tha. Vicki ka sawm ang, a peih chu ka ring chiahlo a mahse thu hi a awih ve hrim hrim a, min hnial lo ang.

Tunkum World Cup chu kan inah entu kan tam thei ngei mai. Ka putea, football atchilh bur hi zantin a rawn chhuk ziah a, a chang phei chuan chaw te a rawn ei nghal a. Eli inleng te ho hi pathum pali vel an awm ziah bawk a, Putea titi ngaithlak hi nuam an ti thei em em lehnghal. Vicki bialpa hi a rawn tawlh hrut hrut reng bawk a. Tlangval pawisawilo zet mai hi a ni a, ka chhungte pawn an duh ve hle in ka hria.

Ka naute hi phir an ni a, kei aiin kum nga ngawtin an naupang a. An pianni pawh ka la hre reng. Ka Putea hian an pianni chuan min pua a, damdawiin ah min hruai a, naute pahnih lo awm chu mak ka ti lutuk. Putea, England ram ngaisang ta reng reng chuan an hming chu a lo phuah nghal zung zung a, lalnu ropui pahnih Elizabeth leh Victoria te hming chawiin ka naute pahnih chu an sap hming a phuahsak a.

Eli chu a tet lai atangin a harh em em mai a, lerh pawh a lerh hma. Kum 19 a nih khan pasal pawh a nei nghal reng mai a. A pasal pawh chu amah ang tho, chhungte chawmhlawm, lehkha zir lai a ni. Kum hnih chu an han innei ve ren rawn a, Eli chuan a peih tawh lo aniang chu a rawn haw leh daih a. Fa an nei lo a, a vanneithlak angreng zawk. College te a kal tha leh a, tunah hian BA 3rd year a zir ve mek a. Inleng hi a ngah thei em em a, mahse tumah hi han ngaihzawn pawh a tum lem lo.

Vicki hi chu a naupang ber ania, Eli aiin minute 10 in a naupang a, a pangchang em em reng bawk a. A duhzawng hi chu an tihsak lo ngai lo, mahse a sual phah hauh lo. A bialpa nen pawh hian kum 5 vel chu an inzui ve tawh, pawl 12 an zir lai atang khan an la nghet ve tlut mai. Ka chhungte chuan an inneih pawh an phal ngei ang le. Tunah chuan kum 23 lai an lo ni ve tawh a, naupang chhia pawh an ni tawh bik lo.

Mahni chanchin sawi hi thil nuam a ni lo, nulat senior lamah phei chuan mahni inpuan zut zut hi tuman an chak hauhlo. Senior chu ka la inti hauhlo mai, kum 28 chu ka ni tawh, pasal ka neilo, ngaihzawng fumfe pawh ka nei hek lo. “Sawmi chu i nauten pasal an la neihkhalh dawn che anih hi“, tih te, “Sawmi hi chu a nu leh pa te enkawl tu ber tur ania” tih tawngkam hi ka dawng fo mai. A hman hman lah hian “Pasal nei tawh rawh i senior tawh, i naute ho neihna tur i dal” te hi min han ti thla leh ngawt zel a. Mahni lo maha lo la inlak young ve mahnak alaia hetiang tawngkam dawn fo hi chu ka ning ru thei em em, mahse fiamthu ah ka la a ka nui liam mai mai zel.

Mahse, han ti hluai teh ang, tunlai chu RD-a hian min rawn rim ve deuh emawni chu aw, ka ti thin. Inkhel hi a rawn en ve ziah a, engemaw eitur hi a rawn keng ziah bawk a. SMS ho te te hi min rawn thawn thin a. “Zanin chu Brazil kan chak dawn chiang mange” tih te, “Wai Wai packet engzat nge ka rawn ken ang” tih mai mai te ani thin. Brazil hi kan tan dun em em mai lehnghal a, Brazil an tlak zan phei kha chuan half time ah khan ka en peih tawhlo a, choka ah ka phei daih a. RD-a pawh chu a rawn phei ve a, kan titi vel mai mai a, enge kan sawi phei chu ka hre tawhlo, secondhand kawrlum tih vel a ni in ka hria.

RD-a hi a naupan lai atangin ka hre tawh. Kan inrual chiah chiah a, mahse chuti em emin kan inkawm ngai lo. Mahse inrualpui tih takah chuan Sande Sikul te kan kal ho a, kan inhrechiang angreng phian. Ngaihzawn enah pawh ka lo en ngailo hrim hrim. Amah hi tlangval fel, kohhran ah pawh inhmang tak a ni a, eng sawrkar department ah emawni hian a thawk bawk a, makpa atana awt tak tak pawh an tam hle ang le. Tunlai phei chu inkhawm kal tur te hian mi hi a rawn sawm a, inkhawm ban hian a rawn lut kawi ziah bawk a, ngaih chu a tha duh ve angreng.

Tunlai chu laphiar hi ka’n atchilh thar leh tlat mai anih chu. Kan naupan lai khan inkawm pah hian ka thiante nen hian kan phiar thin a, engmah pawh chu kan phiar chhuak ngai lem hlei lo a. Mahse ka nu hian min zirtir a, naute lukhum, naute mawza tih vel te chu ka hnehsawh ve fu. Hmanni deuh khan ka ni laphiar bu ka hawh a, kawrlum phiar ngei tumin tan ka la mek.

Inkhel en pah hian ka phiar thin a, Eli thiante ho hian mi kah hi nuam an ti thei khawp mai lehnghal a. “In duh chuan kawrlum inang vek ka la phiarsak ve ang che u” te hi ka ti vel mai mai a, an lawm ve dar dar thei khawp.

Chawlhni zan a lo ni a, inkhawm ban chuan inkhel en tur pawh an rawn kal ta tak tak a. Dar sawm ah kha chuan kan ri nak nak tawh. RD-a pawh rawn thleng hma pawl a ni. Polythene bag puar deuh hi a rawn khai a, engmah sawilo hian min rawn pe ringawt a.

“Eitur rawn keng suh ka tih kha, ka pa in ar a lei,” ka lo ti a
“Eitur a ni lo, han en la i hre mai ang”

Ka han en chu la hi a lo ni a. La eng leh hring tam deuh mai. “Enge awmzia” ti ni awm takin RD-a chu ka en a, min lo nuih sak a. “World Cup leh hunah muffler inang kan nei ang chu ka ti. Tunah lo phiar tan la, hei Brazil flag rawng chiah chiah a nih hi,” a ti a.

Ekhai! World Cup leh hun te a lo ngaihtuah thleng daih mai. Phur deuhin polythene chu ka la a. “Nalh deuhin ka rawn chhuah ang, lo ngai reng mah rawh,” ka ti a, ka nuih let ve chuan ka hria, ka hrechiang tawh lo. Dahtha turin ka room lam ka pan a, zawi te in ka kal a. Mahse ka thinlung erawh chu a zuang zawk zawk mai pawh ni lo, a inbingbilet inrulpuiludin ti ila ka sawi sual lo ang.

