Monday, 11th December, 2017

PRISM in ‘International Anti Corruption Day’ an hmang


“Corruption hi hma kan sawn theihlo chhan ber a ni” - President PRISM


PRISM Party chuan Inrinni khan Aizawl-a PRISM Conference Hall-ah ‘International Anti Corruption Day’ an hmang a, he hunah hian PRISM President, Vanlalruata chuan Corruption chu kan ramin hma a sawn theih loh chhan lian ber pakhat a nih thu a sawi.
PRISM buatsaiha International Anti Corruption Day puala inkhawm-ah hian PRISM President, Vanlalruata chuan Mizoram-ah ram hmasawnna hnathawh a chhiat em em a, a muan em em nachhan chu eirukna vang a ni tih sawiin, eirukna tibo tur hian PRISM chuan nasa taka hma an lo lak tawn \hin thu a sawi a. “PRISM Party kan sorkar hunah chuan Lokayukta, ha hriam tak nei kan nei ang a; ACB te, PWD Quality Control Division te leh Legal Metrology te tilianin kan thuamchak ang a; CBI te General consent pein kan ruai ang. Tuna ‘dehloh Sakei huai’ ang maia leng eiruk hmang Officer lian pui pui te, politician lawk tak tak te hi lung In-ah an tang dawn a, Chief Minister hlui an ni emaw, ni lo emaw, zuah an ni lovang,” a ti a. Khawvel ram dangah chuan an ram hruaitu lu ber hova International Anti Corruption Day hi urhsun taka hman \hin a nih thu sawiin, “Khawvel huap ni pawimawh dang ngaipawimawh em em \hin sawrkar hian eiruk dona ni erawh a ngaipawimawh lo hle a. Hei hi eng nge a chhan ka hre lo. Keini hian kumdangah pawh kan hman hram hram \hin avangin United Nation chuan, International Anti Corruption Day hmang thei ramah min ngaihphah \hin a ni,” a ti bawk. He huna PRISM General Secretary, Lalrinzual Chawngthu report a\anga a lan danin, PRISM dintirh 2006 a\anga he hun an hman thleng hian Social Audit \um 59, Monitoring & Evaluation \um 127, Suggestions pek 61, Complaints siam 51, FIRs thehluh 68, PILs thehluh 16 leh Booklet tihchhuah 24 an nei tawh a, heng a\ang hian mi 300 chu eiru ngeiah sawrkarin ngaiin, lung In tang 1; Ban 4 leh Suspend16 an awm tawh a, Dik lo-a compensation hmuh tum hmu lo mi 380, Chanai eiruksak peklet 107, Dik lo-a hnathawk tur lak ban 57, Dik loa pawisa kawl man cheng vbc. 500 aia tam leh public money kalral tur hum-him cheng vbc. 1950 vel a awm tawh bawk a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:19

