Last Kiss

Kei chu he hla Last Kiss thiam tak mai a Pearl Jam in an sak hi a mawi mai a ni lo a hla thu hian belh chian a dawl ka ti khawp mai. Hetiang hla hi mizo ah chuan "Thapui Nangnen" tih chiah hi kan nei in ka hria (ka hriat sual loh chuan).
A hmangaih ber nen chuan ka pa car tha vak lo nen chuan kan leng chhuak dun a, kan hlim khop mai. Kan duhthu te pawh kan sam kual dun nasa bawk a, ka hun tawna nuam ka tih ber a la ni ngei ang.
Mahse ka Pa Car tawng tawh tak chuan chutia kan hlim a kan nuih dun reng chu a phallo ni awm tak chuan ka Car khalh lai chu a break a fail ta a. Kan pahniha nunna chu hlauhthawn awm in a awm tih ka hria a, car chu ka theihna zawng zawng sawm khawm in ka khalh a. Mahse kawng sir ding lam panga ka herh kawi zawk chuan ka dam chhunga thil ri ka theihnghilh ngai leh tawh lo tur chu ka bengah a hnut chhiah ta si!!! Motor ke ri nasa ltk te, car darthlalang keh ri chhuai chhuai mai te leh na tuar chiau vawng vawng te chu.
Nikhaw hre lova rei deuh tak ka awm hnu chuan ka han harh chhuak leh a, engtizia kher nge ni dawn ruah lah chu a sur cherh cherh bawk a. Min pui tur mipui te pawh an lo thleng nual tawh a. Ka lu a tang chuan thisen lum chu ka mit kal tlang chuan a luang thla nguai nguai a. Ka hmangaihi chu thei leh thei lo chuan ka va dap fuh a. Ka hmangaihi chuan, "duhlai min han pawm kang teh, a na ka ti em mai" tih chu thei leh thei lo chuan a rawn sawi a. Ka hmangaihi chu ka malchungah a lu ka nghat, a tawpna a tan a hmui thisen kai luai chu ka zuk fawp a. Ka hmangaih chu ka chan zui ta.
Ka hmangaih chuan min kalsan mahse ka ring phal lo. Mahse a tak a ni si. Ti hian ka rilru ka siam a, ka hmangaihi chu vanram ah hlim tak min ngai chung zelin a kal a, kei ve hi ka that loh chuan ka hmu thei tawh dawn si lo. Ka hmangaihi hmu leh tur chuan ka pianthar a ngai a ni. Chuti chuan ka hmangaihi nen chuan vanramah kan in tawng leh ngei ang..