Polythene chu ka keu leh a, la eng leh hring chu ka en nawn leh a. Ka va han phiar nalh dawn em! Ka laphiarfung hman thiam, number 12 ngei mai khan ka phiar ang.

The Zuziz Band

Kar hmasa lam thil ni mah se thlalak tlem azawng mi(5ual) ho tan ka’n rawn share ve mai mai ang e.August 28, 2010 khan Police Officers’ Mess, Egmore, Chennai-ah Chennai Mizo Welfare Association chuan Chennai-a Mizo awm thar te pualin Freshers’ Day a hmang a. Mi thahnem tak kalin programme hlimawm tak nen he ni hi hman a ni.

Note: All photos courtesy of Raymond Colney. Keichu ka zin daih.

Host te pahnih – Julie & Zara

A-1 Band

Freshers thenkhat te

Chepauk Special

Pi Dingi Sanga leh Mr & Miss Freshers 2009 & 2010.

Thlalak dang en belh duh tan HETAH emaw, www.chennaimizo.com ah a en theih e.

Thuhma…

Vawi tam tak sawi a ni tawh a, mi ziah chhiar tur lah a tam tawh. Inhnialna leh in hauhna a thlen a, thu ziak hmanga indona pawh a chawkchhuak zing ta hle mai! Mahse, sawi sawi hnuah pawh a then te hi chu kan fiah duh loh lui niin a lang. Engpawh ni se, he thu ziak hian a chhiar tute ah “Mizo” a chianna tak tak min neih tir se ka ti hle a ni.

Khiangte hnam ka ni a, Mizo ka ni. Kan chhungkua in kan hriatphak chin kan thlahtute chhuan tam fe ata tawh Mizoram a piang leh seilian, Mizoram chhul chhuak kan ni a. A lui ruam thuk tak tak leh tlang sang tak tak te hi mahni ta anga lo chei bawl a, thing leh mau leh nungchate pawh duat taka enkawl a, a ramin a pekchhuah eitur chi hrang hrang hmanga lo inhnangfak thin kan ni.

Pipute ata tawh Mizo nisa a piang ka nih avangin ka Mizo nihna hi thlanah ka la liampui dawn a. Ka duh emaw duh lo emaw, Mizo ka ni a, ka thisen zungzam a bet tel tlat tawh anih avangin ka thlak danglam thei tawh lo. Chuvang chuan Mizo ka nihna hi lawm takin ka pawm a, ka pawm sathliah mai a ni lo, ka chhuang in, ka chapo pui em em zawk a ni. American hoin American an nih an inchhuan tluk zet a nasa in Mizo ka ni hi ka inchhuang a, ka zahpui ngai hek lo.

Mahse….

Kum zabi 20-na chhunga MAL in Mizo pa lar bera an thlan (ka tihdik loh chuan min lo ngaidam ula) Rev Liangkhaia lehkhabu ziah “Mizo Chanchin” kha in chhiar chuan Mizo hnam hrang hrang leh Mizo hnahthlak hnam hrang hrang zingah Khiangte hnam hi a lo telh ve hauh lo mai a. “Hnamdang” tih hnuaiah Khiangte chu a dah a ni. Ka chhiar tirh chuan ka thin a rim hle mai a, khati tak khan ka lo chapo pui ve thin a, fa tak pawh ni lovin, a lem mai maw kan lo nih?

Tih emah chuan Mizo pasaltha Taitesena pawh Khiangte hnam asin a nih le! Khatih hun lai khan rawlthar mai chauh ka la ni a, khawi hmunah pawh awmin, Europe a ni emaw, America a ni emaw, Africa ram pilril ah emaw pawh awm mah ila, Mizo hnam phatsan ngai lo tura enkawl seilen ka nih avangin ka la na hle mai. Mahse, a ziaktu pa ber Pu Liangkhaia pawh Khiangte ve tho a ni tihte ka hriat belh leh hnuhnawh a.

Midang thuziah te pawh ka chhiar belh zel a, a then chuan Khiangte chu Pawih/Lai hnam peng pakhat a ni an ti a. Hmar ho lah in “Khiangte chu Hmar hnam peng alawm” an lo ti ve bawk a. HPC te kal vung tak tak laia an commander pakhat pawh kha Khiangte a lo ni ve awm e. Shillong-ah College kal tura ka chhukthlak hlim pawh in Hmar Students’ Association (HSA) hruatute’n an member a inziak lut turin min rawn sawm ve nghe nghe a ni.

Hmanni lawka Mizo History a research ti mek, kan thianpa pakhat in min hrilh dan chuan Myanmar-ah phei chuan Khiangte chu ‘tribe’ anga recognize an ni a, tawng hrang neiin, khaw bik te pawh an nei a ni a tih leh zel a. Thu a sai sa ta nuaih mai.

Kei aia Mizo an lo awm chuang lo…

Khiangte chu eng hnam peng pawh ni in, tawng hrangte pawh lo nei mah ila, a pawi lo. Unau, hnam hrang hrang min khaikhawm tu Mizo a awm a, chuta lungawi taka ka beh mai chuan kei aia Mizo hi an lo awm chuang lo. A inti nei tu tu, anihna leh awmzia a chiang apiangte hi Mizo dik tak chu kan lo ni mai. Mizo an ni tih inhre miah lo hnam peng eng emaw zah pawh an la awm ngei ang. Chungte pawh chu Mizo dik tak an ni tho. Mizo tih chuan zohnahthlak hnam peng hrang hrang, tawng hrang hrang nei te pawh a huam vek a, kan leng vek a ni tih hrechiang apiang te hi Mizo ah hian kan lungawi zual zel mai dawn niin a lang.

Tawng hi…

Pi leh pute atanga kan lo hman ngheh tawh, kan hmuhtheih Pathian, nu leh pate nen a kan inbiak pawhna, kan tawng thiam hmasak ber, kan lungngaih lai ber leh kan hlim lai bera kan au chhuah pui thin ‘kan tawng’ hi a lo hlu em em mai a. He mi chungchang ah hian a tu a te pawh hian rilru zau tak kan put thiam a ngai a ni. Mizo tih a lungawi lo tam tak paw’n hei hi kan chhuanlam ber a niin ka hria a. Zohnahthlak hnam peng hrang hrang te hi Mizo vek kan ni a, chuvang chuan kan hnam peng tawngte theuh hi Mizo tawng chu a ni ngei mai.

Mahse, chung hnam peng hrang hrangte min thui khawm tu tur leh kan zavai atana hman nuam tak tur tawng pakhat “Mizo tawng” Pathianin min pe hi a lawmawm ka ti. Hetah hian Mizo hnam peng hrang hrangte pawh kan lungawi thiam a tha hle in ka hria. Ka thianpa, MA (Mizo), chhiar zau tak leh upa kawm hnem tak pakhatin min hrilh dan chuan tuna kan tawng hman hi Duhlian tawng pangngai kha a ni tawh lo a, Duhlian tawng chu thluk deuh duai duai chi a ni, Ralte tawng nen a inchawhpawlh nasa khawp mai a, hnam peng hrang hrang tawng a tel zauh zauh bawk a ti a. Anih duh hmel viau in ka hria a ni.