Congress sawrkar in retheihna ah Zoram a hnuklut - K. Sang\huama, MLA

MNF MLA, K. Sang\huama chuan Congress party-in sawrkar na siamin, kum 25 chhung zet chu Zoram siam\hatna hun an neih thu leh siam\hat a hnehin retheihna ah a hnuklut niin a sawi. Mizo National Youth Front (MNYF) Headquarters in Inrinni kaltaa Sikulpuikawn, Melriat, Aibawk leh Sialsuk-a 'Sikpui Fehchhuah' campaign an buatsaih a hman-puina ah Sikulpuikawn-a hun an hmanna he thu hi sawiin K. Sang\huama chuan Vawiin-a kan rama harsatna tam tak lo awm chu rorelna dik lovin a hrin a ni tih sawiin, "MNF kan sawrkar chuan SEDP hmangin he retheihna khur ata mipuite chhanchhuah kan tum a ni," a ti a. MNF an sawrkar laiin Serlui B-ah megawatt 12 Hydel Project an siam thu leh chu chu hmang reng tho siin sawrkar chuan hawn pawh an hawng duhlo tih a sawi a. "Tuirial Hydel Project megawatt 60 kan tichhuak dawn an ti a, chutah chuan Mizoramin kan chan tur chu 12% a ni a, chu chu 7.5 mw vel chauh a ni a, chu chu to takin cheng 8.44 zelin kan lei dawn a ni a, sa\ahchhuak pek ang chauh a ni," a ti bawk.
MNYF ten Melriat-a hun hmannaah HC. Lalmalsawma Zasai, Mara Autonomous District Council-a MNF MDC ni lai chuan Pastor Chhawna'n ‘Chhim lam hi Mizoram kawtchhuah a ni dawn a ni’ a tih chu a thleng dik mek tih sawiin, chumi tur chuan chhim lam mipuite pawh an insingsa mek tih a sawi a. Mipuite leh sawrkar hnathawkte pawhin MNF sawrkar tur hi an sawi luai luai tawh nia sawiin, "Kan sawrkar hrawn mek hi sawrkar tlak an ni tawh lo a ni tih hi mite sawi dan a ni a, chhim lam hnaih zual Palak a\anga Lawngtlai thlengin MNF chuan kan rawn la dawn a ni," a ti bawk. Aibawk-a 'Sikpui Fehchhuah' campaign an buatsaih ah MNYF President, Er. Lalrinawma, MLA chuan MNF chu sawrkar turin an insingsa mek zel tih sawiin, an sawrkar loh chhunga engemaw avanga an party kalsante pawh haw tawh turin a ngen a. "In belh mek sawrkar hi a tlachhe mek a. Central lamah tluin India hmun hrang hrangah a rawn tlu chho zel a, Vawiin-ah Lailapur a rawn thleng tawh a ni," a ti a. "14th Finance Commission-in Panchayati Raj neilo te tana pawisa a dah tak loh avangin State Finance Commission hnenah ruahmanna siam turin a ti a, State Finance Commission-in VC te hnena pawisa an pek a beitham avangin khawtlang enkawltu VC te an khawngaihthlak hle a, MNF kan sawrkar chuan kan SEDP-in a tarlan angin VC te chu thuneihna sang zawk pek an ni dawn a ni," a ti bawk MNF |halaite hian tlai lamah Sialsuk-ah hun an hmang chhun-zawm leh bawk a, an hruaitu mi hrang hrangin thu an sawi a, he hunah hian MNYF Headquarters a\angin mi 70 vel an tel a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:19

MZP in Zofate Chawlhbuk samfai hnatlang an nei

Mizo Zirlai Pawl (MZP) chuan Inrinni kalta khan CADC Area, Borapansury-a Zofate Chawlhbuk samfai hnatlang an nei. Zofate Chawlhbuk samfai hnatlang ah hian MZP General Hqrs. President, L. Ramdinliana Renthlei chuan min thlahtu kan pi leh puten thisen-a an leichhuah ram humhalh zui zel chu \hangtharte mawhphurhna a ni tih sawiin, \hangthar lokal zel tur ten kan pi leh pute lo sah zau sa ram, Chakma in an ta neih mek chu Chakma te ram emaw an la ti mai ang tih MZP in a hlauh avangin Zofate Chawlhbuk hi sak a nih thu a sawi a. "Keimahni ram chhung ngeiah dodalna leh harsatna tam tak paltlang chunga Chawlhbuk kan sa thei hram hi a lawmawm takzet a, hei hian kan ram leh hnam humhalh a \ulzia a tilang chiang hle a ni,"a ti bawk. MZP General Hqrs. President chuan Pathian in Zofate ram min pek Mizoram-ah hnamdang dan lova Mizoram-a lo lut Chakma foreigner te tan hmun a awm lo tih sawiin, "Mizoram chhungah Chakma ten dan lovin khua an din a, dan lovin an inbengbel a, a ram neitu Mizo zirlaite chanvo min lo chuhpui \hin hi Mizo \halai te hian na kan ti a. Tun a\ang chuan kan chanvo min chuhpui hi Mizo \halai te hian kan remti ngai tawh dawn lo a ni," a ti bawk.
MZP ten Zofate Chawlhbuk samfai hnatlang an neih ah hian Aizawl a\angin MZP member \hahnem tak an kal a. Aizawl a\anga kal te hi |hiak Sub-Hqrs, Thenzawl Sub-Hqrs. leh Tlabung Sub-Hqrs. MZP member \hahnem takin an \awiawm bawk a. MZP te hian Dan lova din Chakma khua te tlawhin an enfiah nghal dawn bawk a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:18

Heroin No 4 \hahnem tak man

Serchhip Police te leh Serchhip Sub-Hqrs. YMA Anti-Drug Squad te chuan Inrinni zan khan Chhiahtlang Hmar Veng-ah Heroin No. 4 \ha-hnem tak an man. SADS hruaitute hnen a\anga thu kan dawn danin SADS te hian an thudawn bawhzuiin Serchhip mi Heroin la tura kal te chu Serchhip Police te nen Inrinni zan khan Chhiah-tlang Hmar Veng-ah an lo chang a, heng Heroin la tura kal Lalruatfela, Bazar Hnuai leh Vicky Lalhruaitluanga, Serchhip Venglai nia inchhal te hnen a\ang hian Heroin No. 4 Penicillin bur 17 (Gram 4.5) hi an man a. Heroin leh a neitu nia puh te hi Police te chuan manin thubuai siam sak nghal an ni.
SADS hruaitute sawi danin heng Ruihhlo man te hi Tuirial a\anga lak nia hriat a ni a, an lakna ah hian Rs. 36,000/- man vel niin Serchhip-a an hralh lehna rate ah chuan Rs. 76,000/- chuang man vel tur nia chhut a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:17