Khiangte tawng ka thiam loh avangin Khiangte ka nihna kha a dal phah lova, ka hming bul tan nan kei phei chuan ka hmang nghe nghe. Chutih laiin, heng tawng hrang hrangte hi Mizo hnam ti hausa tu a ni tih hria in a ral mai loh nan humhalh thung ila. Mizo kan nihna min tih dal saktu atan emaw kan in unauna tibo tu atan emaw kan hmang anih erawh chuan thil tha a ni lovang.

Ka pa lama ka pi hi Pawih a ni a, ka nu lama ka pi hi Ralte a ni thung a, ka nu te hi Hmar an ni a, kan makpa hi Ralte Kawlni a ni in, keini Khiangte kan ni a. Ka thian tha em em, unau ang mai a ka en, kan chhungkaw member ang hial a kan in a tal thin te chu Rokhum, Chawngthu, Chhakchhuak leh Renthlei hnam te an ni a. Kan thenawm hnai ah Paite leh Mara an la awm zui. Hei lo liama Zoram khawvel insuihkhawmna ropui, Zoram Global Network ka vuah thin. Chaw kan han ei khawm a, Mizo hnam hrang hrang leh tawng hrang nei thiau in Mizo tawng a Pathian kan han be tlang thei leh ingngeih tak maia kan titi ho thei hi a hlut zia ka man thiam tulh tulh ta mai.

Mizo intiduh lo te ve thung hi…

Mizo inti duh lo hnam peng hrang hrang an tam ta hle mai, Manipur ah phei chuan heng hnam peng thenkhat te hi “Mizo i ni” tih chuan kut tawrh phah na hial a thleng thin a ni tih Manipur a seilian Mizo ngeiin min hrilh a ni. Mizo an inti duh lo anih paw’n Mizo chu an ni reng tho. Mahse, kan duhthlanna hi a pawimawh em em a, Pathian pawh in kan duhthlanna hi a dah sang in, mi a nawr lui ngai loh a nih hi. Keini pawh in midangte duhthlanna hi chu kan zahsak ve turah ka ngai a, Mizo nih an duh lo anih chuan Mizo in ni kan tih luih reng a tulin ka hre lo. Kei chuan Mizo nih ka thlang a, Mizo ka ni mai. Lusei pawh ni rawh se, Mizo nih a duh loh chuan Mizo a ni lo. Tunlai khawvelah chuan hetiang hian ngaihdan fum fe tak kan kalpui hi a tul in ka hria a ni.

Tanpui an ngaih laia inti Mizo…

Harsatna an tawk a, kan tanpui an mamawh laia inti Mizo, hna an duh avang leh Mizoram quota hmanga zirna in tha a an luh duh avanga Mizo nia inchhal, mahse hmundangah leh kan tanpui an mamawh loh lai a Mizo inti duh leh si lo te hi Mizo ah hian i chhiar lo ngam ang u. Hetiang mi hi mi tam tak ka hmu ta. Zirlai chu sawi lo, University a thawk leh hnasang thawk zingah hian hetiang a ‘bak’ rilru pu hi an tam khawp mai. Dinhmun chhe bera a din lai pawh a Mizo chu hlimna vawr tawp a tawn lai pawh in a Mizo tho tur a ni.

Tin, thenkhat chuan North East leh India ram hmun dangah ralthuam leh ruihhlo an zuar a, hmun danga Mizo inti duh lo kha man chhuah an nih a, Police kuta an awm in Mizo an inti leh a. Hetiang anih avang hian India ram khawpui hmun thenkhatah phei chuan Mizo te tan inluah tur pawh hmuh a harsat phah ta fo mai a nih hi. Tin, mi thenkhat Mizoram sum leh pai hmanga in lak vur duh avanga inti Mizo, thinlung taka Mizo leh miah si lo pawh an tam hle a ni.

Hetiang hi anih avangin kan cultural identity leh political identity hi kan thliar thiam a tul ta mai em ni aw tiin a ngaihtuah theih. Zohnahthlak te hi unau vek chu kan ni ngei mai, mahse political boundary in min daidang a, kan rilru puthmang leh khawsak dan te pawh a dang chho zel a ni.  Chuvang chuan, unau kan ni tih ah hian lungawi ila, political boundary pel a inpumkhat tum erawh hi chuan rah tha a chhuah lo in, Mizoram chhunga chengte tan hian thil pawi tak a thlen phah thei zawk mai lo maw?

Engpawh ni se…

Chhimbal hian rawng pakhat chauh nei ta se mawina a nei tlem viau in ka ring. Rawng chi hrang hrang hmun khata awm khawm chuan a mawina hi a ti zual a ni. Zohnahthlak hnam hrang hrangte pawh hi min khaikhawm tu “Mizo” ah hian lungawi tlang ila, chutah chuan mawi takin kan par chhuak thei ang tih ka ring a ni. Kan harsatna theuh inhriatthiam sak ila, hmangaihna leh thatna, in unauna leh chhungril taka in zawmna chuan ro rel zawk sela. Keini hnam tlem te, Zohnahthlak te, he khawvel hriata kan inpho chhuah theihna awmchhun “Mizo” tih ah hian lungawi thiam i zir ang u.

Lungphur phengphehlep a niin ka hria a, lungphur thak ka huat em avangin ka khawih ngam lova. Phelhsep hmangin ka la a, thu a awih phian. A lai takah hian rilruin ka rin tlang thla chhin a, a lehlam ve ve design hi a danglam tlem khawp mai.

Ka han en chiang zawh poh leh a design-tu ropui zia ka hmu a. He lungphur hian zirtirna pakhat min pe a … “Heng phengphehlep mawi tak hian nasa takin vun a ti thak thei” tihte mai hi …

(click for larger size)

He pangpar hi Frangipani an ti in ka hria. Mizo hian engtin nge kan koh ve le? Hmanah Serkawn(Lunglei) a kan awm lai chuan ‘Kristian Chhungkaw Par’ kan ti thin a. Mahse Aizawlah leh hmun dangah hian Kristian Chhungkaw Par tiin an lo hre miah lo, a hming hre lo kan tam zawk tlat. Engtin nge a hming in koh ve thin?

Rose par rimtui mih thliah la.. Hmangaihna Rose parrimtuiii.. (Rose par hian rim a neih pawh ka hre love)..

 

Malaysia Mizoten Mizo Christian Fellowship Day Vawi 6-na (29,31 August 2010) chu hlim tak leh kham lo takin in kan hmang tluang.Kumin MCF Day hi Mizo 500 rual velin kan hmang a, Yangon atangin khualian Rev.Chuangsangvunga (Asst. Secretary of Yangon Mizo Society) leh a thiannu Pi Lalduhawmi ten min rawn tawiawm a, kan thla a muang hle.

Ni 29 August 2010, Chawlhni-ah KLBC , Kuala Lumpur-ah zing lam dar 9 atang 11:15 thleng inkhawmhona kan nei a, programme tluang takin kan hmang. MCF President Pu Hualsailova chibai bukna-in mi a chawk phur a. Kan khuallian Rev.Chuangsangvunga leh kan rawngbawltu Rev.Lalthuamluaia ten Mizona-ah lungrual zela Mizona tivul zel tur leh Mizo hnam hmasawn zel dan tur lam hawiin thu min fah. MCF chanchin sawitu Pu Hmingliana avangin Malaysia Mizote insuihkhawm pawl lo huaihawttu kal hmasate kan rilru-ah an lo lang uaih uaih. Mimal zai ngaihthlak a nuam . MCF zaipawl an thiam. Zo Rimawi Group-in “Kawl A Eng Tan Ta” hla thiam tak maiin an sa a, mipui lawm a hlawh hle.Zo Rimawi Group hi music lam leh zai lamah min hruaitu ber a ni.

Ni 31 August 2010, Thawhlehni-ah Inbi khelmual, Kuala Lumpur-ah zing lam dar 9 atang tlai lam dar 6 thleng programme kan hmang. Mizo hnam lam Sarlamkai leh Zawlkhawsir Lam kan lam.Infiam inelna chi hrang hrang – Hrui inpawh, Lungden , Fei khawh ,Intlan siak, Inzuan siak, Baloon inthut puah siak, Foot ball khelh hmangin intihhlim inpawlhona kan nei.Football-ah KL MCF-in pakhatna, Pudu MMC (Malaysia Mizo Community)-in pahnihna an la.

Malaysia Mizote hi lungrual tak leh chak taka kan kal zel theih nan, mi ramah pawh Mizona chhawm nung zel theitu kan nih zel theih nan �hnam ni ve tura min lo dintu kan Pathian hnenah min dilsak turin khawvel hmun hrang hranga awm Mizote hnenah kan ngen e.

Post tawi kan han hmer khawm leh e

Help Me – Mpach

Samsung Corby Pro ah hian internet Airtel gprs ka hmang ve thrin a, computerah a tlang ve thei tlat lo mai…in tanpuina ka nghak fan fan a ni e.

Autorun.Inf hi – Rba_Hauhnar

Ka computer system-ah hian autorun.inf a awm nge maw ni, pendrive vih luh hian pendrive ah hian a kai zel, USB Disk security hian a hmu a, mahse a delete thei si lova, c drive chhung “del c:\autorun.in /f/a/s/q” command hmanga ka zawn hian a hmu bawk si lova, engtin nge ka tih dawn? min han pui teh u

Three Wheeler Taxi – fuliafa

Thuhma…

Vawi tam tak sawi a ni tawh a, mi ziah chhiar tur lah a tam tawh. Inhnialna leh in hauhna a thlen a, thu ziak hmanga indona pawh a chawkchhuak zing ta hle mai! Mahse, sawi sawi hnuah pawh a then te hi chu kan fiah duh loh lui niin a lang. Engpawh ni se, he thu ziak hian a chhiar tute ah “Mizo” a chianna tak tak min neih tir se ka ti hle a ni.

Khiangte hnam ka ni a, Mizo ka ni. Kan chhungkua in kan hriatphak chin kan thlahtute chhuan tam fe ata tawh Mizoram a piang leh seilian, Mizoram chhul chhuak kan ni a. A lui ruam thuk tak tak leh tlang sang tak tak te hi mahni ta anga lo chei bawl a, thing leh mau leh nungchate pawh duat taka enkawl a, a ramin a pekchhuah eitur chi hrang hrang hmanga lo inhnangfak thin kan ni.

Pipute ata tawh Mizo nisa a piang ka nih avangin ka Mizo nihna hi thlanah ka la liampui dawn a. Ka duh emaw duh lo emaw, Mizo ka ni a, ka thisen zungzam a bet tel tlat tawh anih avangin ka thlak danglam thei tawh lo. Chuvang chuan Mizo ka nihna hi lawm takin ka pawm a, ka pawm sathliah mai a ni lo, ka chhuang in, ka chapo pui em em zawk a ni. American hoin American an nih an inchhuan tluk zet a nasa in Mizo ka ni hi ka inchhuang a, ka zahpui ngai hek lo. 

Mahse….

Kum zabi 20-na chhunga MAL in Mizo pa lar bera an thlan (ka tihdik loh chuan min lo ngaidam ula) Rev Liangkhaia lehkhabu ziah “Mizo Chanchin” kha in chhiar chuan Mizo hnam hrang hrang leh Mizo hnahthlak hnam hrang hrang zingah Khiangte hnam hi a lo telh ve hauh lo mai a. “Hnamdang” tih hnuaiah Khiangte chu a dah a ni. Ka chhiar tirh chuan ka thin a rim hle mai a, khati tak khan ka lo chapo pui ve thin a, fa tak pawh ni lovin, a lem mai maw kan lo nih? Tih emah chuan Mizo pasaltha Taitesena pawh Khiangte hnam asin a nih le! Khatih hun lai khan rawlthar mai chauh ka la ni a, khawi hmunah pawh awmin, Europe a ni emaw, America a ni emaw, Africa ram pilril ah emaw pawh awm mah ila, Mizo hnam phatsan ngai lo tura enkawl seilen ka nih avangin ka la na hle mai. Mahse, a ziaktu pa ber Pu Liangkhaia pawh Khiangte ve tho a ni tihte ka hriat belh leh hnuhnawh a.

Midang thuziah te pawh ka chhiar belh zel a, a then chuan Khiangte chu Pawih/Lai hnam peng pakhat a ni an ti a. Hmar ho lah in “Khiangte chu Hmar hnam peng alawm” an lo ti ve bawk a. HPC ho hran tak tak laia an commander pakhat pawh kha Khiangte a lo ni ve awm e. Shillong-ah College kal tura ka chhukthlak hlim pawh in Hmar Students’ Association (HSA) hruatute’n an member a inziak lut turin min rawn sawm ve nghe nghe a ni. Hmanni lawka Mizo History a research ti mek, kan thianpa pakhat in min hrilh dan chuan Myanmar-ah phei chuan Khiangte chu ‘tribe’ anga recognize an ni a, tawng hrang neiin, khaw bik te pawh an nei a ni a tih leh zel a. Thu a sai sa ta nuaih mai.

Kei aia Mizo an lo awm chuang lo…

Khiangte chu eng hnam peng pawh ni in, tawng hrangte pawh lo nei mah ila, a pawi lo. Unau, hnam hrang hrang min khaikhawm tu Mizo a awm a, chuta lungawi taka ka beh mai chuan kei aia Mizo hi an lo awm chuang lo. A inti nei tu tu, anihna leh awmzia a chiang apiangte hi Mizo dik tak chu kan lo ni mai. Mizo an ni tih inhre miah lo hnam peng eng emaw zah pawh an la awm ngei ang. Chungte pawh chu Mizo dik tak an ni tho. Mizo tih chuan zohnahthlak hnam peng hrang hrang, tawng hrang hrang nei te pawh a huam vek a, kan leng vek a ni tih hrechiang apiang te hi Mizo ah hian kan lungawi zual zel mai dawn niin a lang. 