New Serchhip Bial K|P ten thisen pe

New Serchhip Pastor Bial K|P te chuan Inrinni khan Serchhip Blood Bank-a dah turin thisen Unit 36 an pe. New Serchhip Pastor Bial Inkhawmpui vawi 25-na kumin January thla a Bukpui Kohhran a neih chuan an thurel zingah Serchhip Blood Bank-a dah turin Bial huapa thisen hi pek nise an ti a, he an thurel bawhzuina atan hian New Serchhip Kohhran Sunday School Hall-ah thisen pekna hun hi buatsaihin he hunah hian mi tlawmngai mi 36 ten thisen an pe a, thisen petu zingah hian hmeichhia 3 telin a bak mi 33 te chu mipa an ni a, Serchhip Blood Bank-a thawk ten heng mi tlawmngai te thisen hi an lak sak a ni. New Serchhip Pastor Bial huamchhung ah hian K|P Branch 5 an awm mek a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:17

DHO chungah lawmthu sawi

Serchhip Florist Association chuan Mizo-ram-a Pangpar huan langsar ber te zing ami, Zopar Huan an tlawh theihna atana ruahmanna siam saktu Serchhip DHO chungah lawmthu an sawi. Serchhip Florist Association hian Inrinni khan Saimawii Sailo In, Serchhip AOC Veng-ah General Assembly neiin he hunah hian Mizoram-a Pangpar chinna hmun langsar, Zopar huan an tlawh chungchang thlirletna neiin he hmun an tlawh theihna tura ruahmanna siam saktu Serchhip Divisional Horticulture Officer, M. Vanlalzami chungah an lawm hle tih an sawi a, Zo Par huan an tlawhna hunah hian an member mi 21 zet kalin Pangpar an chin dan leh Pangpar chi hrang hrang an enkawl dan te an zirchiang a, an thil kalpui dan a\angin hlawk zawka Pangpar kawi a nih theih dan tur te pawh an zir bawk a, he hmun an tlawhna hi hlawhthlak an tih thu an sawi bawk.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:16

Mathematics Competition nei

Mizoram Mathematics Society (MMS) buatsaihin Inrinni khan Mizoram hmun hrang hrang ah Mathematics Competition neih a ni a. Serchhip-ah pawh zirlaite tan Mathematics Competition hi neih a ni. Zirlai naupang ten Mathematics-a hma an sawn theihna tura Mizoram Mathematics Society (MMS) in Zirlai naupangte tana Mathematics Competition an buatsaih hi Ser-chhip-ah chuan Govt. Serchhip College-ah neih niin Serchhip Centre-a Exam tur hian Class-V ah zirlai naupang 75, Class-VIII ah zirlai 65, Class-X ah zirlai 138 leh Class-XII ah zirlai 14, an vaiin zirlai 292 an inziaklut a. Heng a\ang hian Class-V ah zirlai 57, Class-VIII ah zirlai 51, Class-X ah zirlai 91 leh Class-XII ah zirlai 5, an vaiin zirlai 204 ten Competition hi an hmachhawn a, Class tinah hian a ti\ha zual 10 thlanchhuah an ni ang. He exam hi Mizo zirlaiten Mathematics an hlauhna tihbona a nih theih beiseiin kum 2007 atang khan neih \an a ni a. Kum tin zirlaite leh nu leh pa ten hlut telh telhin exam beitu pawh an pung chho zel a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:15

Serchhip Dinthar Branch YMA in ‘Zo Zan’ hmangin YMA Member te infuihtharna an nei

Serchhip Dinthar Branch YMA chuan Zirtawpni zan khan 'Zo Zan' hmangin infuihtharna hun an hmang a, he hun hi Serchhip Sub-Hqrs. YMA President, R. Sanghmingthanga chuan a hmanpui a ni. Chawngbuangi Memorial School Tual-a Dinthar Branch YMA in 'Zo Zan' an hman hi Branch YMA Vice President, Lalhriattira chuan kaihruaiin he hun hmanpuitu Serchhip Sub-Hqrs. YMA President, R. Sanghmingthanga chuan Dinthar Branch YMA chu tunhnaiah Serchhip-a YMA Branch hmasawn ber te zing ami a nih thu sawiin, hei hi member leh hruaitu ten thawhhona \ha tak an neih vang a nih thu a sawi a. Tunhnaiah Serchhip-ah ruihhlo, Heroin No.4 a hluar leh mek thu sawiin, nasa zawka a dona kawngah hmalak a \ul thu a sawi bawk. Serchhip Sub-Hqrs. YMA President chuan YMA Member, Mizo \halaite chuan chhiatni-a kan in\awiawmna hrang hranga kan chanvo te hlen zel tura theihtawp kan chhuah thar zel a \ul thu sawiin, Thlan laih te, khawhar In kal te leh mitthi lumen kawngah te \an lak zel a pawimawh thu a sawi bawk.
He hunah hian Branch YMA President, Thangzama chuan Zo Zan an hman chhan sawiin, Mizo nunphung-ah Mizo kan nihna chu thil hlu a nih thu leh Zo tih chu thil changkang sawina a nih thu a sawi a. Zo Zan an hman chhung, zankhat-a an chet dan ringawt leh an inchei dan chu Zo-na a nih loh thu sawiin, kan thinlung-ah leh kan chet dan nunphung zawng zawngah Zo nihna chu kan chhawmnuna kan chawinun zel a \ul thu a sawi bawk. Serchhip Sub-Hqrs. YMA Secretary, Lalrammawia pawhin he hunah hian Education Campaign neiin Mizo \halaite zingah Central Service-a lut kan tlem tak thu leh tuna Mizoram sawrkar-a Secretary 28 awm mek zingah Direct Recruit-a IAS lut chu mi 2 chiah an awm thu leh Central Service dang mi 7, IAS-a confer mi 9 leh a danga lut mi 8 an awm thu sawiin, hetiang renga kan kal chuan nakin lawkah kan State-a Secretary rual te chu hnamdang an la ni fur thei tih a sawi a, hei vang hian Mizo \halai tam zawk te Central Service-a kan luh theihna tura \an lak a \ul thu a sawi bawk. He hunah hian Dinthar Branch YMA huamchhunga nula leh tlangval tlawmngai thlan-chhuah hnenah Zo Nu leh Zo Pa lawmman hlan a ni a, Zo Pa atan Lalchhuanpuia leh Zo Nu atan Lalrinawmi te thlan an ni a. Serchhip Zaithiam, Laithangpuii chu zai lamah Serchhip ti hming\hatu leh kan Hnam zai chawisangtu a nih avangin chawimawina thuziak an hlan bawk a, he hunah hian zaithiam zai leh lam mawi tak tak en tur a awm bawk a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Mon, 12/11/2017 - 11:15

Friday, 8th December, 2017

Mizoram sawrkar chuan sawrkar hnathawk te hlawh pawh a pe hleitheilo - Dr. R. Lalthangliana

MNF Vice President, Dr. R. Lalthangliana chuan Mizoram sawrkar chuan sawrkar hnathawk te hlawh pawh a pe hleitheilo niin a sawi. MNF Champhai South Block huaihawta Champhai Venglai Community Hall-ah Socio Economic Development Policy (SEDP) training nimin a neih a hmanpuina ah he thu hi sawiin Dr. R. Lalthangliana chuan MNF an sawrkar hmasak khan \halaite tan hna tam tak an siamsak thu leh Police Battalion ringawt pawh 4 an din thu a sawi a, "Vawiin-a kan sawrkar chuan pakhat pawh a din lova. Chutih ahnekin sawrkar hnathawkte hlawh pawh a pe hleithei lo zawk a ni," a ti a. "Congress sawrkar in Champhai hi 1998 khan District-ah a puang a, MNF-in district a nihna ang tur takin kan kalpui a, thil pawimawh tam tak kan dah a ni. Sawrkar office pawimawh zawng zawng kan dah a, Market lian tak CHANEM, kaw 300 deuhthaw awmna kan din a, Circuit House mawi tak sain kan hawng hman lova, Champhai inkalpawhna zawng zawng kan lai a, Tui mamawhna a sang a ni tih hriain Champhai Greater Water Supply Scheme kan siam a, Indo-Myanmar Border Trade Centre kan din a, hmasawnna tam tak kan din a. Hei hi tuna kan sawrkar hian chhunzawm alawi an nei lo a ni," a ti bawk.
Dr. R. Lalthangliana chuan hmasawnna atana inkalpawhna pawimawhzia an hriat thu leh Vawiin-a thingtlang inkalpawhna tam tak, tuna sawrkarin a enkawl zui loh avanga \hing \huap te chu MNF sawrkar laia an siam a nih thu leh MNF an sawrkar leh hunah chuan, Mizoram inkalpawhna awlsam zawk leh \ha zawk siam an tum thu a sawi a, "Zinkawng-a kan hun hman a tlem zawk theih nan inkalpawhna hnai zawk (short cut) tam tak siam kan tum bawk a ni," a ti a. "Decentralisation of Power & Function, thuneihna sem zai a, Mizoram hmun hrang hrang thingtlang kilkhawr thlengin thuneihna sang zawk leh roreltir theih chu kan SEDP-in a tum a ni a, MNF kan sawrkar chuan hemi chungchang hi hna hmasa berah neihin Assembly \hutkhawm hmasa berah kan pass dawn a ni," a ti bawk. MNF Vice President chuan Zofate ram luah chin zawng zawng chu rorelna pakhat hnuaia awmtir turin MNF chuan hma an la tawh \hin tih sawiin, hma an lak zel dawn thu a sawi a. "MNF kan sawrkar chuan Zofa hmun hrang hranga awmte inpumkhatna \ha zawk a awm theihna turin International Zofa Convention te, Cultural Meet te hi SEDP hnuaiah buatsaih kan tum a. Chungte chu a hlawhtlin theihna turin hmun hrang hranga Zofate tamna tlawh chhuak turin ruahmanna kan siam," tiin an hruaitu rual te chu Mizoram pawna Zofate awmna hmun hrang hrang chenna hmun tlawh tura kal an tum thu a sawi bawk.
- Published by Lenkawl, the first independent daily newspaper in Serchhip, since 1981.
Zonuna Kawlni
Fri, 12/08/2017 - 10:51