Tawng hi…

Pi leh pute atanga kan lo hman ngheh tawh, kan hmuhtheih Pathian, nu leh pate nen a kan inbiak pawhna, kan tawng thiam hmasak ber, kan lungngaih lai ber leh kan hlim lai bera kan au chhuah pui thin ‘kan tawng’ hi a lo hlu em em mai a. He mi chungchang ah hian a tu a te pawh hian rilru zau tak kan put thiam a ngai a ni. Mizo tih a lungawi lo tam tak paw’n hei hi kan chhuanlam ber a niin ka hria a. Zohnahthlak hnam peng hrang hrang te hi Mizo vek kan ni a, chuvang chuan kan hnam peng tawngte theuh hi Mizo tawng chu a ni ngei mai.

Mahse, chung hnam peng hrang hrangte min thui khawm tu tur leh kan zavai atana hman nuam tak tur tawng pakhat “Mizo tawng” Pathianin min pe hi a lawmawm ka ti. Hetah hian Mizo hnam peng hrang hrangte pawh kan lungawi thiam a tha hle in ka hria. Ka thianpa, MA (Mizo), chhiar zau tak leh upa kawm hnem tak pakhatin min hrilh dan chuan tuna kan tawng hman hi Duhlian tawng pangngai kha a ni tawh lo a, Duhlian tawng chu thluk deuh duai duai chi a ni, Ralte tawng nen a inchawhpawlh nasa khawp mai a, hnam peng hrang hrang tawng a tel zauh zauh bawk a ti a. Anih duh hmel viau in ka hria a ni.

 Khiangte tawng ka thiam loh avangin Khiangte ka nihna kha a dal phah lova, ka hming bul tan nan kei phei chuan ka hmang nghe nghe. Chutih laiin, heng tawng hrang hrangte hi Mizo hnam ti hausa tu a ni tih hria in a ral mai loh nan humhalh thung ila. Mizo kan nihna min tih dal saktu atan emaw kan in unauna tibo tu atan emaw kan hmang anih erawh chuan thil tha a ni lovang.

Ka pa lama ka pi hi Pawih a ni a, ka nu lama ka pi hi Ralte a ni thung a, ka nu te hi Hmar an ni a, kan makpa hi Ralte Kawlni a ni in, keini Khiangte kan ni a. Ka thian tha em em, unau ang mai a ka en, kan chhungkaw member ang hial a kan in a tal thin te chu Rokhum, Chawngthu, Chhakchhuak, Hmar leh Renthlei hnam te an ni a. Kan thenawm hnai ah Paite leh Mara an la awm zui. Hei lo liama Zoram khawvel insuihkhawmna ropui, Zoram Global Network ka vuah thin. Chaw kan han ei khawm a, Mizo hnam hrang hrang leh tawng hrang nei thiau in Mizo tawng a Pathian kan han be tlang thei leh ingngeih tak maia kan titi ho thei hi a hlut zia ka man thiam tulh tulh ta mai.

Mizo intiduh lo te ve thung hi…

Mizo inti duh lo hnam peng hrang hrang an tam ta hle mai, Manipur ah phei chuan heng hnam peng thenkhat te hi “Mizo i ni” tih chuan kut tawrh phah na hial a thleng thin a ni tih Manipur a seilian Mizo ngeiin min hrilh a ni. Mizo an inti duh lo anih paw’n Mizo chu an ni reng tho. Mahse, kan duhthlanna hi a pawimawh em em a, Pathian pawh in kan duhthlanna hi a dah sang in, mi a nawr lui ngai loh a nih hi. Keini pawh in midangte duhthlanna hi chu kan zahsak ve turah ka ngai a, Mizo nih an duh lo anih chuan Mizo in ni kan tih luih reng a tulin ka hre lo. Kei chuan Mizo nih ka thlang a, Mizo ka ni mai. Lusei pawh ni rawh se, Mizo nih a duh loh chuan Mizo a ni lo. Tunlai khawvelah chuan hetiang hian ngaihdan fum fe tak kan kalpui hi a tul in ka hria a ni. 

Tanpui an ngaih laia inti Mizo…

Harsatna an tawk a, kan tanpui an mamawh laia inti Mizo, hna an duh avang leh Mizoram quota hmanga zirna in tha a an luh duh avanga Mizo nia inchhal, mahse hmundangah leh kan tanpui an mamawh loh lai a Mizo inti duh leh si lo te hi Mizo ah hian i chhiar lo ngam ang u. Hetiang mi hi mi tam tak ka hmu ta. Zirlai chu sawi lo, University a thawk leh hnasang thawk zingah hian hetiang a ‘bak’ rilru pu hi an tam khawp mai. Dinhmun chhe bera a din lai pawh a Mizo chu hlimna vawr tawp a tawn lai pawh in a Mizo tho tur a ni.  Tin, thenkhat chuan North East leh India ram hmun dangah ralthuam leh ruihhlo an zuar a, hmun danga Mizo inti duh lo kha man chhuah an nih a, Police kuta an awm in Mizo an inti leh a. Hetiang anih avang hian India ram khawpui hmun thenkhatah phei chuan Mizo te tan inluah tur pawh hmuh a harsat phah ta fo mai a nih hi. Tin, mi thenkhat Mizoram sum leh pai hmanga in lak vur duh avanga inti Mizo, thinlung taka Mizo leh miah si lo pawh an tam hle a ni.

Hetiang hi anih avangin kan cultural identity leh political identity hi kan thliar thiam a tul ta mai em ni aw tiin a ngaihtuah theih. Zohnahthlak te hi unau vek chu kan ni ngei mai, mahse political boundary in min daidang a, kan rilru puthmang leh khawsak dan te pawh a dang chho zel a ni.  Chuvang chuan, unau kan ni tih ah hian lungawi ila, political boundary pel a inpumkhat tum erawh hi chuan rah tha a chhuah lo in, Mizoram chhunga a chengte tan hian thil pawi tak a thlen phah thei zawk mai lo maw? 

Engpawh ni se…

Chhimbal hian rawng pakhat chauh nei ta se mawina a nei tlem viau in ka ring. Rawng chi hrang hrang hmun khata awm khawm chuan a mawina hi a ti zual a ni. Zohnahthlak hnam hrang hrangte hi min khaikhawm tu “Mizo” ah hian lungawi tlang ila, chutah chuan mawi takin kan par chhuak thei ang tih ka ring a ni. Kan harsatna theuh inhriatthiam sak ila, hmangaihna leh thatna, in unauna leh chhungril taka inzawmna te chuan ro rel zawk rawh se. Keini hnam tlem te, Zohnahthlak te, he khawvel hriata kan inpho chhuah theihna awmchhun “Mizo” tih ah hian lungawi thiam i zir ang u.

Favang tlai nitla tur dul ruih mai hnuaiah chuan chu ka la kal ngailohna khua chu fang turin ka han lengchhuak a. Tlai nitla turin tlang a chhun pawt ruih mawi em em mai chuan chu khua chu a timawi zual em em a. Ka suangtuahna chu a kan kawm a, nitla tur mawi tak mai ka han thlir vang vanga..hetih laitak hian aniang ‘TLAITLA ENGMAWI’ tih hla pawh kha an lo phuah ang ti tein ka han ngaituaha, nitla mai tur chuan ka lung a ti leng em em a. Nunhlui ngaiin ka kiu vawng vawng hial a ni.

Chu nitla tur ngaihtuah chung chuan ka kal zel a. Thilmak ka hmu ta! Lasi note ang maia hmeltha, a hmaifang lah chu sawiseltur awm lo khawpa dik hi a ni a. An dawrah chuan thil kan leia, ka han kawm vel a. Sawiseltur pakhat erawh ka hria a nuihzawnga a biangsum lang kelh ngaihno bei takin rilru a hneh em em nghal mai kha a huatthlala em em kha ka sawisel a ni. Kha nula awh tleitiri kha..

Kawlvalenchham ram maw i tuanna? Aw tuan ve theih ka nuam ngei e,

Chutin i sakhmelmawi leh anka nen tawn ka nuam ngei e,

Hriat ngailoh ramnuama tleitiri zawng ni mah la aw lungrun

Suihlung zawng i len ngei e engtin hian lo ngai che maw?

Suihlung ti leng thlawn mai turan zawng aw ka phal lo che

Dar ang tawn ve ni te zawng aw a her mahna

Khua pawh chu a thim zuia, ka haw ve taa. A tukah hmuhleh ka tum tehlul nen hmanhmawh takin zanah kan khaw lamah kan haw ta si. Kha lasi note-i mawlh mai kha! Kawngtluanin ka mitthlaah a cham a. A hmel hmuhleh ka va han chak em.

A tukah chuan kan khua kan thlenga, zankhuaa ka mut loh avangin ka muhil nghal bawrh bawrha. Ka mumangah chuan lasi note-i bawk chu ka hmu leha, ka va vei tak em? Amah khan min hre ve zel angem aw?

Tunah chuan amah kawmtur khan kan inhlat tawh si. A laitual lenna hmun chu kan khua atang chuan a hla hle mai si a. Ka hman alawm tih vanga len ngawtna chi a ni si lo. Ka ngaihtuahna vak vel chuan chu lasi note-i te dawr chu min hruai thleng thuaia hlim takin kan inkawm a, fiamthu thawhin kan nui dun ar ar enge maw ri reng ka hriaa, kan ngaihthlak chian chuan ka bulah chaw ei tura min lo ko turin ka nau a lo ding reng a. Ka ngaihtuahna ka phu zawka, ka ngaihtuahna mai mai a ni tih ka hre ta. Aw lasi note-i kha engtinnge a awm zel.

Khawvela ka thilduh min zawt ta se kha lasi note-i te khuaa chen ve kha ka thlang ngei ang. An khuaah chengin awm ve ila chuan a hmel mawitak leh a aw ngaihnobei huatthlala hial khawpa mawi kha ka hre thei dawn si a. Lung ti leng mai tur atan chuan a va uihawm em! Ka hmuh leh theihnan khi ni khian ka tana ni duhthusam a rawn her chhuahpui leh angem le?

Hriatngailoh chhinkhual ram hla a tleitir,mitthlaan aw i cham reng mai;

Kan vangkhua an lo lawi in lengdun zawng ka nuam ngei e,

Chutin kan vangkhua lo mawi in zo thlifim han dawng ve in

Mahse ka ring thei mawlh lo tuanna tlang a sei em mai

Ka dem lo che aw mengmawí tawn i rem loh pawn

Mahse aw ka dawn reng hi i ti sei dawn ngei e

Khuareiin min hnem mahna tiin ka han inhnema. A teuh lo mai. A rei tulh tulha,a hmel ka hrechiang telh telha, ka hmu leh chak em em ringawt mai a ni. Lasi note, hetiang em em a min tihhrehawm le? te ka han ti leh ringawt thin. Mahse, engmah a sawt chuang si lo. Keizawng hriat ngailoh tleitir zuna uaiin ka ka nun ka hmangral dawn ni awm e.

Ka ngaihtuah nasa telh telha, ka vei tulh tulh a, bei erawh a dawng em em mai si. Kan tuallenna hmun lah chu a inhlat satliah a ni lo, a karah khaw tam tak kaltlang a ngaia, chung khuate pawh chuan hmeltha an tih thu an sawi nasa em em mai si. Kei chang ni lo, valdang pawh a zûnah an uai tih a chiang bawk si.

Khawvel hi danglam thutin an khua kha kan khuaah rawn pem vek se. Kan thenawm chiahah rawn awm se te ka ti thin. Mahse chutiang thilmak chu khawvelah a la thleng lo tih ka hre chiang em em bawk si. Lasi note, nangmah vang hian ka va buai em?

Kan khuaah lo pem se, ka thlifim dawn thin ngei han dawng ve se. A hmel ka hmuh chak em em leh a aw ka hriat leh chak em em kha ka hre leh thei anga. Vawkchaw belso vil ang vut vutin ka vil ngei ang. Kan khaw tlangvalte chuan a hmelthat zia an sawi huai huai anga, ka hmuh tawh avang khan min nel anga, kha ringawt pawh kha inchhuanna tham a tling ngei dawn si a.

Chu ka ngaituahna pawh chu a hlawhtlin ka ring si lo. Lasi note, engtin pawn awm mahla keiin sawitheih ka nei lo.. kan intawn theihlohna turin khawvel hian ro a lo rel tawh bawk si. Mahse, ka ngaihtuahna lamah chuan ka taksa erawh chuan a tuar khawp mai.

Lasi note, i vangkhua lamtluang chhuiin ka lo kir leh hunah hlim takin kan inkawm leh anga, nangmah vanga hrehawm ka tawrhte hi hmaichhanah ka hrilh an

Inspired by Television ?

National Geographic ? channel ka en a America rama electric hrui chhia an zawm lai a rawn tilang a, ka rilru ah chuan khang electric hrui chhe zawmtu te kha PA ka tita riau mai a a chhan chu engdang vang nilovin in tamtak, kawtthler leh Factory lian pui pui ten hna an thawh theih nana a pawimawhber kawlphetha a awm theih nana an NUN THAP a a chhelai siamthatu an nih vang a nita ber awm e. Tihsual palh vaih chuan awh khaih! tih ruala a chatthla ta tihna tur hmunah ei an zawng a ni.