ZPM in kalphung thar an kalpui tur zingah mipui Sorkar an nih theih nan Panchayti Raj siam an tum

Zoram Peoples' Movement (ZPM) chuan an Sawrkar chuan kalphung thar an kalpui tur zingah mipui Sawrkar an nih theih nan Panchayti Raj siam an tum thu an sawi a, kum kalta a\anga sawrkar inrelbawlna fuhloh vangin sawrkar hnathawkten lungawilohna an lantir niin an sawi bawk. Nimin-a Aizawl Press Club-ah thuthar lakhawmtute an kawmnaah ZPM Val Upa Council Chairman, Lalfakzuala chuan Democracy chu mipui siam, mipui rorelna, mipui Sawrkar a nih angin, mipui chanvo leh mawhphurhna tisang a, hmasawnna a kal chak zawk theih nan ZPM chuan Panchayati Raj chu kalpui a \ul an tih thu a sawi a. Panchayati Raj kalpui a nih chuan a bikin hmeichhia te tan seat awm zawng zawng a\anga hmun thuma \hena hmun khat chu dah anih tur thu ZPM hruaitute chuan an sawi. State Legislature a\ang ringawta hmasawnna leh ruahmanna siam chuan District leh khawtin a thleng tawklo ni-a a lan avangin Panchayati Raj chu neih a \ul zia ZPM te chuan sawiin, Mizoram-in a duh chuan Panchayati Raj a nei ve thei tih an sawi a, Panchayati Raj nei ve tur chuan State Legislative Assembly-in a pass a ngaih thu leh MLA zawng zawng zatve aia tlemlo leh Vote lak nia vote thlak MLA hmun thuma \hena hmun hnih aia tlem lovin an pawmpui chuan Panchayati Raj chu hman ve theih a ni tih an sawi bawk.
Sawrkar hnathawk nuar te chungchang pawh sawiin ZPM hruaitute chuan kum kalta a\anga sawrkar inrelbawlna fuhloh vangin sawrkar hnathawkten lungawilohna an lantir niin an sawi bawk a. ZPM General Secretary, K. Sapdanga chuan sawrkar hnathawk ten 7th Pay lak vat phuta Casual Leave an la chu an duham tak thut vanga sawrkar nawr an ni lo a, kum tam tak kalta a\anga inrelbawlna a fuhloh vanga hetiang dinhmun hi thleng ta an ni tih sawiin, State sawrkar-in sum a neih loh chhuanlama sawrkar hnathawkten an tawrh laiin NLUP sem a nih tur thu erawh Vengchhung Tlangau-ah hriat tur a awm reng niin a sawi a. Sem policy kalpui a nih avangin Mizoram mipuiin harsatna hrang hrang an tawh phah niin a sawi bawk.
- Published by Lenkawl, the first independent daily newspaper in Serchhip, since 1981.
Zonuna Kawlni
Fri, 12/08/2017 - 10:50