Ka ngaihtuahzui ta zel a

Reader Digest te, Lengzema chanchinbu a mizotawnga lehlin thawnthu (tak tak) te kan han chhiar a a ziaktu tamtakte hi ram changkang lo a mite chuan ziakve tlaklo a kan ngaihte an ni a. Mahse ram kan sawinin theih loh sapram a mite chuan kan (ram changkanglo) ngaihdan ang hian an ngaive lemlo a ni ang hmun sangtak an tan an dah sak a ni. Truck Driver mai mai (mai mai =changkang heklo) thuziak pawh Best selling Magazine-ah an chhuah sak duh a helamah saptawng atanga lehlin a nih a vangin an chhungkua chanchin an rawn thaikawite chu bianga mittui far chungin kan lo chhiar ta a ni.

Inthlahchhawnna thil a ni em ?

‘Babu’ kan ti a kan ngaisang em em a a chhan ni awmbera lang chu office nuam takah chair virtheia thu chungin pen hmanga ei an zawn vang a ni maithei. He ngaihtuahna hi kan pi leh pute hun lai atanga lo awm tawh a ni awm e. Lehkha i zirloh chuan hna i thawk ang tiin an fate min zirtir a, hnathawh (Kuthnathawh) chu inhremna ang hialin tun thlengin kan lo ngaita a, hei hian a hrin diklo tak chu kan rilruah sawrkar hna thawh chauh hi hnathawk emaw kan ti a hnadang reng reng kan hmuhsit phah a ni. He ngaihdan thalo tak hi kan bulvela chengve Vai kan tihho zia atanga kan lak a ni maithei, anni chuan hnam inthliarna an kal pui a chu chu hnam hnuaihnung (Kut hnathawktu te) hmuhsitna inthliarna a ni.

Sapram leh kan ram

Sap ho hi kan han ngaisang khawp a tawp deuh pir per pawh nise thlang sappui kan ti a kan en chung lah mai a, an rama kal chu sawiloh anni ho nena thla kan lak ho ringawt pawh kan album phek hmasa berah kan paste a ( zepthu chenglo kei pawhin ka ngaihsan piah lamah London velah han kal ila Fly Emirates stadium a Arsenal-in Manchester United 3-0 vela an sawp lai en phei chu ka chak leh zual). Achhan ni bera ka rin chu an changkan bik vang a ni awm e.

An changkan na chhan chu mitinin an theih tawk theuh zak miahlo in an thawk a, an thawh phu theuh hlawh an hmuh vang a ni.  Mahse kan ramah chuan chung hnahnuaihnung nia kan hriatte chu thawh enah kan en lova, a thing kan ti a kan nulaten chutiang hna thawk chu pasalah an duh lova, chu chuan kuthnathawh hmanga eizawn chu changkanlohna niah min ngaihtir tlat a ni. Heihi a pawi hle kan ngaihsan sapramah chuan a nive si lo.

Anni chuan hna zawng zawng hi in ang vekin an ngai a niang eng hna mah an thawk hreh lo. Hna hniam leh hnasang awm lovin eng hna pawh hi an dah pawimawh vek a thawh hreh an nei lo. Chu chuan inpumkhatna leh mi zawng zawng hlutna a siam a, sawrkar ngaihah chuan an rama cheng zawng zawng (citizenship) ho chu an pawimawh vek a ni. Mahse kan ramah chuan mipui tamtak chuan election dawn chauhin pawimawhna kan nei a ni (politician thenkhat ngaihah chuan).

He thu ka ziah chhan

Truck driver thuziah Reader Digest-in an chhuah duhna chhan chu a hnathawh kha enhniamna an neilo tihna a ni maithei a ni. India ramah (Mizoram ah pawh) chuan a tlangpuiin hmingtawpa degree nei tlar tuar ho thuziak hi kan chhiar nasa bik a hna hnuaihnung (nia kan ngaih) thawkte hian hmun an chang meuhlo. Hei hian a entir chu kuthnathawktute pawimawhna kanla hrelo tihna a ni.

Zan khat pawh current tel lova awm theilote hian chunga thawkte chu kan ngaisang duh tlat lova, mechanic hote hi awm ta lo se kan motor neihve te hi a tlanthei awm silo va. Puanthui thiam te hi awmlo se eng thawmhnaw tak ha ang i maw. Lo neia eizawngte hi an va pawimawh em! an tello chuan enge kan ei ang ? Thuilo te pawh ke a i kal peihloh chuan driver hna hi hmuhsit ngawt chi a nilo maithei. Kea i kal peih loh na leh i kal thlen theih lohna zawng zawng a hruaitu che a nih kha.

Khawvelah hian eikhawp hmu tur te, Pathianin mihringte changkan theihna adah hmuchhuaktur chuan enghna pawh hi a pawimawh vek a, office-a computer hmaa thuthinte an pawimawh tlukin hnadang thawktute pawh an pawimawh tho a ni. An pawimawhna leh an hnathawh a dang e tih chauh a ni.

Chumi hunah chuan

Hengte hi kan practice hunah chuan kan ram chuan changkanna lam a hawive tawh ngei ang le kan ngaihsan thlang sappui ho iang in. Kan thalaiten hnathawh hreh an nei tawh lovang a kan nula te pawn kan tlangvalte hnathawh chu tawiawmin vawkvulha eizawng chu pasala neih an hreh tawh lovang. BSc. (agri) te pawhin dawhkan atangin hna an thawk ringawt tawh lovanga a hmun ngeia kalin loneitute an pui tawh ang. Chumi hunah chuan kiltin (every field) atangin kan thawhchhuah te chu kan seng tawh ang a chung infinkhawm chuan changkanna min thlen dawn a ni.

Kan hnathawh theuhte kan in hlutsak hunah chuan enghna pawh thawh hreh kan nei tawh lovang a, All Mizoram Graduate Unemployed Association pawh ‘Hnathawh Hreh neilo Pawl’ in kan thlak tawh ngei ang le. He thu hi suangtuahna a tak thlengtheilo tur Never never Land a nilova kan banphak mai a awm a ni i duh leh duh lovah a innghat e.

via email

Karnataka khawpui Mysore St. Philomena’s College ah 1st PUC zirlai Tv. N. Ezekiela s/o Pu N. Salei, Mawhre, Saiha district, Mizoram chu nimin Thawhlehni (Aug.31) zing atangin a awmna chin hriatlohvin a bo a, zawn mek zel a ni.

A thiante sawi dan in Tv. Ezekiela (kum 19, san zawng 5′5) hi a St. Philomena’s College Hostel, (Bannimantap, Mysore) atangin zing 8:30 a.m. velah a college kalna bag (rucksack/backpack) kengin hostel a chhuak lai hmuh a ni a, mahse class ah a thian ten an hmuh si lova, hostel ah a awm bawk si lova, thian an in pun a, an zawng kual a, mahse an hmuh tak loh avangin FIR pawh atuk September 1 ah thehlut a ni bawk.

Tv. Ezekiela hi a hriatena an sawih danin a naupan deu lai in a tlu thut thin a, tun hnuah erawh chutiang chu a awm tawh lo anga ngaih a ni lai in khawilai ah a tlu palh te pawh a ni thei tho, tih in a thiante chuan an sawi bawk.  Ani hi hmuh te in awm chuan khawngaihin a local guardian Z.C. Chozah (Bangalore) Phone +91-903-577-8875 hnenah in lo contact dawn a ni a.

Mipa pual kan siam ve loh chuan  hmeichhe ho an vui palh ange. Chhunzawm nan aw…..

Mipa nupui nei mek leh neih tum te tan:

1. I nupui  thinlungah englai pawhin “number one” i ni:  Pathian dawtah chuan atan i pawimawh ber a,a engkim a engkim i ni.

2. I thinlungah pawh “number one” nih ve a duh: In inkar ah tumah tlak zeh a phal lo.

3. Midang nena tehkhin a duh lo:I  thil sawi duh chu hrilhtlang mai rawh. Midang nen tehkhin te a duh lo. Chu nu chuan chutiang khatiang chu a siam thin….chu tichuan an inchei tih ang vela compare a duh lo.

4. In zenpawlh lohva khawsak nuam a ti: Hei hi i hnen atanga intihhran a duh tihna lam a ni lo. Nangma thlazar hnuaiah mahni inenkawl a duh zawk a ni.

5. Mahni tihdan ve phung neih nuam a ti: Apple kha chemte a zaiphel kher lova, seh phel nuam ti mi anih chuan sawisel kher suh. A duhdan leh tih ve dan kha ngai thei rawh.

6. Sex kha a nunah thil pawimawh ber a ni lo: Khum chunga  rawn bawh nghal rawk rawk turin beisei reng reng suh. Mipa tam takin “ Enga tinge ka nupui hi Thingtum ang mai a awm aw” tiin an ngaihtuah fo thin. Sex nuam taka hmang tur chuan hunrei  a mamawh. I taksa sek tengtung aiin I tawngkam leh duat aw te khan a chakna an chawktho  zawk thin tih hria ang che.  Mipa chuan hmeichhe saruak ahmuhin a chakna a tho nghal a, hmeichhia chu an ni ve kherlo.

7. Hna a thawk nasa em em tih i hriatsak a duh: Chhungkaw tam takah hmeichhia hnathawh nasat lutuk a vanga kawngruh na an neih laiin, chet loh luat vangin pa ber kawng alo kham ve thung a. Englai pawhin a hah em em thinin a chau thin em em a ni tih kha hmuh hmaih suh.

8. Rilru phur leh ngui hma ani: Mipa chu ”emotional thinker” an ni a, hmeichhia chu”emotional feeler” an ni an ti thin. Mipa chu  thinlungin  an tap thin a, hmeichhia chu an mit in an tap thin.  A phur lai chuan decision siam mai a awlsam hle a. I hriatsak a ngai. A rilru nat avanga atah in muthilhsan mai suh…in hnial laiin kal bosan daih suh. A thirim em em lai pawhin hrilhfiah la, ngaihdam dil la, a thinur mittui pawh hul hman lovin alo pawm leh thei ang che.

9. I hmangaih a ni tihhriat nawn fo a duh: Nupui tha tak i tan a nihte, a taksa te chu mawi ila ti reng em tihte hriat  fo a duh. A hriat fo loh chuan hlauhthawnna leh mahni insitna a nei thuai thin. Hetiang ngaihtuahna  tam tak hian a nun ril a tihbuai fo avangin i hmangaiha i tan a hluin a mawi em em a ni tih hrilh fo rawh.

10. Thil hriat ve a duh:  I thinlunga i pai te chu I sawichhuah loh chuan engtingnge a hriat ang? I thil hriat te chu zirtir ve rawh. Hmeichhia hi a tlangpuiin mipa aiin general Knowledge  an hniam zawk a. TV in enten dun ten hrilh fiah thin rawh. Officer meuh pawh ni se, Form fill-up tur leh signature pek ngaihna chiah pasal ten kut zungtanga kawk va a,a sign-na tur kawhhmuh  ngai an la tam asin. I nupui kha mawl bik ah ngai suh.

He post hi chhungkaw pangngai tak, mi aia sang chungchuang lo leh berh lutuk lo, tunlai mi mahse mi tamtak  hriats, la hre  velo te tanpui nan a ziak a ni. A bak khi han chhunzawm teh u.

Evening Post : Sep. 31 zing dar 8 vel khan Kepran khaw mi Remvela (52) chu an khua atanga km 1 vela hlaah a ram kal tur savawm no hruai laiin a seh a, a hnar a sehchhiat bakah a taksa dangah hliam a tuar bawk. Thudawn danin Remvela leh a nupui ramkal tur hian kawnga savawm no pahnih awm an hmu a, an kalsan mai loh avangin kawngsira hnawhkian an tum laiin kawngchhak atang lo chhuak a pui hian Remvela hi kawng thlang lamah a bawhthla a, a hmai seh sakin a hnar a hik a, a nak dinglamah sehna hnuhma ni awm tak hliam a tuar bawk.

Hetianga a beih chhung hi a reilo a, a nupui au thawmah hian a insaseng leh ta mai niin sawi a ni. An hnunga ram kal tur ten Remvela hi bawihsawm nghalin Kepran Sub Centre a hruai a nih hnuah Aizawl Civil Hospital panpui a ni a, a hnar hi doctor ten an thui tha leh thei niin thudawn a ni.

Kepran ram velah hian sa chi hrang hrang a awm fo mahse savawm tak hi chu a hnuhma niawma ngaih bak a tak hmuh ala ni ngailo tih Kepran YMA hruaitu pakhat chuan a sawi a, Sanghal erawh an tam hle nia sawiin, lo-a thlai te pawh an tichhe nasa a, tunhnai khan tuna savawm seh tak Remvela thenawmpa chu nghal changin a hliam nghe nghe tih a sawi bawk.

A theih chhung chu sanghal leh ramsa dang hi kah loa an lo pawh hi ven an tum a ni, a ti

Aug. ni 30 zan dar 7 vel khan Serchhip Dinthar Vengsang a mi Pu Vanlalnghaka(41) chu Tuikum lui kamah Rulngan ni ngeia hriatin a chukhlum. Pu Vanlalnghaka hi zan len den tumin tlai khawthim hma deuhvah a thawkchhuak a, ruahsur in Tuikum lui a tihlen nasat deuh avangin haw mai tumin a insingsa a, Tuikum lui kama Pu Zosiama leilet enkawltu Paliana(Pawih) riahna thlamah chanchinthar reilote an ngaithla dun a, chumi hnu ah a riahna thlam – Dawngzawl rama Pu T.Rosiama thlam pan turin a chhuak a, thui pawh a kal hma in Rulngan chuan a ke dinglam kawn sir deuhvah chukin a na ti lutuk chu a te chiam a, Paliana chu a thawm hria in a tlanchhuak a, a bawihsawm nghal a, a thim em avangin Pu Vanlalnghaka chuktu Rul pawh chu a hmu hman ta lo a ni.

http://lamkaldaily.blogspot.com/2010/08/rulngan-in-pu-vanlalnghaka-chukhlum.html